Njéga̰g-Rəwtaje 5:2 - Maktub gə́ To gə Kəmee

² Loo gə́ njé gə́ Israɛl d’isi pèrèrè mba rɔ rɔ lé ləm Loo gə́ koso-dəwje d’ḭ gə meḛ dee ya Gə mba kaw rɔ rɔ lé ndá: Pidije Njesigənea̰ gə mbəa ya.

Njéga̰g-Rəwtaje 5:2 ပူးပေါင်းရင်းမြစ်များ

2 Sôrta Gḭka Israɛlje 17:16

Deḛ gə́ mbɔree’g lé Amasia, ŋgolə Jikri, ḭ gə mee unda rəa gə kəmee ar Njesigənea̰, yeḛ aw gə bao-rɔje tɔl-dɔg-loo-tɔl-joo (200.000) tɔ.

Nehemi 11:2

Koso-dəwje tɔr ndu dee dɔ dee-deḛ lai gə́ d’ḭ gə meḛ dee mba ree si Jerusalem lé.

Pakɔsje 103:2

Ŋgaw məəm, maji kari unda no̰ dɔkaisəgərə lə Njesigənea̰ Ɓó gə ar məəi wəi dɔ néra majije’g ləa kára kara pai bèe godo.

Pakɔsje 110:3

Loo gə́ i mbo̰ njérɔje ləi dɔ na̰’d ndá Koso-dəwje ləi lé rɔ dee wɔilɔ ne pélé-pélé, Loo gə́ mabra uba bər ndá Siŋgai gə́ basi’g lé tel ree rɔi’g Asəna gə tàl bèe Mbuna néɗɔi-rɔ gə́ to gə kəmee’g lé.

Pakɔsje 136:15

Ar Parao̰ gə njérɔje ləa ɓugu ne dan baa-boo gə́ ria lə Baa-Kas’g neelé wɔlɔg ya, Mbata meekɔrjol ləa lé to saar-saar gə no̰.

Pakɔsje 18:47

Maji kar dɔ ri Njesigənea̰ ai səgərə ləm, Maji kar dɔ kɔr mbal ləm ai səgərə ləm tɔ. Maji kula rɔnduba dɔ Ala’g lé ləm gə́ to njegin kajim lé.

Pakɔsje 48:11

Ǝi Ala, to gə́ rii ɓar ɔr loo lɔi-lɔi lé Ta pidii kara ɓar ɔr loo lɔi-lɔi dɔ naŋg nee tɔ. Néra gə́ to gə dɔ najee lé taa mee jikɔli pəl-pəl.

Pakɔsje 94:1

Njesigənea̰, Ala gə́ njedalba̰ lé! Ala gə́ njedalba̰ lé Maji kari nduba rɔi gə́ raga.

Pakɔsje 97:8

Dəwje gə́ Sio̰ d’oo ndá Deḛ ra ne rɔlel ləm, Ɓee-booje gə́ Juda kara d’al ne rɔ dee ya ləm tɔ Ǝi Njesigənea̰ mbata rəwta-gaŋgje ləi lé ya.

1 Njé gə́ Kɔrḭtə 9:17

Ɓó ma m’ra gə məəm gə́ maji ndá meemaji ɓa gə́ nékoga dɔ jim ya. Nɛ ɓó lé to né gə́ unm lad ilam keneŋ ɓa m’ra kara to kula gə́ d’ɔm jim’g ya.

2 Njé gə́ Kɔrḭtə 8:12

Loo gə́ dəw ḭ gə mée mba kwa noji gə maree ɓa né to jia’g mba karee ra né bèe lé yee ɓa gə́ né gə́ taa kəm Ala ɓó loo gə́ né godo jia’g lé el.

2 Njé gə́ Kɔrḭtə 9:7

Bèe ndá maji kar dəwje kára-kára lai d’ar nénoji to gə́ meḛ dee wɔji njaŋg ɓó d’a sula kar gə meeko̰ el ləm, dəw a bəg dee dɔ’g el ləm tɔ, mbata dəw gə́ njekar gə meendakaḭ lé Ala undá dan kəmee’g ya.

Tel tura Godndu 32:43

Seḭ ginkoji dəwje gə raŋg ɔsje pa Ulaje ne rɔnduba dɔ koso-dəwje’g ləa! Mbata Njesigənea̰ dal ba̰ məs kuraje ləa ləm, Yeḛ dal ba̰ né gə́ njéba̰je ləa Ra ləm tɔ ndá Yeḛ uga dɔ ɓee ləa ləm Gə dɔ koso-dəwje ləa ləm tɔ.

Tel tura Godndu 33:21

Yeḛ mbər néje gə́ doŋgɔr gə́ mee ɓee’g Mbata lée’g neelé d’iya nénduba lə njegel godndu keneŋ, Deḛ d’ɔr no̰ koso-dəwje ləm, Deḛ d’ar néra gə́ gə dɔ najee lə Njesigənea̰ aw lée’g ləma, Gə ndukunje ləa gə́ yeḛ un wɔji ne dɔ Israɛlje lé ləm tɔ.

Njé gə́ Pilibə 2:13

Mbata to Ala nja ra kula meḛ sí’g ar sí ndigije raje togə́bè ləm, yeḛ ar rɔ sí wɔilɔ keneŋ gə mba ra tɔl bém ɓó gə taa ne kəmee ləm tɔ.

Piləmɔ̰ 1:14

Nɛ ma m’ndigi koo gə́ ndui’g ɓa ɓó m’a ra né gə dɔrɔm el ɓəi, mba kar maji gə́ i a gə ra lé i a ra gə məəi ɓó dəw a jaŋgi dɔ’g el.

Loo gə́ killa rea kəm Ja̰’g 18:20

Seḭ gə́ dara lé raje rɔlel dəa’g! Seḭ gə́ njémeendaje gə njékaḭkulaje gə njéteggintaje lé alje rɔ sí to! Mbata Ala ila ta dəa’g ra ne ta lə sí gə goo rəbee mba̰.

Loo gə́ killa rea kəm Ja̰’g 19:2

mbata rəwta-gaŋg ləa to gəd ləm, to gə dɔ najee ləm tɔ. Yeḛ gaŋg rəwta ila dɔ kaiya-dené gə́ njemina̰ naŋg nee gə mɔdkaiya ləa, yeḛ dal ba̰ məs kuraje ləa gə darɔ məsee-yeḛ nja.

Njéga̰g-Rəwtaje 5:9

Meem to dɔ mbaije’d gə́ Israɛl ləm, Dɔ koso-dəwje’d gə́ d’isi pèrèrè Gə mba rɔ ləm tɔ. Pidije Njesigənea̰.