Njéga̰g-Rəwtaje 4:4 - Maktub gə́ To gə Kəmee

⁴ Mee ndəaje’g neelé Debora gə́ to njetegginta gə́ dené gə́ to dené lə Lapidot lé to njegaŋ-rəwta lə Israɛlje.

Njéga̰g-Rəwtaje 4:4 ပူးပေါင်းရင်းမြစ်များ

2 Mbaije 22:14

Hilkija, njekinjanéməs ləm, gə Akikam ləm, gə Akbɔr ləm, gə Sapan ləma, gə Asaja ləm tɔ d’aw rɔ Hulda gə́ to njetegginta gə́ dené’g, gə́ to dené lə Salum, ŋgolə Tikba gə́ to ŋgolə Haras, yeḛ gə́ to njeŋgəm kubuje lé. Yeḛ si kudu ŋgon ɓee kára gə́ mee ɓee-boo gə́ Jerusalem ya.

Nehemi 6:14

Ǝi Ala ləm, maji kari ar məəi olé dɔ Tobija gə Sanbalat gə dɔ kula ra deeje’g. Ar məəi olé dɔ Noadia gə́ to njetegginta gə́ dené ləm, gə dɔ njéteggintaje gə́ raŋg’d gə́ saŋg loo kɔm ɓəl dɔm’g lé ləm tɔ.

Teḛ-Raga 15:20

Miriam, njetegginta gə́ dené gə́ to kɔnan Aaro̰je lé un dalè bajiŋ jia’g, ar denéje lai kara ree gə dalè bajḭgje gée’g ndá deḛ ndam ne.

Ejekel 13:17

Ma ŋgon-dəw lé maji kam m’turu kəm par gə́ dɔ ŋganje gə́ dené’g lə koso-dəwje ləm gə́ d’aw tegginta gə́ ḭ meḛ dee-deḛ’g ya lé ndá m’tegginta m’wɔji ne dɔ dee.

Misee 6:4

See to mbata kar gə́ m’ar sí undaje loo mee ɓee gə́ Ejiptə teḛje lé wa. See to mbata kɔr gə́ m’ɔr sí ɓee-ɓər’g m’ɔm sí tar ləm Gə kula gə́ m’ula Moyis gə Aaro̰ gə Mari M’ar dee d’aw no̰ sí’g lé wa.

Lugu 2:36

Njetegginta gə́ dené ria lə An, to ŋgolə Panuel gə́ ginkoji lə Aser. Yeḛ ɓuga mba̰. Yeḛ si gə ma̰dee kəi lə ŋgabeeje as ləbee siri ɓa ŋgabeeje wəi.

Néra Njékaḭkulaje 21:9

Ŋganee gə́ ma̰də deḛ sɔ gə́ lal taa ŋgaw, deḛ nja to gə́ njéteggintaje.

1 Njé gə́ Kɔrḭtə 11:5

Dené gə́ rara gə́ ra tamaji əsé ɔr goo ta lə Ala lal ko̰ dəa gə né ndá yeḛ ila ndɔl dɔ dəw dəa’g ləm, dəa lé kara to asəna kára ba gə ndisa gə́ yeḛ ndisa ŋgori-ŋgori ləm tɔ.

Njé gə́ Galati 3:28

Bèe ndá Jib əsé Grek godo ləm, ɓər əsé ŋgonkoji godo ləma, diŋgam əsé dené kara godo ləm tɔ, mbata seḭ lai seḭ toje gə́ na̰’d kára ba kiao gin Kristi’g ya.

Njéga̰g-Rəwtaje 4:3

Israɛlje no̰ ɓar Njesigənea̰ mbata Jabḭ aw gə pusu-rɔje gə́ ra gə larndul tɔl-jinaikara (900) ndá yeḛ ra sə dee néje gə́ kərm-kərm gə́ al dɔ dee sula as ləb rɔ-joo.

Njéga̰g-Rəwtaje 4:5

Yeḛ si gel tumbur’d gə́ ɓaree tumbur lə Debora gə́ to mbuna Rama gə Betel’g lé ɓa si gaŋg rəwta, kaar mbal’g lə Eprayim, ndá Israɛlje ree rəa’g mba karee gaŋg rəwta lə dee.

Njéga̰g-Rəwtaje 5:1

Mee ndəa’g neelé Debora ɔs pa nee gə Barak, ŋgolə Abinoam lé na̰’d pana: