Njéga̰g-Rəwtaje 4:5 - Maktub gə́ To gə Kəmee

⁵ Yeḛ si gel tumbur’d gə́ ɓaree tumbur lə Debora gə́ to mbuna Rama gə Betel’g lé ɓa si gaŋg rəwta, kaar mbal’g lə Eprayim, ndá Israɛlje ree rəa’g mba karee gaŋg rəwta lə dee.

Njéga̰g-Rəwtaje 4:5 ပူးပေါင်းရင်းမြစ်များ

Gḭ-Néje 35:8

Debora, njeŋgəm Rebeka lé wəi ar deḛ dubee no̰ Betel’g mbɔr kag-sɛnə gə́ d’unda ria lə kag-sɛnə no̰ yoo.

Teḛ-Raga 18:13

Bèlè lookàree lé, Moyis si gaŋg rəwta lə dəwje ndá, dəwje neelé d’aar tar nea̰’g gə ndɔ ya saar d’ar kàr ur naŋg jig.

Teḛ-Raga 18:16

Loo gə́ ta gə́ kəm gɔl to mbuna dee’g ndá deḛ ree ne rɔm’g, ma m’ɔr kəm ta gə́ to mbuna dee’g ndá m’ar dee gər ne ndukunje lə Ala ləm, gə godndiaje ləm tɔ.

Teḛ-Raga 18:19

Yen, ɓasinè lé, maji kari oo ndum ya, m’a gə kwɔjii né gə́ kəm ra ndá maji kar Ala nai səi ya, maji kari to njenai gə́ dəwje no̰ Ala’g lé ləm, i a kun taje lə dee kaw ne nea̰’g ləm tɔ.

Teḛ-Raga 18:26

Deḛ gaŋg rəwta dɔ dəwje’g gə ndɔ dee ndɔ dee, taje gə́ kədərə yaa̰ lé ɓa deḛ d’aw ne no̰ Moyis’g, nɛ ŋgan taje gə́ lam-lam ndá deḛ nja gɔl gə dɔrɔ dee tɔ.

Jeremi 31:15

Njesigənea̰ pa togə́bè pana: Ndu no̰ gə kii ɓar gèr-gèr Mee ɓee gə́ Rama, Deḛ no̰ gə mán-no̰ kəm dee’g Sii ne mbigi-mbigi, Rasel no̰ no̰ ŋganeeje. Yeḛ ndigi kar dee gɔlee el, Mbata ŋganeeje gə́ godo mbad-mbad lé.

Jujé 16:2

Yee ḭ Betel aw teḛ Luj ndá dəs par gə́ rəw-nim-ɓee’g lə Arkije par gə́ Atarot.

Jujé 18:22

gə Bet-Araba, gə Semarayim, gə Betel,

Jujé 18:25

Gabao̰, gə Rama, gə Beerot,

Njéga̰g-Rəwtaje 4:4

Mee ndəaje’g neelé Debora gə́ to njetegginta gə́ dené gə́ to dené lə Lapidot lé to njegaŋ-rəwta lə Israɛlje.

1 Samel 1:1

Dəw kára bèe to dəw gə́ Ramatayim-Sopim, ɓee gə́ to dɔ mbal’g lə Eprayim, dəw neelé ria lə Elkana. Yeḛ to ŋgolə Jeroham, gə́ to ŋgolə Elihu, gə́ to ŋgolə Tou, gə́ to ŋgolə Sup, yeḛ neelé to gə́ ginkoji’g lə Eprata.

1 Samel 1:19

Deḛ d’ḭ gə ndɔ rad tɔɓəi loo gə́ d’aw d’unda barmba no̰ Njesigənea̰’g mba̰ ndá deḛ tel d’aw mee kəi’g lə dee gə́ to Rama lé. Elkana to gə An gə́ dené ləa lé ndá Njesigənea̰ ar mee olé dəa’g.

1 Samel 22:6

Sawul oo to gə́ dəwje gər ta gə́ wɔji dɔ Dabid gə dɔ dəwje gə́ d’isi səa. Mee ndəa’g neelé Sawul si gel mas’g mee ɓee gə́ Gibea gə́ to dɔdərloo’g. Ko̰-niŋga ləa to jia’g ləm, kuraje ləa lai mbo̰ dɔ na̰ d’aar mbɔree’g ləm tɔ.

1 Samel 25:1

Samel lé wəi, ndá Israɛlje lai mbo̰ dɔ na̰ no̰ yée ləm, dubee ɓee kojee’g Rama ləm tɔ. Togə́bè ɓa Dabid ḭ aw dɔdilaloo gə́ Paran.

1 Samel 7:17

Tɔɓəi yeḛ tel ree Rama loo gə́ kəi ləa to keneŋ. Lée neelé yeḛ gaŋg rəwta lə Israɛlje keneŋ ləm, yeḛ ra loo-nékinjaməs keneŋ ar Njesigənea̰ ləm tɔ.