Njéga̰g-Rəwtaje 6:2 - Maktub gə́ To gə Kəmee

² Ji Madianje wɔi dɔ Israɛlje’g ndiŋ-ndiŋ. Gə mba kunda rɔ dee ji Madianje’g gaŋg ndá Israɛlje d’aḭ d’aw d’iya rɔ dee loo gə́ mbalje ta̰ keneŋ ləm, mee bolè mbalje’g ləma, gə mbuna kɔr mbalje gə́ ka̰ ŋgəm loo ləm tɔ.

Njéga̰g-Rəwtaje 6:2 ပူးပေါင်းရင်းမြစ်များ

Maktub gə́ wɔji dɔ Jɔb 30:6

Deḛ d’isi wəl-looje gə́ majel’g ləm, Gə mee bwaje gə́ naŋg gə mbuna mbalje’g ləm tɔ.

Jeremi 41:9

Nin dəwje gə́ Ismael tɔl dee mbɔr Gedalia’g lé yeḛ ɔm dee bwa-mán gə́ mbai Asa ur loo gə́ yeḛ ɓəl Baesa, mbai gə́ Israɛl lé, to mee bwa-mán’g neelé ɓa Ismael, ŋgolə Netania ɔm nin dee keneŋ aree rusu tub ya.

Jeremi 48:28

Ubaje ɓee-booje ya̰je Aw síje mbuna mbalje’g, Seḭ gə́ síje Moab lé! Maji kar sí toje asəna gə dərje Gə́ d’ula kəi lə dee kaar bolè mbalje’g.

Ləbije 26:17

M’a tel girm kar sí ndá njéba̰je lə sí d’a dum dɔ sí, deḛ gə́ d’wa sí gə meḛ dee d’a ko̰ɓee dɔ sí’g ləm, lé tuba sí el kara seḭ a kaḭje gə́ kaḭ ləm tɔ.

Ǝbrəje 11:38

Njé gə́ naŋg nee d’askəm kas sə dee el, deḛ lé d’aw wur-wur ndag-looje’g ləm, gə dɔ mbalje’g ləm, gə mee bolè mbalje’g ləma, gə kəm godə wəlje’g gə́ dɔ naŋg nee ləm tɔ.

Loo gə́ killa rea kəm Ja̰’g 6:15

Mbaije gə́ dɔ naŋg nee ləm, gə dəwje gə́ boo ləm, gə ɓé-njérɔje ləm, gə baoje ləm, gə njésiŋgamoŋje ləm, gə ɓərje lai ləma, gə ŋgankojije bura ləm tɔ lé deḛ dəb rɔ dee bolè mbalje’g gə mbuna mbalje’g.

Njéga̰g-Rəwtaje 10:8

Deḛ neelé d’ula kəm Israɛlje ndòo rəd dee ne naŋg mee ləb’g neelé, kula kəm loo ndòo neelé wɔi dɔ Israɛlje lai’d gə́ d’isi kel tura-baa gə́ Jurdɛ̰’g, dɔ naŋg ɓee lə Amɔrje gə́ to mee ɓee gə́ Galaad lé as ləb dɔg-giree-jinaijoo.

Njéga̰g-Rəwtaje 10:9

Amo̰je lé gaŋg baa gə́ Jurdɛ̰ mba kaw rɔ gə Judaje ləm, gə Bḛjamije ləma, gə ŋgaka Eprayimje ləm tɔ. Bèe ɓa Israɛlje d’isi ne dan boo-néurti’g ya.

Njéga̰g-Rəwtaje 6:3

Loo gə́ Israɛlje dubu né mba̰ ndá Madianje, gə Amalekje, gə njé gə́ Bər d’ḭ d’ɔm na̰’d d’aw rɔ sə dee.

1 Samel 13:6

Njérɔje gə́ Israɛl d’oo to gə́ d’un kəi dee lad mbata ɓeb dee ɓeb ndá deḛ d’aw d’iya rɔ dee mee bolè mbalje’g ləm, gə mee bèmèje’g ləm, gə mbuna mbalje’g ləm, gə mee kəi-gadje’g ləma, gə mee godə-bwa-manje’g ləm tɔ.

1 Samel 14:11

Deḛ d’ḭ joo bɔr d’aw loo-si Pilistije’g ndá Pilistije pana: Aa ooje, Ǝbrəje gə́ d’unda loo mee bwaje gə́ d’iya rɔ dee keneŋ lé teḛ d’aar’n.