Njéga̰g-Rəwtaje 5:4 - Maktub gə́ To gə Kəmee

⁴ Ǝi Njesigənea̰, loo gə́ i unda loo mee ɓee gə́ Seir teḛ ləm, Loo gə́ i ɔd lam aw gə́ mee ndɔje gə́ Edɔm ləm tɔ lé Naŋg yə ləm, dara léḛ sələlə-sələlə ləma, Kil lə ndi kara tel to mán ləm tɔ.

Njéga̰g-Rəwtaje 5:4 ပူးပေါင်းရင်းမြစ်များ

Gḭ-Néje 32:4

Jakob ula njékaḭkulaje ləa nea̰’g rɔ ŋgokea̰ Esawu’g mee ɓee gə́ Seir, ɓeeko̰ gə́ Edɔm.

2 Samel 22:8

Naŋg yə bura ɓugu-ɓugu ləm, Ar gin dara kara ɓar bura ɗigi-ɗigi ləm tɔ. Néje neelé yə mbata mee Ala gə́ ḭ səa pu.

Maktub gə́ wɔji dɔ Jɔb 9:6

Yeḛ yə naŋg ɓugu-ɓugu loo siŋgamoŋ’d ləa Ar gaji-gədeeje d’ula déréré-dèrèrè.

Pakɔsje 68:9

Naŋg yə ɓugu-ɓugu ləm, Dara kara léḛ ne sələlə-sələlə nɔḭ-i Ala’g lé ləma, Dɔ mbal gə́ Sinai lé kara ula déréré-dèrèrè No̰ Ala gə́ to Ala lə Israɛlje lé ləm tɔ.

Pakɔsje 77:17

Ǝi Ala, manje lé d’ooi ya, Manje lé d’ooi ya ndá deḛ ndəb ne pəd-pəd, Ɓul manje kara tuga ne poŋgm-poŋgm tɔ.

Pakɔsje 77:18

Ndi gə́ il lé tel to ko̰ ndi gə́ mbél manee naŋg ləm, Nda̰gee kara ɓar dan loo kil’g ləa ya ləma, Kandə ɓandaŋgje ləi turu pə-pə gə mee looje lai-lai ya ləm tɔ.

Esai 63:19

Jeḛ lé un kudee ləw ba ya Jeḛ n’toje asəna gə koso-dəwje Gə́ i o̰ dee bèe el ləm, Asəna gə koso-dəwje Gə́ d’unda rii dɔ dee’g el bèe ləm tɔ. Ǝi, ɓó lé i ta̰ dara ləm, Ɓó lé i risi ur naŋg ləm tɔ ndá Mbalje d’a yə ɓugu-ɓugu nɔḭ’g ya.

Misee 1:4

Mbalje léḛ gel gɔlee’g sələlə-sələlə To gə́ ya̰-tḛji léḛ ne ta pər’g bèe ləm, Kəm wəl-looje ta̰ To gə́ mán ula ne loo gə́ suru ɗum’g bèe ləm tɔ.

Tel tura Godndu 33:2

Yeḛ pana: Njesigənea̰ ḭ mbal gə́ Sinai ree ləm, Yeḛ ḭ aar dɔ dee’g dɔ mbal’d gə́ Seir, Yeḛ ndogó jol-jol dɔ mbal gə́ Paran, Yeḛ unda loo mbuna deḛ gə́ to gə kəmee’d gə́ bula digi-digi lé teḛ, Yeḛ ula gə pər gə godndu Gə́ to jikɔlee’g lé ar dee.

Ǝbrəje 12:26

Ndəa neelé ndia ɓar ar naŋg yə ne ɓugu-ɓugu, nɛ ɓasinè yeḛ un ndia ar sí pana: Gɔl kára tɔɓəi m’a yə dara ɓugu-ɓugu ŋga ɓó m’a yə naŋg ɓa gə karee el.