Njéga̰g-Rəwtaje 5:6 - Maktub gə́ To gə Kəmee

⁶ Mee ndəaje’g lə Samgar, ŋgolə Anat, Gə mee ndəaje’g lə Jaɛl to lé rəwje d’wa ŋgɔ njag-njag ləm, Deḛ gə́ d’aw mbá lé d’un kila-rəwje gə́ ɔr goŋ ləm tɔ.

Njéga̰g-Rəwtaje 5:6 ပူးပေါင်းရင်းမြစ်များ

2 Sôrta Gḭka Israɛlje 15:5

Mee ndəaje’g neelé meekulɔm godo mbata lə deḛ gə́ d’aw raga gə tel kəi mbata néɓəlje gə́ to mbuna dəw-mee-ɓeeje’g lai lé,

Pakɔsje 125:5

Nɛ deḛ gə́ d’un goo rəwje gə́ nduni koŋ-koŋ lé Maji kar Njesigənea̰ tuji dee na̰’d gə njéra némajelje lé. Maji kar meelɔm lé nai dɔ Israɛlje’g ya.

Esai 33:8

Rəwje lai d’wa ŋgɔ njag-njag, Dəw dəs kila-rəwje’g el. Yeḛ tuji ta manrɔ ləa ləm, Yeḛ ə̰ji njékɔrgootareeje bəḭ-bəḭ ləma, Yeḛ oo dəw kára kara gə́ né el ləm tɔ.

Jeremi 6:25

Awje mee ndɔje’g el ləm, Awje rəwje’g el ləm tɔ Mbata lé neelé kiambas lə njeba̰ lə sí To keneŋ ləm, Ɓəl-boo aḭ dɔ sí sub ləm tɔ.

Nɔ̰-ndôo gə́ wɔji dɔ Jerusalem 1:4

Rəwje gə́ aw gə́ Sio̰ lé No̰ ndòo ɓa taa pəl-pəl ya Mbata dəw kára kara ila gɔlee loo-ra-naḭ’g el. Tarəwkɔgje ləa lai wa ŋgɔ njag-njag ləm, Njékinjanéməsje ləa tuma̰ ŋgururu-ŋgururu ləm, Ŋgama̰dje ləa lai d’isi dan ndòo’g ləma, Mee ɓee-boo lai adə mbag-mbag ləm tɔ.

Nɔ̰-ndôo gə́ wɔji dɔ Jerusalem 4:18

Deḛ d’un godə gɔl sí Mba kɔg sí loo kaw looje’g lə sí, Rudu ndɔ lə sí aw gə́ nee dəb ŋga Ar ndɔje lə sí as lé mba̰. Ar ka̰ síjeḛ lé godo ŋga!

Ləbije 26:22

M’a kula daje gə́ majel mbuna sí’g kar dee tɔl ŋgan síje ji sí’g ləm, d’a tuji nékulje lə sí ləma, d’a kar bula lə sí nai lam ba bèe ləm tɔ, rəwje lə sí kara d’a kwa ŋgɔ njag-njag ya.

Misee 3:12

Gelee gə́ nee ɓa gə mbata lə sí-seḭ lé ɓa Sio̰ a tel to gə́ loo-ndɔ Gə́ ndɔ bur-bur ləm, Jerusalem a tel to kɔr mbalje Gə́ tɔs dɔ na̰’d ləma, Dɔ mbal gə́ wɔji dɔ kəi gə́ to gə kəmee lé Semee a tel to ne mee kag-kɔr ləm tɔ.

Njéga̰g-Rəwtaje 3:31

Njegoo Ehud’g lé to Samgar, ŋgolə Anat. Yeḛ tɔl dəwje gə́ Pilisti as tɔl-misa̰ (600) gə duu maŋgje. Bèe ɓa yeḛ kara to ne njetaa dɔ Israɛlje tɔ.

Njéga̰g-Rəwtaje 5:7

Mbaije gə́ Israɛl lé siŋga dee godo, Siŋga dee godo ya, Saar njen k’arm ma Debora m’uba naŋg m’ḭta Asəna gə ko̰ ŋgon bèe mee ɓee’g lə Israɛlje.