Njéga̰g-Rəwtaje 9:4 - Maktub gə́ To gə Kəmee

⁴ Deḛ d’aree larnda rɔ-siri gə́ d’ɔr mee kəi’g lə magə-Baal-Berit. Abimelek odo larnda neelé ndogo ne dəwje gə́ gə mḭdé ba ləm, gə njéndɔjitaje ləm tɔ ɔm dee ne gée’g.

Njéga̰g-Rəwtaje 9:4 ပူးပေါင်းရင်းမြစ်များ

2 Samel 6:20

Dabid tel aw gə mba kaw tɔr ndia dɔ njémeekəije’g ləa ndá Mikal, ŋgolə Sawul gə́ dené lé teḛ iŋgá. Yeḛ dəjee pana: Rɔnduba gə́ ban ɓa d’ula dɔ mbai lə Israɛlje’g ɓogənè ɓa aree tɔr ne kubu rəa’g kəm ŋganjélookisije’g ləa gə́ dené gə diŋgam to gə́ lə dəw gə́ kari ba ɓa tɔr kubu rəa’g bèe nee wa.

2 Sôrta Gḭka Israɛlje 13:7

Dəwje gə́ gə mḭdé ba gə́ to njéra né kori-korije mbo̰ dɔ na̰ rəa’g d’ɔsee d’ilá dɔ Roboam’d gə́ to ŋgolə Salomo̰ mbata Roboam to gə́ ŋgon gə́ nà ləm gə njeɓel gə́ siŋgá as kaar naŋg gəs no̰ dee’g el tɔ.

Maktub gə́ wɔji dɔ Jɔb 30:8

Deḛ to gə́ mbə-dəwje gə́ d’ə̰ji dee bəḭ-bəḭ Ndá deḛ tuba dee mee ɓee’g.

Gosota-Kəmkàrje 12:11

Yeḛ gə́ ndɔ ndɔ ləa lé Muru asee nag-nag, Nɛ yeḛ gə́ ndolè goo néje gə́ gə mḭdé ba lé Kəmkàr na mée tas.

Soponi 3:4

Njéteggintaje ləa to njéhulaije gə njésukəmlooje ləm, Njékinjanéməsje ləa kara d’ula sul dɔ néje gə́ to gə kəmee’g D’al ne dɔ godndu ləm tɔ.

Néra Njékaḭkulaje 17:5

Nɛ Jibje lé kəmkəḭ rusu meḛ dee njḭ-njḭ ar dee d’ɔr njémeeyèrje gə́ na̰je mbuna dalm-dəwje’g d’ɔm dee goo dee’g gə mba kar dee pələ meḛ dəwje d’ar dee d’aw dɔ na̰’d pum-pum ɓó gə kar ɓee ləŋg ne. Deḛ saŋg Pool gə Silas saar d’aw ɓee lə Jaso̰ mba kɔr dee kaw sə dee no̰ koso-dəwje’g.

Njéga̰g-Rəwtaje 11:3

Bèe ɓa Jepte aḭ ŋgakea̰je aw əw aw si ɓee gə́ Tɔb. Gaim-dəwje mbo̰ dɔ na̰ rɔ Jepte’g ndá d’aw təd wai səa na̰’d.

Njéga̰g-Rəwtaje 8:33

Loo gə́ Gedeo̰ wəi mba̰ ndá Israɛlje tel ra kaiya pole ne magə-Baalje ndá deḛ d’un magə gə́ ria lə Baal-Berit d’unda gə́ magə lə dee.

Njéga̰g-Rəwtaje 9:27

Deḛ teḛ d’aw ndá tḭja kandə nduúje lə dee ləm, mbula manee ləma, deḛ d’al ne rɔ dee ləm tɔ, ndá deḛ d’andə d’aw mee kəi-magə’d lə dee ləm, d’usɔ gə d’ai ləma, d’ila ne ndɔl dɔ Abimelek’g ləm tɔ.

1 Samel 22:2

Deḛ lai gə́ to njénékəmndooje ləm, gə deḛ lai gə́ ɓaŋg to dɔ dee’g ləma, gə deḛ lai gə́ meḛ dee lel dee el ləm tɔ lé mbo̰ dɔ na̰ rəa’g ndá yeḛ tel to mbai dɔ dee. Togə́bè deḛ lai gə́ d’ɔm gelee’g lé d’as dəwje tɔl-sɔ (400).