Njéga̰g-Rəwtaje 2:9 - Maktub gə́ To gə Kəmee

⁹ Deḛ dubee dɔ naŋg gə́ yeḛ iŋga gə́ né kea̰-yeḛ mee ɓee gə́ Timnat-Herɛs, kaar mbal gə́ Eprayim, kel dɔgel lə mbal gə́ Gaas.

Njéga̰g-Rəwtaje 2:9 ပူးပေါင်းရင်းမြစ်များ

Jujé 19:49

Loo gə́ deḛ d’unda ŋgaŋ kai na̰ ɓee gə goo rəw-nimeeje lé ndá Israɛlje d’ar Juje, ŋgolə Nun dɔ naŋg gə́ né kea̰-yeḛ mbuna dee’g.

Jujé 19:50

Gə goo ndukun lə Njesigənea̰ lé ɓa deḛ d’aree Timnat-Sera, ɓee-boo gə́ yeḛ dəji dee gə́ to kaar mbal’g lə Eprayim. Ndá yeḛ gɔl ɓee-boo neelé gogo ɓa si keneŋ ɓəi tɔ.

Jujé 24:29

Goo néje gə́ neelé, Juje gə́ to ŋgolə Nun, kura lə Njesigənea̰ lé ləbee aḭ tɔl-dəa-dɔg (110) ndá yeḛ wəi tɔ.

Jujé 24:30

Deḛ dubee dɔ naŋg gə́ yeḛ iŋga gə́ né kea̰-yeḛ mee ɓee gə́ Timnat-Sera kaar mbal gə́ Eprayim kel dɔgel lə mbal gə́ Gaas.

Njéga̰g-Rəwtaje 1:1

Loo gə́ Juje wəi mba̰ ndá Israɛlje dəji Njesigənea̰ pana: See na̰ ɓa mbuna sí’g a kɔr rɔ doŋgɔr kaw rɔ gə Kana̰je wa.

Njéga̰g-Rəwtaje 2:8

Juje, ŋgolə Nun gə́ to kura lə Njesigənea̰ lé ra ləb tɔl-dəa-dɔg (110) ɓa wəi ɓəi.