Njéga̰g-Rəwtaje 4:9 - Maktub gə́ To gə Kəmee

⁹ Yeḛ ilá keneŋ pana: M’a kaw səi ya, nɛ i lé a kiŋga rɔnduba gə́ wɔji dɔ kaw gə́ i a gə kaw el mbata Njesigənea̰ a kuba Sisera kyá̰ meḛ ji dené’g ba. Bèe ɓa Debora ḭ aw ne gə Barak na̰’d ɓee gə́ Kedes tɔ.

Njéga̰g-Rəwtaje 4:9 ပူးပေါင်းရင်းမြစ်များ

2 Sôrta Gḭka Israɛlje 26:18

deḛ lai neelé to diŋgamje gə́ d’wa rɔ dee kɔgərɔ, d’ɔs ta lə mbai Ojias lé rəw, d’ulá ne pana: To ta ləi-i ɓa gə mba tuu né gə́ ə̰də sululu kar Njesigənea̰ el! Kula neelé wɔji dɔ njékinjanéməsje gə́ to ŋgalə Aaro̰ gə́ d’unda dee gə kəmee gə mba tuu né gə́ ə̰də sululu lé ɓa. Maji kari-i lé unda loo mee loo gə́ to gə kəmee’g nee teḛ raga mbata i ra kaiya ya! Né neelé a tel to népidii no̰ Njesigənea̰ Ala’g el.

Njéga̰g-Rəwtaje 2:14

Oŋg lə Njesigənea̰ ḭ səa pu dɔ Israɛlje’g ndá yeḛ uba dee ya̰ dee ji gayim-dəwje’g ar dee tuji néje lə dee ləm, yeḛ ar njéba̰je lə dee gə́ gugu dɔ dee sub lé d’wa dee d’ar dee to ɓərje lə dee ləm tɔ ɓó d’askəm kaar naŋg gəs no̰ dee’g el.

Njéga̰g-Rəwtaje 4:8

Barak ila Debora keneŋ pana: Ɓó lé i aw səm na̰’d ndá m’a kaw ya, nɛ ɓó lé i aw el ndá ma kara m’a kaw el ya tɔ.

Njéga̰g-Rəwtaje 9:53

Nɛ dené kára ila dɔ Abimelek gə kɔr mbal-kusu-né ndá yeḛ tɔ ne ka dəa njigi-njigi.

Njéga̰g-Rəwtaje 9:54

Léegəneeya yeḛ ɓar basa gə́ odo nérɔje ləa lé ulá pana: Ɔr kiambas ləi tɔlm ne, nà d’a pa dɔm’g pana: To dené ba tɔlm. Togə́bè ɓa basa neelé ɔsee ne gə kiambas tɔlee.

1 Samel 2:30

Gelee gə́ nee ɓa aa oo, ta gə́ Njesigənea̰, Ala lə Israɛlje pa pana: Kédé lé ma m’pa njaŋg m’pana: Njémeekəije ləi gə gel bɔbije lé d’a njaa no̰m’g saar gə no̰. Nɛ ɓasinè Njesigənea̰ pana: Neḛ n’godo keneŋ ŋga! Mbata yeḛ gə́ ila riɓar dɔ neḛ’g lé n’a kila riɓar dəa’g tɔ. Nɛ deḛ gə́ d’ə̰ji neḛ gə́ kḛji lé d’a kḛji dee gə́ kḛji tɔ.