Njéga̰g-Rəwtaje 18:3 - Maktub gə́ To gə Kəmee

³ Loo gə́ deḛ teḛ takəi’g lə Mika dəb lé deḛ d’oo ndu basa gə́ to Ləbi lé gər ndá d’aw pər gə́ rəa’g dəjee pana: See na̰ ɓa ree səi loo gə́ nee’g wa. See ɗi ɓa i aw ra loo gə́ nee’g wa. See ɗi ɓa i iŋga loo gə́ nee’g wa.

Njéga̰g-Rəwtaje 18:3 ပူးပေါင်းရင်းမြစ်များ

Gḭ-Néje 27:22

Jakob rəm gə́ rɔ bɔbee Isaak’g ndá yeḛ mam rəa pana: Ndui lé to ndu Jakob nɛ jii ɓa to to gə́ ji Esawu bèe ya.

Esai 22:16

See ɗi ləi to loo gə́ nee’g wa. See dəw ləi to loo gə́ nee’g Ɓa i uru bwa-dɔɓar loo gə́ nee’g gə mbəa wa. Yeḛ uru bwa-dɔɓar dɔ loo gə́ tar ləm, Yeḛ sɔi loo-siée kaar mbal’g ləm tɔ.

Matiyo 26:73

Waga ndá deḛ gə́ d’aar mbɔree’g dəb lé pana: Tɔgərɔ ya, i lé to ka̰ dee-deḛ nja mbata tapai ɓa ɔr gini ar sí n’gəri ne təsərə ya.

Njéga̰g-Rəwtaje 12:6

Ndá deḛ d’ulá tɔɓəi pana: Bèe ndá maji kari pana: Sibolet. Ndá yeḛ pana: Sibolet, mbata ndəa̰ askəm ɓaree gəd el. Togə́bè ɓa njé gə́ Galaad d’ubá ne d’wá d’inja gwɔsee loo-kuru-mán gə́ Jurdɛ̰’g. Mee ndəa gən lé Eprayimje d’udu d’as tɔl-dɔg-loo-rɔ-sɔ-gir-dee joo (42.000) bèe.

Njéga̰g-Rəwtaje 18:2

Danje lé d’ɔr dəwje mi gə́ to bao-rɔje mbuna gel-bɔje’g lə deḛ lai gə́ d’ḭ Sorea gə Estaol d’ar dee d’aw tən ɓee lé gə mba koo. Tɔɓəi d’ula dee pana: Awje tenje ɓee lé ooje. Deḛ d’aw saar teḛ dɔ mbal’d gə́ Eprayim njal teḛ kəi lə Mika ndá dee to keneŋ.

Njéga̰g-Rəwtaje 18:4

Yeḛ tel ila dee keneŋ pana: Mika ra néje ɓəd-ɓəd am ləm, yeḛ am nékoga-dɔ-jim ləma, am m’to njekinjanéməs ləa ləm tɔ.