Njéga̰g-Rəwtaje 2:3 - Maktub gə́ To gə Kəmee

³ Bèe ɓa ma m’pa ya tɔɓəi m’pana: M’a tuba dee no̰ sí’g el nɛ d’a tel to gə́ njékɔs kaar síje ləm, magəje lə dee kara d’a to gum kwa sí ləm tɔ.

Njéga̰g-Rəwtaje 2:3 ပူးပေါင်းရင်းမြစ်များ

Pakɔsje 106:36

Deḛ pole magəje lə dee ləma, D’aree tel to gə́ gum kwa dee ləm tɔ.

Teḛ-Raga 23:33

Seḭ a kar deeje d’isi mee ɓee’g lə sí el nà banelə d’a kar sí raje kaiya kɔsmje ne rəw, mbata seḭ a raje ne kar magəje lə dee ndá a tel to gum kwa sí tɔgərɔ ya.

Teḛ-Raga 34:12

Məəi dɔ rɔi’g mba kari mán rɔi gə mba kɔm na̰’d gə njéɓeeje gə́ i a gə kandə mbuna dee’g lé nà d’a tel to gə́ gum kwai tɔ.

Bula lə Israɛlje 33:55

Nɛ ɓó lé seḭ tobje njéɓeeje neelé ɔm deeje əw el ndá deḛ gə́ mbuna dee’d gə́ seḭ a kya̰ deeje kar dee nai neelé d’a to asəna gə kunje gə́ d’a tɔs kəm sí ləm, d’a to asəna gə né-kɔs-kaar gə́ d’a kɔs kaar sí ləm tɔ ndá d’a to njéba̰je lə sí mee ɓee gə́ seḭ a kaw síje keneŋ lé.

Tel tura Godndu 7:16

Seḭ a tɔlje koso-dəwje lai gə́ Ala lə sí gə́ Njesigənea̰ ɔm dee ji sí’g lé, seḭ a kunje kəm sí rəw dɔ dee’g lal koo ne kəmtondoo lə dee ləm, a raje né kar magəje lə dee el ləm tɔ mbata a tel to gum kwa sí ya.

Jujé 23:13

maji kar sí gərje gao, Ala lə sí gə́ Njesigənea̰ a tuba ginkoji dəwje gə raŋg neelé no̰ sí’g kəmee gə́ kédé-kédé el, nɛ d’a tel to gə́ ba̰də əsé gum kwa sí ləm, gə ndəi kunda sí ləma, gə kunje gə́ tɔs kəm sí ləm tɔ, saar kar sí tujije ne mee ɓee gə́ maji gə́ Njesigənea̰, Ala lə sí ar sí lé ya.

Njéga̰g-Rəwtaje 2:21

Bèe ndá m’a tuba ginkojije gə́ rara kara gə́ Juje ya̰ dee ɓa wəi lé no̰ dee’g el ŋga.

Njéga̰g-Rəwtaje 2:4

Loo gə́ kura lə Njesigənea̰ gə́ dara pa taje neelé ar Israɛlje lai ndá koso-dəwje d’ɔr ndu dee wəl gə́ tar gə no̰ tɔ.

Njéga̰g-Rəwtaje 3:6

Deḛ taa ŋgan deeje gə́ dené gə́ denéje lə dee ləm, deḛ d’ar ŋgan deeje gə́ diŋgam taa ŋgan dee-deḛje gə́ dené ləma, deḛ pole magəje lə dee ləm tɔ.

Njéga̰g-Rəwtaje 8:27

Néje gə́ ra gə larlɔr neelé Gedeo̰ ra gə́ magə ndá yeḛ unda dan mee ɓee-boo’g ləa gə́ Opra ndá né neelé tel to magəpole lə Israɛlje lai ya, tɔɓəi yee tel to gum mbata Gedeo̰ gə njémeekəije ləa tɔ.