Njéga̰g-Rəwtaje 7:16 - Maktub gə́ To gə Kəmee

¹⁶ Njérɔje gə́ tɔl-munda (300) lé Gedeo̰ kai dee kudu munda ndá yeḛ ar dee to̰to̰je ji dee’g kel kel ləm, gə kulum manje gə́ mee dee to kari ba ləma, gə néndogóje gə́ to mee kulum manje’g ləm tɔ.

Njéga̰g-Rəwtaje 7:16 ပူးပေါင်းရင်းမြစ်များ

Gḭ-Néje 14:15

Yeḛ gə njérɔje ləa lé deḛ kai na̰ gə kudu dee kudu dee gə mba rɔ gə njéba̰je lə dee lé loondul’g. Ndá yeḛ dum dee ləm, yeḛ kor dee saar teḛ Soba gə́ to par gə́ dɔgel lə ɓee gə́ Damas ləm tɔ.

2 Samel 18:2

Yeḛ kai njérɔje lé loo munda ndá Joab ɓa to dəw dɔ dee-deḛ gə́ kudu kára ləm, kudu deḛ gə́ njekɔm’g joo lé Abisai, ŋgolə Seruja, ŋgoko̰ Joab ɓa gə́ dəw dɔ dee ləma, kudu deḛ gə́ njekɔm’g munda lé Itai, dəw gə́ Gat ɓa gə́ dəw dɔ dee ləm tɔ. Tɔɓəi mbai ula njérɔje lé pana: Ma nja kara m’ndigi kaw sə sí na̰’d ya tɔ.

2 Njé gə́ Kɔrḭtə 4:7

Nébao neelé jeḛ j’odo gə́ jo-ɓan mba kar dee gər gao siŋgamoŋ neelé to gə́ ka̰ Ala ɓó to gə́ ka̰ síjeḛ el.

Njéga̰g-Rəwtaje 7:15

Loo gə́ Gedeo̰ oo sor ni gə gelee gə́ kɔr lé ndá yeḛ dəb kəmee naŋg. Tɔɓəi yeḛ tel ree loo-si Israɛlje’g ula dee pana: Ḭje tar mbata Njesigənea̰ uba Madianje gə boo-njérɔje lə dee ya̰ dee ji sí’g ya.

Njéga̰g-Rəwtaje 7:17

Yeḛ ula dee pana: Seḭ a kaamje gərərə ndá seḭ a raje to gə́ ma m’ra lé tɔ. Loo gə́ m’a teḛ loo-si dee’g ndá né gə́ m’a ra lé seḭ kara a raje bèe ya tɔ.

1 Samel 11:11

Bèlè lookàree Sawul kai boo-njérɔje loo munda. Deḛ d’ur dan loo-si Amo̰je’g kàr-ŋgəm-loo’d gə́ gə ndɔ ndá deḛ rɔ sə dee saar kàr ɔs keḭ-keḭ. Deḛ gə́ teḛ ta yoo’g lé sané na̰ kad-kad ɓó a koo dəwje joo ta na̰’d el.