Njéga̰g-Rəwtaje 7:8 - Maktub gə́ To gə Kəmee

⁸ Deḛ d’odo nésɔje lə koso-dəwje ləm, gə to̰to̰je lə dee ləm tɔ. Tɔɓəi Gedeo̰ ya̰ koso-dəwje gə́ Israɛl lai ar nana kara tel aw mee kəi-kubu’g ləa-ləa, nɛ dəwje gə́ tɔl-munda (300) lé ba yeḛ ŋgəm dee rəa’g. Loo-si Madianje to gelee’g mee wəl-loo’g.

Njéga̰g-Rəwtaje 7:8 ပူးပေါင်းရင်းမြစ်များ

Esai 27:13

Mee ndəa’g neelé d’a kim to̰to̰ gə́ boo, Bèe ɓa deḛ gə́ d’wa dee gə́ ɓər d’aw sə dee Asiri lé D’a tel ree ɓée ləm, Deḛ gə́ d’aḭ d’aw ɓee gə́ Ejiptə kara D’a tel ree ləm tɔ, Ndá deḛ d’a kunda barmba no̰ Njesigənea̰’g Dɔ mbal gə́ to gə kəmee gə́ to Jerusalem.

Ləbije 23:24

pana: Ula Israɛlje pana: Ndɔ gə́ dɔtar lə naḭ gə́ njekɔm’g siri lé a to ndɔ-kwa-rɔ sí gə́ seḭ a ɓarje ne Njesigənea̰ wəl-wəl ləm, seḭ a mbo̰je ne dɔ na̰ kwamje ne meḛ sí’g ləm tɔ.

Ləbije 25:9

Ndɔ dɔg lə naḭ gə́ njekɔm’g siri lé seḭ a karje ndu to̰to̰ ɓar ɔr loo lɔi-lɔi, ndɔ kiŋga meekoso lemsé dɔ kaiya’g lé kara seḭ a kimje to̰to̰ gə looje lai-lai mee ɓee’g lə sí tɔ.

Bula lə Israɛlje 10:9

Loo gə́ mee ɓee’g lə sí lé seḭ a gə kawje mba rɔ gə njéba̰je lə sí gə́ d’a gə dum sí ndá seḭ a kimje to̰to̰je kar dee ɓar ŋgaw ɓa mee Njesigənea̰, Ala lə sí a kolé ne dɔ sí’g ləm, yeḛ a kɔr sí ne ji njéba̰je’g lə sí ləm tɔ.

1 Njé gə́ Kɔrḭtə 15:52

léegəneeya to gə́ kəm gə́ tuga jib bèe ndɔ gə́ to̰to̰ gə́ rudu a ɓar lé. Mbata to̰to̰ a ɓar ya ndá njé gə́ d’wəi lé d’a kunda loo teḛ gə rɔ dee gə́ a gə yɔlé el ŋga ndá jeḛ kara j’a kun rɔ sí gə́ ləw mbél ne nje gə́ sigi tɔ.

Jujé 6:20

Yen ŋga koso-dəwje lé d’ɔm lul rɔ u-u-u ləm, njékinjanéməsje kara d’im to̰to̰ ləm tɔ. Loo gə́ koso-dəwje d’oo ndu to̰to̰ gə́ ɓar ndá deḛ d’ɔm lul rɔ u-u-u gə ndu dee gə́ boi ndá ndògo-bɔrɔ lé təd unda naŋg rib, koso-dəwje lé nana kara andə aw mee ɓee’g dəa gə́ kédé njoroŋ. Deḛ taa ɓee-boo neelé tɔ.

Jujé 6:4

Njékinjanéməsje siri d’a kwa to̰to̰je siri gə́ ra gə gaji badə ji dee’g ɓa d’a njaa ne no̰ sa̰duk-manrɔ’g. Tɔɓəi ndɔ gə́ njekɔm’g siri lé ndá seḭ a njaaje guguje dɔ ɓee lé as gɔl siri tɔ. Ndá njékinjanéməsje lé d’a kim to̰to̰je lé tɔ.

Njéga̰g-Rəwtaje 3:27

Loo gə́ yeḛ teḛ lée’g neelé mba̰ ndá yeḛ im to̰to̰ mee mbalje’d gə́ Eprayim. Israɛlje d’ḭ dɔ mbal’g risi d’ur naŋg səa na̰’d, ndá yeḛ tel to ne njekɔrno̰ dee tɔ.

Njéga̰g-Rəwtaje 6:33

Madianje lai ləm, gə́ Amalekje lai ləma, gə njé gə́ Bər lai ləm tɔ mbo̰ dɔ na̰ loo kára ba, deḛ gaŋg baa gə́ Jurdɛ̰ ndá d’wa loo-si dee mee wəl-loo gə́ Jisreel.

Njéga̰g-Rəwtaje 7:7

Njesigənea̰ ula Gedeo̰ pana: Njérɔje gə́ tɔl-munda (300) ba gə́ kəblə mán neelé ɓa m’a kaji sí ne ləm, m’a kya̰ ne Madianje jii’g ləm tɔ. Maji kar ges njérɔje lai gə́ nai lé nana kara tel aw loo-siée’g siée’g ya.

Njéga̰g-Rəwtaje 7:9

Njesigənea̰ ula Gedeo̰ loondul’g pana: Ḭta aw loo-si dee’g mbata ma m’uba dee m’ya̰ dee jii’g mba̰.