Njéga̰g-Rəwtaje 3:3 - Maktub gə́ To gə Kəmee

³ Ginkoji dəwje gə raŋg lé ɓa nee: Mbaije gə́ mi gə́ to mbai dɔ Pilistije ləm, gə Kana̰je lai ləm, gə Sido̰je ləma, gə Hebje gə́ d’isi kaar mbal gə́ Liba̰, un kudee kaar mbal gə́ Baal-Hermo̰ saar teḛ ne tarəw ɓee-boo gə́ Amat ləm tɔ.

Njéga̰g-Rəwtaje 3:3 ပူးပေါင်းရင်းမြစ်များ

Gḭ-Néje 49:13

Jabulo̰ a ra ɓee ta baa-boo-kadje’g, Yeḛ a si dɔ koŋgo’g loo-kaar-batoje’g Ndá ŋgaŋ naŋg ləa a kaw njal teḛ Sido̰.

2 Samel 24:7

Deḛ d’aw kəi-kaar-kɔgərɔ gə́ Tir ləm, gə mee ɓee-booje lai gə́ to ka̰ Hebje gə Kana̰je ləm tɔ. Deḛ tɔl təa dɔgel lə Juda gə́ to Beer-Seba.

1 Mbaije 8:65

Mee ndəa gən lé Salomo̰ gə koso-dəwje gə́ Israɛl lai səa na̰’d ra naḭ keneŋ. Koso-dəwje gə́ dum tura d’ḭ looje gə́ gugu gir Amat, saar teḛ kəm-rəw-mán gə́ Ejiptə, ree mbo̰ dɔ na̰ no̰ Njesigənea̰ Ala’g lə sí ra ndɔ siri, tɔɓəi ndɔje gə́ raŋg siri ɓəi to aree as ndɔ dɔg-giree-sɔ.

1 Mbaije 9:20

Dəwje lai gə́ to ginkoji Amɔrje, gə Peresje, gə Hebje gə Yebusje gə́ nai lé to gə́ ginkoji Israɛlje el.

Ejekel 47:20

Dəb loo gə́ par gə́ dɔ-gó ndá a to baa-boo-kad gə́ boi, un kudee rəw-nim’g saar wɔji dɔ ɓee gə́ Amat njoroŋ, yee ɓa a to dəb loo gə́ dɔ-gó.

Bula lə Israɛlje 13:29

Amalekje d’isi par gə́ dɔkɔl, Hetje, gə Yebusje gə Amɔrje d’isi dɔ mbal’g, tɔɓəi Kana̰je d’isi mbɔr baa-boo-kad’g ləm, gə dɔ koŋgo baa gə́ Jurdɛ̰’g ləm tɔ.

Bula lə Israɛlje 34:8

un kudee mbɔr mbal gə́ Hɔr lé seḭ a kwɔjije lé kaareeje dəs par gə́ Amat mba teḛ ne Səd,

Tel tura Godndu 1:7

Maji kar sí telje awje, a kawje dɔ mbal’g lə Amɔrje gə looje lai gə́ gugu dəa sub ləm, gə ndag-loo’g ləm, gə dɔ mbalje’g ləm, gə mee wəl-loo’g ləm, gə par gə́ dɔkɔl ləm, gə ta baa-boo-kad’g ləm, gə ɓee lə Kana̰je, gə ɓee gə́ Liba̰ ləma, saar teḛ ne baa-boo gə́ to baa gə́ Epratə ləm tɔ.

Tel tura Godndu 3:9

(Hermo̰ lé Sido̰je d’unda ria lə Sirion, nɛ Amɔrje ɓa ɓaree Senir).

Jujé 11:19

Ɓee-boo kára kara gə́ ɔm na̰’d gə Israɛlje lé godo nɛ Hebje gə́ d’isi Gabao̰ ya kára ba ɓa d’ɔm sə dee na̰’d, ndá deḛ taa ɓee-booje neelé lai gə rɔ tɔ.

Jujé 11:3

gə rɔ Kana̰je gə́ d’isi bər əsé dɔ-gó ləm, gə rɔ Amɔrje’g ləm, gə rɔ Hetje’g ləm, gə rɔ Peresje’g ləm, gə rɔ Yebusje gə́ d’isi kaar mbal’g ləma, gə rɔ Hebje gə́ d’isi mbɔr mbal gə́ Hermo̰ mee ɓee’d gə́ Mispa ləm tɔ.

Jujé 13:3

un kudee baa gə́ sihor gə́ tel kəmee ar ɓee gə́ Ejiptə saar teḛ ne rəw-nim-ɓee gə́ Ekro̰ par gə́ dɔgel, dɔ naŋg gə́ kəm tura gə ka̰ Kana̰je na̰’d ar mbaije gə́ boo lə Pilistije mi d’isi keneŋ lé. Mbai gə́ si Gaja ləm, yeḛ gə́ Asdod ləm, yeḛ gə́ Askalo̰ ləm, yeḛ gə́ Gat ləma, gə yeḛ gə́ Ekro̰ ləm tɔ, tɔɓəi Abije kara d’isi keneŋ tɔ,

Jujé 13:5

ɓee lə Giblije ləm, gə ɓee gə́ Liba̰ bura, par gə́ loo kuba’g lə kàr, un kudee Baal-Gad gə́ to mbɔr mbal gə́ Hermo̰ saar teḛ ne tarəw ɓee gə́ Amat ləm tɔ,

Jujé 19:28

aw par gə́ dɔ Ebro̰’g, gə Reob’g, gə Hamo̰’g, gə Kana’g saar teḛ Sido̰ gə́ boo’g ləm tɔ.

Jujé 9:7

Njé gə́ Israɛl d’ila Hebje neelé keneŋ pana: Banelə seḭ síje mbuna sí’g nee, ŋga see jeḛ j’a kɔm sə sí na̰’d to gə́ ban wa.

Njéga̰g-Rəwtaje 10:12

Loo gə́ njé gə́ Sido̰ gə́ to Amalekje gə Maonje d’ula kəm sí ndòo ɓa seḭ no̰je ɓarmje lé see ma ɓa m’ɔr sí ji dee’g el wa.

Njéga̰g-Rəwtaje 10:7

Oŋg lə Njesigənea̰ ḭ səa pu dɔ Israɛlje’g ndá yeḛ uba dee ya̰ dee ji Pilistije’g ləm, gə ji Amo̰je ləm tɔ.

Njéga̰g-Rəwtaje 14:4

Bɔbeeje gə kea̰je gər to gə́ né neelé ḭ rɔ Njesigənea̰’g el: mbata Samso̰ saŋg loo mba ra ta gə Pilistije gə́ ra ya. Mbata mee ndəaje gən lé Pilistije ɓa d’o̰ ɓee dɔ Israɛlje’g.

Njéga̰g-Rəwtaje 18:7

Dəwje gə́ mi neelé d’ɔd d’aw ndá deḛ teḛ Layis. Deḛ d’oo dəwje gə́ d’isi gə́ majee to gə́ Sido̰je gə́ d’isi ne lɔm lal meekaarkərm bèe. Mee ɓee’g neelé dəw kára kara gə́ njera né gə́ kədərə gə́ tḛ́ bèe ɓa o̰ ne dɔ dee lé godo. Deḛ d’isi əw gə Sido̰je ləm, d’ɔm na̰’d gə dəwje gə́ raŋg el ləm tɔ.

Njéga̰g-Rəwtaje 3:2

Né kára gə́ yeḛ ndigi lé to mba ndoo Israɛlje gə́ njékorè goo deeje kar dee gər loo-rɔ gə mba ndoo ne deḛ gə́ gər loo-rɔ kédé el lé.

Njéga̰g-Rəwtaje 4:2

Njesigənea̰ ya̰ dee ji Jabḭ’g, gə́ to mbai gə́ Kana̰, gə́ si o̰ ɓee Asɔr. Mbai dɔ njérɔje ləa gə́ ria lə Sisera lé si ɓee gə́ Haroset-Goyim.

1 Samel 13:5

Pilistije mbo̰ dɔ na̰ mba rɔ gə Israɛlje. Deḛ d’aw gə pusu-rɔje tɔl-dɔg (1.000) ləm, gə njérɔ gə́ gə kundaje tɔl-dɔg-loo-misa̰ (6.000) ləm tɔ, tɔɓəi njérɔje lé bula dum tura asəna gə nagəra gə́ to ta baa-boo-kad’g bèe. Deḛ d’aw d’wa loo-si dee Mikmas, par gə́ bər lə Bet-Aben.

1 Samel 29:2

Mbaije lə Pilistije d’aw kédé gə njérɔje lə dee gə́ tɔl-tɔl (100) ləm, gə njé gə́ tɔl-dɔg-dɔg (1.000) ləm tɔ ndá Dabid gə njé’g ləa d’udu goo dee gə Akis na̰’d.

1 Samel 6:16

Mbaije lə Pilistije gə́ mi lé loo gə́ d’oo néje nee mba̰ ndá tel d’aw Ekro̰ gə́ mee ndəa gən ya.

1 Samel 6:18

Néndajije gə́ to tana gə yəgje gə́ ra dee gə larlɔr to keneŋ ya, to gə goo bula lə ɓee-booje gə́ siŋga dee to ləm, əsé ŋgan-ɓeeje gə́ lal ndògo-bɔrɔje ləm tɔ. Biri mbal gə́ d’unda sa̰duk-manrɔ lə Njesigənea̰ dɔ’g lé to nétɔji ndá biri mbal neelé saar ɓogənè kara to mee ndɔ’g lə Juje, dəw gə́ Bet-Semes lé.

1 Samel 6:4

Pilistije dəji dee pana: See nékar gə́ ban ɓa j’a kunje karee wa. Deḛ tel d’ila dee keneŋ pana: A karje kɔr larlɔr gə́ tana gə nékuba mi ləm, yee gə́ tana gə yəgje gə́ ndaji dee mi ləm tɔ gə goo bula lə mbaije lə Pilistije mbata yoo-koso gə́ kára ba ya oso dɔ sí’g lai ləm, gə dɔ mbaije’g lə sí ləm tɔ.