Njéga̰g-Rəwtaje 7:12 - Maktub gə́ To gə Kəmee

¹² Madianje ləm, Amalekje ləma, gə njé gə́ Bər ləm tɔ lé yal na̰ pə mee wəl-loo’g, bula digi-digi to gə́ beedéje bèe ləm, jambalje lə dee kara dum tura to gə́ nagəra gə́ ta baa-boo-kad’g bèe ləm tɔ.

Njéga̰g-Rəwtaje 7:12 ပူးပေါင်းရင်းမြစ်များ

1 Mbaije 20:27

Israɛlje kara tən njérɔje lə dee tura goo bula lə dee tɔ, deḛ d’iŋga nésɔje ndá d’ḭ d’ɔr rɔ d’aw rɔ gə Aramje. Deḛ d’isi d’wɔji dɔ dee njoroŋ asəna gə koso-bya̰je gə́ bula lam ba gel joo bèe nɛ Aramje ɓa bula taa ɓee pəl-pəl ya.

Pakɔsje 3:1

Pa lə Dabid loo gə́ yeḛ aḭ ne no̰ ŋgonee Absalɔm’g.

Pakɔsje 33:16

Kudu boo-njérɔje ɓa d’askəm kaji mbai lé el ləm, Boo-siŋgamoŋ lé kara as kɔr bao-rɔ kilá tar el ləm tɔ.

Jeremi 46:23

Lée kag-kɔr ləa siŋ siŋ-siŋ kara Deḛ tuga mbad-mbad gaŋg. Njesigənea̰ ɓa pa bèe. Mbata deḛ bula d’unda beedéje Ɓó dəw askəm tura dee el.

Jujé 11:4

Mbaije neelé gə njérɔje lə deḛ lai d’ɔm na̰’d d’aw ar bula lə dee dum tura asəna gə nagəra gə́ ta baa-boo-kad’g bèe ləm, d’ar kunda-kaw-rɔje gə pusu-rɔje lə dee bula digi-digi ləm tɔ.

Njéga̰g-Rəwtaje 6:3

Loo gə́ Israɛlje dubu né mba̰ ndá Madianje, gə Amalekje, gə njé gə́ Bər d’ḭ d’ɔm na̰’d d’aw rɔ sə dee.

Njéga̰g-Rəwtaje 6:33

Madianje lai ləm, gə́ Amalekje lai ləma, gə njé gə́ Bər lai ləm tɔ mbo̰ dɔ na̰ loo kára ba, deḛ gaŋg baa gə́ Jurdɛ̰ ndá d’wa loo-si dee mee wəl-loo gə́ Jisreel.

Njéga̰g-Rəwtaje 6:5

Mbata deḛ d’aw gə koso-nékulje lə dee gə kəi-kubuje lə dee ləm, deḛ d’aw dèm-dèm to gə́ beedéje gə́ dum tura bèe ləm tɔ, deḛ gə jambalje lə dee lé bula digi-digi ndá ree mee ɓee’g neelé mba tujee tɔ.

Njéga̰g-Rəwtaje 7:13

Loo gə́ Gedeo̰ ree ndá aa oo, dəw kára si ndaji ta ni ləa ar kuramaree. Yeḛ pana: Ma m’ni, ndá aa oo, mbə nduji kó-ɔrj gə́ ndèm nduburu loo-si Madianje’g, yee aw saar dar kəi-kubu aree oso, yee tel kəi-kubu lé ar dəa to gə́ naŋg ləm, ar mée to gə́ tar ləm tɔ ɓa tel oso ɓəi.

Njéga̰g-Rəwtaje 8:10

Jeba gə Salmuna d’isi Karkɔr gə njérɔje lə dee gə́ d’as tɔl-dɔg-loo dɔg-giree-mi (15.000) jén bèe. To ges njérɔje gə́ nai mbuna njé gə́ Bər’g, mbata deḛ tɔl njérɔ gə kiambasje gə́ tɔl-dɔg-loo-tɔl gə dəa rɔ-joo (120.000) lé mba̰.

1 Samel 13:5

Pilistije mbo̰ dɔ na̰ mba rɔ gə Israɛlje. Deḛ d’aw gə pusu-rɔje tɔl-dɔg (1.000) ləm, gə njérɔ gə́ gə kundaje tɔl-dɔg-loo-misa̰ (6.000) ləm tɔ, tɔɓəi njérɔje lé bula dum tura asəna gə nagəra gə́ to ta baa-boo-kad’g bèe. Deḛ d’aw d’wa loo-si dee Mikmas, par gə́ bər lə Bet-Aben.

1 Samel 30:17

Dabid rɔ sə dee, un kudee gə ndɔ rad ya tɔl dee saar bèlè kàrkemetag ar dəw kára kara mbuna dee’g nai el, nɛ basaje tɔl-sɔ (400) ɓa d’uba jambalje d’aḭ d’aw.