Njéga̰g-Rəwtaje 3:7 - Maktub gə́ To gə Kəmee

⁷ Israɛlje ra né gə́ taa kəm Njesigənea̰ el, d’ar meḛ dee wəi dɔ Njesigənea̰, Ala’g lé lə dee ndá deḛ pole magə-Baalje gə magəje gə́ raŋg tɔ.

Njéga̰g-Rəwtaje 3:7 ပူးပေါင်းရင်းမြစ်များ

1 Mbaije 16:33

yeḛ ra kag-magə gə́ ɓaree Asera ləm tɔ. Akab lé ra majel aree ur dɔ néra mbaije gə́ Israɛl gə́ d’isi nea̰’g kédé lé lai ya tɔɓəi, ar mee Njesigənea̰ Ala lə Israɛlje ḭ ne səa pu dəa’g tɔ.

1 Mbaije 18:19

Ɓasinè ar dee mbo̰ Israɛlje lai ree sə dee rɔm’g dɔ mbal gə́ Karmel ləm, gə njéteggintaje lə Baal gə́ tɔl-sɔ gə dɔ dee rɔ-mi (450) gə njéteggintaje lə Astarte gə́ tɔl-sɔ gə́ (400) d’isi ta ka-nésɔ’g lə Jejabel lé ləm tɔ.

2 Mbaije 23:14

Yeḛ təd néndaji magəje ləm, yeḛ təd magəje ləm tɔ ndá yeḛ ar siŋga dəwje ɓa taa loo keneŋ pəl-pəl.

2 Mbaije 23:6

Yeḛ ḭ gə magə-Astarté lé mee kəi’g lə Njesigənea̰ teḛ ne raga aw ne gir ɓee-boo gə́ Jerusalem par gə́ wəl-loo gə́ Sedro̰, yeḛ rée wəl-loo gə́ Sedro̰ aree tel to bu ndá yeḛ ɔm buee dɔɓar dəwje’g.

2 Sôrta Gḭka Israɛlje 15:16

Mbai Asa lé ɔr rɔnduba gə́ wɔji dɔ mbai gə́ dené dɔ kea̰je Maaka’g mbata ra gə́ yeḛ ra magəpole Astarte lé. Asa tɔs magəpole ləa tila aree təd njigi-njigi ləm, yeḛ aw roo gajeeje lé mbɔr kəm rəw-mán’d gə́ Sedro̰ ləm tɔ.

2 Sôrta Gḭka Israɛlje 24:18

Gelee gə́ nee ɓa deḛ d’uba ne kəi lə Njesigənea̰ gə́ to Ala lə bɔ deeje lé d’ya̰, nɛ deḛ ra né d’ar magə-Astartéje gə magə-poleje ɓa. Ndá oŋg lə Njesigənea̰ ḭ səa dɔ Judaje gə Jerusalemje’g mbata néra deeje gə́ togə́bè lé ar ta wa ne dɔ dee ya.

2 Sôrta Gḭka Israɛlje 33:19

Tamaji ra ləa gə tel gə́ Ala tel ilá keneŋ, gə kaiyaje ləa gə kaltaje ləa, gə dɔ looje gə́ ndəw gə́ yeḛ unda dee ar magəje gə néndajije gə́ tɔl dee kédé ɓa yeḛ oso ne kul ɓəi lé ndaŋg taree mee maktub’g lə Hojai.

2 Sôrta Gḭka Israɛlje 33:3

Yeḛ tel unda dɔ looje gə́ ndəw gə́ bɔbeeje gə́ Ejekias tuji dee lé ləm, yeḛ unda loo-nékinjanéməsje lə magə-Baalje ləma, yeḛ ra magə-Astartéje ləm tɔ ndá yeḛ unda barmba no̰ boo-nékundaje lai gə́ dara wa dee ne mée’g.

2 Sôrta Gḭka Israɛlje 34:3

Ləb ko̰ɓee ləa gə́ njekɔm’g jinaijoo lé loo gə́ yeḛ nai ne basa ɓəi lé ndá yeḛ un kudu ndolè goo Ala lə keaje Dabid. Tɔɓəi mee ləb gə́ njekɔm’g dɔg-giree-joo lé yeḛ un kudu tɔr dɔ looje gə́ ndəw gə́ to Juda gə Jerusalem, magəje gə néndajije gə́ tɔl dee ləm, gə néndajije gə́ léḛ dee ləm tɔ.

2 Sôrta Gḭka Israɛlje 34:7

yeḛ tɔ magəje gə néndajije gə́ tɔl dee ar dee to d’asəna gə nduji naŋg bèe ləma, yeḛ kunda néndajije lai gə́ d’unda dee gə kəmee d’ar kàr lé təd njigi-njigi mee ɓeeje lai gə́ Israɛl ləm tɔ. Ndá yeḛ tel aw Jerusalem gogo.

Pakɔsje 106:35

Deḛ lé pélé na̰ wəs-wəs gə ginkoji dəwje gə raŋg Ndaji ne néra dee ləm,

Pakɔsje 106:36

Deḛ pole magəje lə dee ləma, D’aree tel to gə́ gum kwa dee ləm tɔ.

Pakɔsje 106:7

Bɔ síje-je gə́ mee ɓee gə́ Ejiptə lé D’oo némɔrije ləi gə́ né el ləm, D’ar meḛ dee wəi dɔ némeemajije’g ləi gə́ d’ɔs goo na̰ goo na̰ lé ləma, Deḛ d’ɔs ta ləi rəw mbɔr baa-boo-kad gə́ ria lə Baa-Kas lé ləm tɔ.

Teḛ-Raga 34:13

Né gə́ kəm ra ɓa to nee: Seḭ a tɔsje loo-nékinjanéməsje lə dee tilaje ləm, a tədje néje lə dee gə́ tɔl gə́ néndajije ləma, a janéje magəje lə dee ləm tɔ.

Jeremi 23:27

Deḛ d’ə̰ji mba kar mee koso-dəwje lə neḛ wəi sel dɔ ri neḛ’g gə nije’g lə dee gə́ nana kara ndaji taree ar maree to gə́ bɔ deeje-je d’ar meḛ dee wəi ne dɔ ri neḛ’g mbata magə-Baal lé tɔ.

Tel tura Godndu 16:21

Seḭ a kundaje magə gə́ to kag kára kara mbɔr loo-nékinjaməs gə́ seḭ a raje karje Ala lə sí gə́ Njesigənea̰ lé el.

Tel tura Godndu 4:9

Né kára ba lé undaje kəmkàr dɔ rɔ sí’g ləm, gə aaje dɔ rɔ sí kər-kər ləm tɔ, gə ndɔje lai gə́ seḭ síje ne kəmba lé bèe ɓa néje lai gə́ seḭ oo deeje gə kəm sí lé d’a kigi sí nda̰ el nɛ seḭ a ndooje ŋgan síje taree ləm, a ndooje ŋgan meḛ ŋgan síje kara taree ləm tɔ.

Tel tura Godndu 8:11

Meḛ sí dɔ rɔ sí’g nà a karje meḛ sí wəi dɔ Njesigənea̰ Ala’g lə sí gə mba lal kaa ne dɔ torndiaje, gə ndukunje ləa, gə godndiaje gə́ ma m’un m’ar sí ɓogənè lé.

Tel tura Godndu 8:14

meḛ sí dɔ rɔ sí’g nà a tije rɔ sí karje meḛ sí wəi dɔ Njesigənea̰ Ala’g lə sí, yeḛ gə́ ar sí undaje loo mee ɓee gə́ Ejiptə, mee kəi kula ɓər’g teḛje lé,

Tel tura Godndu 8:18

Arje meḛ sí olé dɔ Njesigənea̰ Ala’g lə sí mbata to yeḛ nja ɓa gə́ ar sí siŋga sí kar sí iŋgaje ne nébaoje gə mba karee to njaŋg, to gə́ yeḛ ra ɓogənè, gə goo manrɔ ləa gə́ yeḛ un ne ndia ar bɔ síje-je lé.

Njéga̰g-Rəwtaje 3:12

Israɛlje tel ra né gə́ taa kəm Njesigənea̰ el ya tɔɓəi, bèe ɓa Njesigənea̰ ar Eglo̰, mbai gə́ Moab siŋga aree rɔ ne gə Israɛlje mbata deḛ ra né gə́ majel kəm Njesigənea̰’g.

Njéga̰g-Rəwtaje 3:8

Bèe ɓa oŋg lə Njesigənea̰ ḭ səa pu dɔ Israɛlje’g aree uba dee ya̰ dee ne ji Kusan-Risəatayim’g to mbai gə́ Mesɔpotami. Ndá Israɛlje ra kula d’aree as ləb dee jinaijoo.

Njéga̰g-Rəwtaje 6:25

Mee tilee gə́ nee ya, Njesigənea̰ ula Gedeo̰ pana: Maji kari wa bɔ maŋg lə bɔbije ləm, wa yee gə́ njekɔm’g joo gə́ ra ləb siri ləm tɔ ndá jura loo-nékinjaməs gə́ wɔji dɔ magə-Baal gə́ to ka̰ bɔbije lé naŋg ləm, kag-magə gə́ to gə kəmee doi gə́ to mbɔree’g dəb lé kara i a kunda təd ləm tɔ.

Njéga̰g-Rəwtaje 8:33

Loo gə́ Gedeo̰ wəi mba̰ ndá Israɛlje tel ra kaiya pole ne magə-Baalje ndá deḛ d’un magə gə́ ria lə Baal-Berit d’unda gə́ magə lə dee.

Njéga̰g-Rəwtaje 8:34

Israɛlje d’ar meḛ dee olé dɔ Njesigənea̰, Ala’g lə dee gə́ ɔr dee ji njéba̰je’g lə deḛ lai gə́ gugu dɔ dee lé el.

1 Samel 12:10

Bèe ɓa deḛ no̰ ɓar Njesigənea̰ pana: Jeḛ n’raje kaiya, mbata jeḛ j’ubaje Njesigənea̰ j’yá̰je ndá jeḛ poleje magə-Baalje gə magə-Astartéje ya. Ɓasinè lé maji kari ɔr sí ji njéba̰je’g lə sí ndá j’a raje né kari-i ya.

1 Samel 12:9

Nɛ deḛ d’ar meḛ dee wəi dɔ Njesigənea̰ Ala’g lə dee ndá Njesigənea̰ ya̰ dee ji Sisera’g, mbai dɔ njérɔje gə́ Asɔr ləm, gə ji Pilistije’g ləma, gə ji mbai’d gə́ Moab ləm tɔ ar dee rɔ sə dee.