Njéga̰g-Rəwtaje 4:16 - Maktub gə́ To gə Kəmee

¹⁶ Barak tuba njérɔje gə pusu-rɔje lə dee saar teḛ ne Haroset-Goyim. Ndá deḛ tɔl njérɔje lə Sisera lai gə kiambas d’ar dəw kára kara nai el.

Njéga̰g-Rəwtaje 4:16 ပူးပေါင်းရင်းမြစ်များ

Pakɔsje 104:35

Maji kar njékaiyaje lé Sané pá dɔ naŋg nee ləm, Maji kar njémeeyèrje lé kara Godo ya ləm tɔ. Ŋgaw məəm, maji kari unda no̰ dɔkaisəgərə lə Njesigənea̰ ya! Pidije Njesigənea̰!

Pakɔsje 83:10

Maji kari ra sə dee to gə́ i ra gə Madian gə Sisera Gə Jabḭ mbɔr mán gə́ Kiso̰’g bèe ya.

Pakɔsje 83:9

Asirije kara d’ɔm sə dee na̰’d yəg ya Deḛ la ne gə ŋgaka Lɔtje.

Teḛ-Raga 14:28

Manje lé tel o̰ ménéné tur dɔ pusu-rɔje, gə dɔ njérɔ gə kundaje, gə dɔ njérɔje lə Parao̰ lai gə́ d’andə goo Israɛlje’g dan baa-boo’g lé ndá dəw kára kara al ɗiga teḛ raga el.

Esai 43:17

Yeḛ gə́ ar dee d’aw gə pusu-rɔje, gə kundaje, Gə boo-nérɔje, gə bao-rɔje gə mba kɔr rɔ kaw rɔ ne Nɛ léegəneeya deḛ toso naŋg lal kḭ tar ləm, Deḛ tuji pugudu-pugudu d’wəi misi To gə́ kúla pər gə́ o̰ jḛ̀ bèe ləm tɔ lé Yeḛ nja pa togə́bè pana:

Njé gə́ Rɔmə 2:12

Deḛ lai gə́ ra kaiya nɛ deḛ lal koo godndu Moyis ndá d’a kudu lal godndu ya ləm, deḛ lai gə́ ra kaiya gin godndu’g lé ndá godndu lé ɓa a gaŋg rəwta dɔ dee’g ləm tɔ.

Maktub gə́ Jak ula ne ar ngan-Allaje 2:13

Yeḛ gə́ meekɔrjol ləa godo ndá loo-gaŋg-rəwta lé meekɔrjol ləa a godo keneŋ tɔ. Nɛ meekɔrjol lé rəwta-gaŋg a kudu ne tɔ.

Jujé 10:10

Ndá Njesigənea̰ sané dee kad-kad no̰ Israɛlje’g, ar Israɛlje tɔl dee bula mbɔr Gabao̰’g ləm, tuba goo dee gə rəw gə́ aw gə́ Bet-Oron ləma, dum dɔ dee saar teḛ ne Ajeka gə Makéda ləm tɔ.

Jujé 11:8

Njesigənea̰ ya̰ dee ji Israɛlje’g, deḛ dum dɔ dee ləm, tuba goo dee saar teḛ sə dee Sido̰ gə́ boo’g ləm, saar teḛ sə dee Misrepot-Mayim’g ləma, saar teḛ ne wəl-loo gə́ Mispa par gə́ bər ləm tɔ, deḛ dum dɔ dee ɓó d’ya̰ loo d’ar dəw kára kara aḭ aw el.

Njéga̰g-Rəwtaje 4:17

Sisera lé aḭ gə gɔlee aw mee kəi-kubu’g lə Jaɛl, dené lə Heber gə́ to dəw gə́ Keni lé, mbata meelɔm to mbuna Jabḭ’d, gə́ to mbai gə́ Asɔr gə njémeekəije lə Heber gə́ to dəw gə́ Keni lé tɔ.

Njéga̰g-Rəwtaje 4:2

Njesigənea̰ ya̰ dee ji Jabḭ’g, gə́ to mbai gə́ Kana̰, gə́ si o̰ ɓee Asɔr. Mbai dɔ njérɔje ləa gə́ ria lə Sisera lé si ɓee gə́ Haroset-Goyim.