Njéga̰g-Rəwtaje 4:3 - Maktub gə́ To gə Kəmee

³ Israɛlje no̰ ɓar Njesigənea̰ mbata Jabḭ aw gə pusu-rɔje gə́ ra gə larndul tɔl-jinaikara (900) ndá yeḛ ra sə dee néje gə́ kərm-kərm gə́ al dɔ dee sula as ləb rɔ-joo.

Njéga̰g-Rəwtaje 4:3 ပူးပေါင်းရင်းမြစ်များ

Pakɔsje 106:42

Njéba̰je lə dee d’ḭ d’ula dee ndubu D’ar dee tel d’oso ne kul gin siŋgamoŋ’d lə dee.

Pakɔsje 50:15

Maji kar sí ɓarje rim ndɔ néurti’g Ndá m’a kɔr sí keneŋ kar sí ulaje ne rɔnduba dɔm’g ya.

Pakɔsje 78:34

Loo gə́ yeḛ unda dee ar yoo tɔl dee ndá Deḛ tel saŋgee ləm, Deḛ d’ɔs badm tel ree ne rɔ Ala’g lé ya ləm tɔ.

Teḛ-Raga 2:23

Ndɔje bula dəs ndá mbai gə́ njeko̰ɓee gə́ Ejiptə lé wəi tɔɓəi Israɛlje lé tuma̰ ŋgururu-ŋgururu gin kúla ɓər’g ya ɓəi ləm, deḛ sii gə no̰ mbigi-mbigi ləm tɔ. Ndu no̰je gə́ kúla ɓər ar dee no̰ neelé aw njal oso mbi Ala’g lé pad ya.

Tel tura Godndu 28:29

Yen ŋga kàr aar daŋdɔ kara seḭ a mamje loo to gə́ njekəmtɔ gə́ aw dan loondul’g ləm, seḭ a teḛje kɔr dɔ kula ra síje’g el ləm, gə ndɔje lai lé d’a kula kəm sí ndòo ləma, d’a taa néje lə sí ləm tɔ, kar dəw kára kara gə́ a ree gə mba la sə sí lé a godo.

Tel tura Godndu 28:33

Koso-dəwje gə́ seḭ a gər deeje el ya d’a sɔ néndɔ lə sí ləm, gə néje lai gə́ seḭ iŋgaje loo-kula’g lə sí ləm tɔ ndá ndɔje lai d’a kula kəm sí ndòo ləm, d’a ra sə sí né gə́ kədərə ləm tɔ.

Jujé 17:16

Ŋgaka Jisepje lé pana: Dɔ mbal lé a k’as si sí el ya, tɔɓəi ɓa Kana̰je lai gə́ d’isi wəl-loo’g ləm, gə deḛ gə́ d’isi Bet-Səan gə ɓee-kogoje ləa ləma, gə njé gə́ d’isi wəl-loo’d gə́ Jisreel lé kara pusu-rɔje lə dee gə́ ra gə larndul to keneŋ ləm tɔ.

Njéga̰g-Rəwtaje 1:19

Njesigənea̰ nai gə Judaje, ndá Judaje dum dɔ dee-deḛ gə́ d’isi kaar mbal’g neelé nɛ deḛ d’as tuba dəwje gə́ d’isi ndag-loo’g lé el mbata pusu-rɔje lə deḛ gə́ ra gə larndul to keneŋ.

Njéga̰g-Rəwtaje 10:10

Israɛlje no̰ rɔ Njesigənea̰’g pana: Jeḛ n’raje kaiya mbata j’ubaje Ala lə sí j’yá̰ m’poleje magə-Baalje ya.

Njéga̰g-Rəwtaje 10:16

Yen ŋga deḛ tɔr magəje gə́ dɔ ɓee’d gə́ to mbuna dee’g, tɔɓəi deḛ d’wa Njesigənea̰ meḛ dee’g ndá mée tɔsee mbigi-mbigi mbata lə boo-nékəmndoo gə́ Israɛlje d’isi danee’g lé.

Njéga̰g-Rəwtaje 3:15

Yen ŋga Israɛlje no̰ ɓar Njesigənea̰ ndá Njesigənea̰ ar dee njetaa dɔ dee gə́ to Ehud, ŋgolə Gera, gə́ to gə́ ginkoji’g lə Bḛjami, nɛ yeḛ lé to gel. Yeḛ ɓa Israɛlje d’ulá gə nénojije d’aree ar Eglo̰, mbai gə́ Moab.

Njéga̰g-Rəwtaje 3:9

Yen ŋga Israɛlje no̰ ɓar Njesigənea̰ ndá Njesigənea̰ ar dee njetaa dɔ dee aree taa dee ɔm dee tar, yeḛ ɓa to Otniel, ŋgolə Kenaj gə́ to ŋgoko̰ Kaleb gə́ ndɔḭ lé.

Njéga̰g-Rəwtaje 4:13

Bèe ɓa Sisera mbo̰ pusu-rɔje ləa lai gə́ to pusu-rɔje gə́ ra dee gə larndul as tɔl-jinaikara (900) ləm, gə njérɔje lai gə́ d’isi Haroset-Goyim ləm tɔ ar dee d’aw səa na̰’d ta mán gə́ Kiso̰.

Njéga̰g-Rəwtaje 4:4

Mee ndəaje’g neelé Debora gə́ to njetegginta gə́ dené gə́ to dené lə Lapidot lé to njegaŋ-rəwta lə Israɛlje.

Njéga̰g-Rəwtaje 5:8

Deḛ mbər magəje gə́ sigi: Togə́bè ɓa rɔ to ne tarəwkɔgje’g. D’iŋga dər əsé ko̰ niŋga Rɔ njérɔje gə́ Israɛl gə́ tɔl-dɔg-loo-rɔ-sɔ (40.000) lé el.

Njéga̰g-Rəwtaje 6:6

Israɛlje d’isi dan boo-nékəmndoo’g mbata lə Madianje ndá Israɛlje no̰ wəl gə́ rɔ Njesigənea̰’g.

1 Samel 7:8

ndá d’ula Samel pana: No̰ gə́ i aw no̰ ɓar Ala lə sí gə́ Njesigənea̰ mbata lə sí gə mba karee aji sí ji Pilistije’g lé maji kari əw el.