Njéga̰g-Rəwtaje 7:2 - Maktub gə́ To gə Kəmee

² Njesigənea̰ ula Gedeo̰ pana: Dəwje gə́ d’isi səi neelé bula yaa̰ boo kəm kam m’ila Madianje meḛ ji dee’g el, nà banelə Israɛlje d’a kula ne rɔnduba dɔ rɔ dee-deḛ’g kɔsm ne rəw pana: Ji neḛje ya ɓa n’taaje ne rɔ neḛje.

Njéga̰g-Rəwtaje 7:2 ပူးပေါင်းရင်းမြစ်များ

Gḭ-Néje 46:2

Ala teḛ dɔ Israɛl’g gə́ némḭdi loondul’g ɓaree pana: Jakob! Jakob! Israɛl ndigi təa’g pana: M’oo tai’g ya!

2 Sôrta Gḭka Israɛlje 14:11

Njesigənea̰ kunda Etiopije tɔl dee no̰ Asa’g gə no̰ Judaje’g ndá Etiopije buŋga na̰ d’aḭ.

Esai 10:13

Mbata yeḛ pana: Gə goo siŋgamoŋ lə ji neḛ ɓa Neḛ n’ra ne né ləm, Gə goo kəmkàr lə neḛ ya, Mbata neḛ n’to njegosonégər ləm tɔ, Yee ɓa neḛ n’rəm ne gə rəw-nimje lə koso-dəwje ləm, N’taa ne nébaoje lə dee lé ləm tɔ. Tɔɓəi n’wa deḛ gə́ d’isi dɔ kalimbaije’g lé M’ɓugu dee naŋg Asəna gə bao-rɔ bèe.

Esai 2:11

Dəw gə́ njekəsta lé d’a karee ula dəa ləm, Njebeelé kara d’a karee oso kul ləm tɔ, Mee ndəa’g neelé dɔ Njesigənea̰ ya kára ba a to tar.

Esai 2:17

Dəw gə́ njebeelé lé d’a karee oso kul ləm, Yeḛ gə́ njeti rəa kara d’a karee ula dəa ləm tɔ. Mee ndəa’g neelé dɔ Njesigənea̰ ya kára ba a to tar.

Jeremi 9:23

Nɛ yeḛ gə́ ndigi kɔs gaji rəa ndá Maji karee ɔs gaji rəa Mbata yeḛ gər gosonégər Gə mbata gər gə́ yeḛ gərm ne ləm. Gə gər gə́ yeḛ gər To gə́ ma m’to Njesigənea̰, Gə́ njera meemaji gə njera né gə́ danasur, Gə njenéra gə́ gə dɔ najee dɔ naŋg nee ləm tɔ, Yee neelé ɓa gə́ né gə́ taa kəm rəgm, Njesigənea̰ ɓa pa bèe.

Ejekel 28:17

I beelé məəi’g mbata maji péd-péd ləi ləm, ndubarɔ ləi lé ari tuji ne kəmkàr ləi ləm tɔ, neḛ n’ɔsi n’ilai naŋg n’ari tel to né mbo̰ kəm dɔ’g lə mbaije ya.

Ejekel 28:2

I ŋgon-dəw lé, ula mbai gə́ njeko̰ dəb ɓeeko̰ gə́ Tir pana: Mbaidɔmbaije gə́ Njesigənea̰ pana: I beelé məəi’g pana: I to Ala. I si dɔ kalimbai’g lə Ala ŋgaw dan baa-boo-kadje’g! Nɛ i lé to dəw ɓó to Ala el. I un né gə́ məəi ndigi aree taa tor né gə́ mee Ala ndigi.

Loo gə́ killa rea kəm Daniel’g 4:30

Léegəneeya, ta gə́ pa dɔ Nebukadnesar’g lé aw lée’g béréré. Deḛ d’ɔsee mbuna dəwje’g tubá ləm, yeḛ sɔ mu to gə́ bɔ maŋgje bèe ləma, mán tàl tən rəa’g ləm tɔ saar ar yiŋga dəa ḭ ŋgal to gə́ bèl niŋgatə̰də ləm, yel jiaje gə yel gɔleeje d’uba ŋgal to gə́ ka̰ yelje bèe ləm tɔ.

Habakuk 1:16

Gelee gə́ nee ɓa deḛ d’inja ne nékinjaməs d’ar buraje lə dee ləm, Deḛ roo ne néje gə́ ə̰də sululu d’ar bura-masaŋ lə dee ləm tɔ. Mbata mbɔl dɔ dee ɓa kɔr naḭ ubu lə dee to ne keneŋ ləm, Nésɔ lə dee gə́ lel ta’g lé Taa ne rɔ dee pəl-pəl ləm tɔ.

Jakari 12:7

Njesigənea̰ a kaji njérɔje gə́ Juda kédé ɓa gə mba kar rɔnduba lə gel-bɔje lə Dabid ləm, gə rɔnduba lə njé gə́ Jerusalem ləm tɔ lé ur dɔ ka̰ Judaje’g el.

Jakari 4:6

Tɔɓəi yeḛ tel ilam’g pana: Yee neelé to ta gə́ Njesigənea̰ ula Jorobabel pana: To gə goo né gə́ wɔji dɔ siŋgamoŋ lə njérɔje gə́ d’aw rɔ ne el ləm, Esé gə goo siŋgamoŋ lə dəw el ləm tɔ, Nɛ gə goo Ndil neḛ-neḛ nja kára ba, Njesigənea̰ gə́ njeboo-néje lé ɓa pa bèe.

Bula lə Israɛlje 31:4

Seḭ a kulaje njérɔje tɔl-dɔg-dɔg (1.000) kwɔji ne dɔ ginkoji lə dee lə dee gə goo ginkojije lə Israɛlje lai ya.

Njé gə́ Rɔmə 11:18

ndá maji kari ti ne rɔi ə̰ji ne barkəm kagje gə́ kédé lé el. Ɓó lé i ti ne rɔi ndá maji kari gər gao, ŋgirai ɓa to gə́ siŋgamoŋgi ɓó i ɓa to gə́ siŋgamoŋ ŋgirai el.

Njé gə́ Rɔmə 3:27

Ŋga see loo ti rɔ sí to ra ɓəi wa. Lée godo ya. Ŋga see lée godo wɔji dɔ godndu gə́ ra wa. See godndu gə́ wɔji dɔ néra dəwje wa. Wah! nɛ to gə goo meekun lə dəwje ba.

2 Njé gə́ Kɔrḭtə 4:7

Nébao neelé jeḛ j’odo gə́ jo-ɓan mba kar dee gər gao siŋgamoŋ neelé to gə́ ka̰ Ala ɓó to gə́ ka̰ síjeḛ el.

Njé gə́ Epesə 2:9

To kula ra dəw ɓa el, bèe ndá dəw kára kara a nduba ne rəa el.

Tel tura Godndu 32:27

Nɛ ma m’ɓəl dɔ ta rɔkul’g lə njéba̰je ləm ləm, Ma m’ɓəl nà njékoma̰ sə deeje D’a ti rɔ dee pa ne pana: Ji síjeḛje ya ɓar mèr-mèr, Ɓó Njesigənea̰ ɓa ra néje neelé el.

Tel tura Godndu 8:17

Meḛ sí dɔ rɔ sí’g nà a paje meḛ sí’g pajena: Siŋga sí gə ji sí gə́ ɓar mèr-mèr ɓa jeḛ j’iŋgaje ne nébaoje neelé.

Tel tura Godndu 8:18

Arje meḛ sí olé dɔ Njesigənea̰ Ala’g lə sí mbata to yeḛ nja ɓa gə́ ar sí siŋga sí kar sí iŋgaje ne nébaoje gə mba karee to njaŋg, to gə́ yeḛ ra ɓogənè, gə goo manrɔ ləa gə́ yeḛ un ne ndia ar bɔ síje-je lé.

Maktub gə́ Jak ula ne ar ngan-Allaje 4:6

Nɛ Ala lé wa sə sí noji gə́ maji unda nje gə́ kédé, gelee gə́ nee ɓa maktub gə́ to gə kəmee lé pa ya tɔɓəi pana: Ala ɔs njébeeleje rəw nɛ yeḛ wa noji gə njékula dɔ deeje.

1 Samel 14:6

Jonatan ula basa gə́ odo nérɔje ləa lé pana: Gə́ ree ar sí j’aw saar n’teḛje loo-si njé gə́ lal kinja tamɔd dee’g. Banelə Njesigənea̰ a ra né mbata lə sí mbata Njesigənea̰ lé ɓó lé njé gə́ ləa jebəre ba əsé deḛ bula kara né gə́ njekɔgee loo kaji dəwje lé godo.