Njéga̰g-Rəwtaje 2:12 - Maktub gə́ To gə Kəmee

¹² Deḛ d’uba Njesigənea̰, Ala lə bɔ deeje-je gə́ ar dee d’unda loo mee ɓee gə́ Ejiptə teḛ lé d’yá̰, tɔɓəi deḛ d’aw rɔ magəje’g lə dəwje gə́ d’isi mbuna dee’g lé, deḛ d’unda barmba naŋg no̰ dee’g ndá d’ar mee Njesigənea̰ ḭ ne səa pu dɔ dee’g.

Njéga̰g-Rəwtaje 2:12 ပူးပေါင်းရင်းမြစ်များ

Pakɔsje 106:36

Deḛ pole magəje lə dee ləma, D’aree tel to gə́ gum kwa dee ləm tɔ.

Pakɔsje 78:58

D’ar oŋg ḭ ne səa pu Dɔ looje lə dee gə́ ndəw’g lé ləm, D’ɔs ne gel kəmkəḭ ləa Gə Magəpoleje lə dee lé ləm tɔ.

Teḛ-Raga 13:14

Togə́bè ɓa loo gə́ ŋgan síje d’a dəji sí ta mee ndɔ gə́ raŋg’d pana: See naḭ neelé ginee to wɔji dɔ ɗi wa. Ndá seḭ a kila deeje keneŋ pajena: Mbɔl dɔ ji siŋgamoŋ lə Njesigənea̰ gə́ ɓar mèr-mèr lé yeḛ ar sí j’undaje ne loo mee ɓee gə́ Ejiptə gə́ to ɓee-ɓər lé teḛje ya.

Teḛ-Raga 13:16

Néje neelé d’a to nétɔji gə́ to ji sí’g ləm, a to nékolé mee gə́ to ŋgo no̰ sí’g ləm tɔ: mbata ji siŋgamoŋ lə Njesigənea̰ gə́ ɓar mèr-mèr lé ɓa yeḛ ar sí j’undaje ne loo mee ɓee gə́ Ejiptə teḛje ya.

Teḛ-Raga 13:3

Moyis ula koso-dəwje pana: Arje meḛ sí olé dɔ ndɔ’g neelé gə́ seḭ undaje ne loo mee ɓee-ɓər’g teḛje lé, mbata ji siŋgamoŋ lə Njesigənea̰ gə́ ɓar mèr-mèr lé ɓa Njesigənea̰ ar sí undaje ne loo teḛje ya. Loo gə́ seḭ raje naḭ neelé ndá dəw a ko̰ muru gə́ əm-tiné keneŋ pai godo.

Teḛ-Raga 13:9

Naḭ neelé a to nétɔji gə́ a to ji sí’g ləm, a to nékolé-mee gə́ a to ŋgo no̰ sí’g ləm tɔ gə mba kar godndu Njesigənea̰ to ne tai’g.

Teḛ-Raga 20:5

I a kunda barmba dəb kəmi naŋg no̰ dee’g el ləm, i a kula kəm rɔi ndòo mbata lə dee el ləm tɔ, mbata ma Njesigənea̰, Ala ləi lé ma m’to Ala gə́ kəm əḭ dɔ koso-dəwje’g ləm gə́ m’ar bo̰ néra yèr lə bɔ ŋganje gə́ d’ḛjim bəḭ-bəḭ lé ɔs ta ŋgan deeje’g saar njéboakojije lə dee gə́ kudu munda əsé gə́ kudu sɔ tɔ,

Jeremi 16:11

Ndá i a kila dee keneŋ pana: Bɔ síje-je d’ubam d’ya̰m, Njesigənea̰ ɓa pa bèe. Deḛ d’aw goo magəje’g ɓa pole dee ləm, d’unda barmba no̰ dee’g ləm tɔ. Deḛ d’ubam d’ya̰m ɓó deḛ d’ila koji dɔ godndu’g ləm el.

Tel tura Godndu 13:5

Seḭ a kawje goo Njesigənea̰ Ala’g lə sí ləm, seḭ a ɓəleeje ləm tɔ, seḭ a kaaje dɔ godndiaje ləm, a kilaje koji dɔ ndia’g ləm, a kwáje meḛ sí’g ləma, a rḛ́je rəa’g rḛ́-rḛ́ ləm tɔ.

Tel tura Godndu 29:18

Ta manrɔ gə́ pa gə rɔkubu neelé maji kar dəw kára kara oo taree ɓa ti ne rəa mée’g pana: Lé ma m’ndolè goo né gə́ məəm ndigi ləm, ma m’ai ne kido m’aree tɔl kunda ləm tɔ kara m’a si ne lɔm ya lé, maji karee pa bèe el.

Tel tura Godndu 29:25

To mbata deḛ d’aw pole magəje ləm, d’unda barmba no̰ dee’g ləm tɔ, to magəje gə́ deḛ gər dee el ləm, Njesigənea̰ ar dee gə́ néka̰ dee el ləm tɔ.

Tel tura Godndu 32:15

Israɛlje lé tel d’ər ndɔl-ndɔl ndá Deḛ gad kudu dee gə́ gogo ləm Deḛ tel boo ləm Gə tel d’ər ndɔl-ndɔl ləm tɔ! Ndá deḛ d’uba Ala d’yá̰ Yeḛ gə́ to njekunda dee ləm Mbal gə́ to gin kaji lə dee lé Deḛ d’ée gə́ né el ləm tɔ.

Tel tura Godndu 33:17

Yeḛ to ŋgondər bɔ maŋg ləa, Rɔnduba to kea̰ yeḛ nja, Gajeeje to d’asəna gə gaji dadɔg bèe, Yeḛ wa ne koso-dəwje lai Saar teḛ ne rudu naŋg’d: Deḛ to koso-dəwje lə Eprayim Gə́ bula digi-digi ləm, Deḛ to ka̰ Manasə Gə́ tɔl-dɔg-dɔg (1.000) lé ləm tɔ.

Tel tura Godndu 4:25

Loo gə́ seḭ síje mee ɓee’g neelé ɓa kuru sí əw ɓa a kojije ŋganje gə ŋgaka síje ɓəi ndá maji kar sí raje kaiya gə́ wɔji dɔ tɔl néndaji magəje əsé né gə́ rara gə́ taa kəm Ala el lé mba kar mée ḭ ne səa pu dɔ sí’g el.

Tel tura Godndu 5:9

I a kunda barmba dəb kəmi naŋg no̰ dee’g el ləm, i a kula rɔi ndòo mbata lə dee el ləm tɔ, mbata ma Ala ləi gə́ Njesigənea̰ lé m’to Ala gə́ kəm əḭ gə mba njé’g ləm, nɛ deḛ gə́ d’ḛjim bəḭ-bəḭ lé ma m’to njekar bo̰ néraje lə bɔ ŋganje ɔs ta ŋgan deeje’g saar teḛ ne dɔ ŋgaka deeje gə́ njekɔm’g munda əsé sɔ’g tɔ,

Tel tura Godndu 6:12

Ar məəi dɔ rɔi’g nà loo gə́ i a sɔ karee asi nag ndá məəi a kwəi dɔ Njesigənea̰’d gə́ ari unda loo mee ɓee gə́ Ejiptə’g mee kəi kula ɓər’g teḛ lé.

Njéga̰g-Rəwtaje 10:11

Njesigənea̰ ula Israɛlje pana: See ma ɓa m’ɔr sí ji njé gə́ Ejiptə’g, gə ji Amɔrje’g, gə ji Amo̰je’g, gə ji Pilistije’g m’ɔm sí tar kédé lé el wa.

Njéga̰g-Rəwtaje 5:8

Deḛ mbər magəje gə́ sigi: Togə́bè ɓa rɔ to ne tarəwkɔgje’g. D’iŋga dər əsé ko̰ niŋga Rɔ njérɔje gə́ Israɛl gə́ tɔl-dɔg-loo-rɔ-sɔ (40.000) lé el.

Njéga̰g-Rəwtaje 8:33

Loo gə́ Gedeo̰ wəi mba̰ ndá Israɛlje tel ra kaiya pole ne magə-Baalje ndá deḛ d’un magə gə́ ria lə Baal-Berit d’unda gə́ magə lə dee.