Njéga̰g-Rəwtaje 7:11 - Maktub gə́ To gə Kəmee

¹¹ I a koo taje lai gə́ d’a gə pa ndá gée gə́ gogo jii a ɓar mèr-mèr, bèe ndá aw loo-si dee’g lé ya. Yeḛ aw gə Pura, kura ləa lé na̰’d saar teḛ ŋgaŋ loo-si dee’g raga tɔ.

Njéga̰g-Rəwtaje 7:11 ပူးပေါင်းရင်းမြစ်များ

Gḭ-Néje 24:14

Ŋgoma̰də gə́ m’a gə kwɔiyee pana: Ma m’ra ndòo rɔi’g, maji kari rəm gə kulum mán ləi lam gə́ naŋg am m’ai ɓa ɓó lé yeḛ a tel kilam keneŋ pana: Maji kam m’ai ya ləm, jambalje ləm kara neḛ n’a kar dee d’ai ya ləm tɔ ndá maji kar yeḛ neelé to yeḛ gə́ i ɔree kédé wɔji ne dɔ Isaak kura ləi lé. Yen ɓa m’a gər to gə́ i wa noji gə ɓémje bèe ya.

Esdras 6:22

Deḛ ra naḭ gə́ wɔji dɔ muru gə́ lal əm-tiné gə rɔlel as ndɔ dee siri mbata Njesigənea̰ ar rɔ dee lel dee loo gə́ yeḛ tel mee mbai gə́ Asiri aree ula diŋgam meḛ dee’g dɔ kula kunda kəi Ala gə́ to Ala lə Israɛlje lé.

Nehemi 6:9

Dəwje lai neelé ndigi kɔm ɓəl dɔ sí’g ndá deḛ d’ula na̰ pana: Meḛ sí a kila kas ləm, kula kara j’a raje el ləm tɔ. Ǝi Ala, ɓasinè am siŋgam!

Teḛ-Raga 13:18

Nɛ Ala ar koso-dəwje d’un rəw gə́ ɔr goŋ par gə́ dɔdilaloo’d gə́ aw par gə́ baa-boo gə́ ria lə baa-Kas. Israɛlje lé d’wa nékadje ji dee’g ɓa d’unda ne loo mee ɓee gə́ Ejiptə teḛ ya.

Njé gə́ Epesə 3:16

mba kar Ndilee ar meḛ sí gə́ kəi to kɔgərɔ-kɔgərɔ gə goo boo-ronduba ləa gə́ tur dɔ loo ləm,

Njé gə́ Epesə 6:10

Ŋgakɔmje, namje kaar Mbaidɔmbaije’g lə sí taaje ne siŋgamoŋ ləa gə́ dum dɔ loo oreeje ne maree lə sí.

Njé gə́ Pilibə 4:13

Mbɔl dɔ yeḛ gə́ orəm més lé lé riri kara m’askəm ra ya.

Njéga̰g-Rəwtaje 7:10

Ɓó lé i ɓəl gə mba kaw rɔ dee’g ndá ar Pura, kura ləi aw səi na̰’d.

1 Samel 14:12

Njérɔje gə́ d’isi loo-si dee’g lé d’ula Jonatan gə yeḛ gə́ njekodo nérɔje ləa lé togə́bè pana: Tugaje loo reeje rɔ sí’g ndá j’a kar sí ooje né. Jonatan ula yeḛ gə́ njekodo nérɔje ləa lé pana: Tuga loo ree goom’g mbata Njesigənea̰ ɔm dee ji Israɛlje’g ya.

1 Samel 23:16

Yen ŋga Jonatan, ŋgolə Sawul lé ḭ aw rɔ Dabid’g mee kag-kɔr’g. Ndá yeḛ ula diŋgam mée’g dɔ kɔm gə́ yeḛ ɔm mée dɔ Ala’g lé

1 Samel 26:6

Dabid un ta pa ar Ahimelek, dəw gə́ Het gə Abisai, ŋgolə Seruja gə́ to ŋgoko̰ Joab pana: See na̰ ɓa ndigi kaw səm rɔ Sawul’g loo-siée’g wa. Abisai ila keneŋ pana: Ma nja m’a kaw səi.