Njéga̰g-Rəwtaje 6:9 - Maktub gə́ To gə Kəmee

⁹ Neḛ n’ɔr sí ji njé gə́ Ejiptə’g ləm, gə ji dee-deḛ lai gə́ to njékula kəm sí ndooje ləm tɔ, n’ɔm sí tar ya, neḛ n’tuba dee no̰ sí’g ndá n’ar sí ɓee lə dee gə́ ka̰ sí.

Njéga̰g-Rəwtaje 6:9 ပူးပေါင်းရင်းမြစ်များ

Pakɔsje 105:43

Yeḛ ar koso-dəwje ləa lé D’unda loo teḛ gə boo-rɔkal ləm, Koso-dəwje gə́ yeḛ ɔr dee unda dee gə kəmee lé Yeḛ ar dee d’unda loo teḛ gə ndu rɔlel ya ləm tɔ.

Pakɔsje 136:24

Yeḛ ɔr sí ji njékula kəm sí ndooje’g Mbata meekɔrjol ləa lé to saar-saar gə no̰.

Teḛ-Raga 33:2

M’a kula kura ləm gə́ dara no̰ sí’g ndá m’a tuba njé gə́ Kana̰, gə Amɔrje, gə Hetje, gə Peresje, gə Hebje gə njé gə́ Yebus no̰ sí’g tɔ.

Njéga̰g-Rəwtaje 6:10

Neḛ n’ula sí m’pana: Neḛ n’to Njesigənea̰, Ala lə sí, ndá seḭ a ɓəlje magəje lə Amɔrje gə́ seḭ síje mee ɓee’g lə dee lé el. Nɛ seḭ ooje ta lə neḛ el tɔ.

Njéga̰g-Rəwtaje 6:8

ndá Njesigənea̰ ula njetegginta kára rɔ Israɛlje’g. Yeḛ ula dee pana: Njesigənea̰, Ala lə Israɛlje lé pa togə́bè pana: Neḛ n’ar sí undaje loo mee ɓee gə́ Ejiptə teḛje ləm, neḛ n’ar sí undaje loo mee kəi kula ɓər’g teḛje ləm tɔ.

1 Samel 10:18

Ndá yeḛ ula Israɛlje pana: Njesigənea̰ Ala lə Israɛlje pa togə́bè pana: Neḛ n’ar Israɛlje d’unda loo mee ɓee gə́ Ejiptə’g teḛ ndá neḛ n’ɔr dee ji njé gə́ Ejiptə’g ləm, gə ji ɓeeko̰je lai’d gə́ d’ula kəm dee ndòo ləm tɔ.