Njéga̰g-Rəwtaje 17:3 - Maktub gə́ To gə Kəmee

³ Yeḛ tel gə larnda gə́ tɔl-dɔg gə dəa tɔl (1.100) lé ar kea̰je ndá kea̰je pana: Ma m’unda larnda gə́ to jim’g lé gə kəmee m’ar Njesigənea̰ mba kar dee ra ne néndaji gə́ tɔl gə́ tɔl ləm, gə yee gə́ léḛ ləm tɔ d’ar ŋgonəm, bèe ndá ma m’tel gə lar neelé m’ari-i ya.

Njéga̰g-Rəwtaje 17:3 ပူးပေါင်းရင်းမြစ်များ

2 Sôrta Gḭka Israɛlje 33:7

Yeḛ unda néndaji gə́ yeḛ nja tɔl gə́ magə lé mee kəi’g lə Ala, gə́ Ala pa taree ar Dabid gə ŋgonee Salomo̰ pana: To mee kəi’g nee gə mee ɓee gə́ Jerusalem gə́ ma nja mbəree mbuna ginkoji Israɛlje’g lai lé ɓa ma m’ndigi kar rim ɓar keneŋ saar gə no̰ lé.

Teḛ-Raga 20:23

Seḭ a raje magəje gə larnda əsé gə larlɔr mba korè deeje dɔm’g joo el, seḭ a raje togə́bè el ya.

Teḛ-Raga 20:4

I a tɔl né ndaji ne magə el, lé néje gə́ tar mee dara’g əsé néje gə́ dɔ naŋg nee əsé néje gə́ dan mán’d gə́ to gel naŋg kara i a ra né ndaji dee ne kára kara bèe el ya.

Teḛ-Raga 34:17

Seḭ a lḛ̀je lar ndajije né magə lə sí el.

Esai 30:22

Larnda gə́ d’ɔr ne gir magəje lə sí lé Seḭ a kooje gə́ né gə́ mina̰, Larlɔr gə́ d’ula rɔ dee’g lé kara Seḭ a kɔmje kɔrɔ asəna gə né gə́ ndum bèe Paje ne pana: Aar raga!

Esai 66:3

Dəw gə́ tɔl bɔ maŋg gə́ nékinjaməs lé Yeḛ tɔl dəw bèe ya ləm, Dəw gə́ inja ŋgon badə gə́ nékinjaməs lé Yeḛ təd gwɔb bisi bèe ya ləm, Dəw gə́ un nékar gə́ to nduji lé Yeḛ saga məs da-bər bèe ya ləma, Dəw gə́ tuu né gə́ ə̰də sululu lé Yeḛ wa magəje mée’g bèe ya ləm tɔ. Deḛ lai neelé d’ɔr kəm rəwje lə dee Mba njaa keneŋ ləm, Meḛ dee lel dee dɔ néje’g lə deḛ gə́ mina̰ ləm tɔ.

Jeremi 10:8

Deḛ lai to gə́ mbəje gə njégərnéelje, Gosɔnégər lə dee to gə́ né gə́ kari ba: To gə́ kag!

Ləbije 19:4

Seḭ a telje rɔ sí goo magəje’g el ləm, seḭ a lḛ̀je né ndajije ne magəje el ləm tɔ. Ma m’to Njesigənea̰, Ala lə sí ya.

Tagə́maji gə́ Ja̰ ndang 16:2

D’a kun sí tɔb sí mee kəi-kwa-dɔ-na̰je’g, nana ɓa gə́ tɔl sí kara mee ndəa gə́ a gə ree lé a kḛji mée’g pana: Neḛ n’ra né n’ar Ala ya.

Tel tura Godndu 12:3

Seḭ a tɔsje loo-nékinjanéməsje lə dee tilaje ləm, seḭ a tɔje néndajije lə dee pɔs-pɔs ləm, seḭ a rooje magəje lə dee ləm, seḭ a tədje magəje gə́ deḛ tɔl dee gə́ néndajije lé ləma, seḭ a tujije ri dee dɔ looje’g neelé ləm tɔ.

Tel tura Godndu 27:15

Meeko̰ a koso dɔ dəw gə́ tɔl néndaji əsé ndil né gə́ léḛ gə́ tokə̰ji kəm Njesigənea̰’g ləm, gə́ to kula ra njegər goso kula ləm tɔ ɓa undá loo-kiya’g mba pole lé. Ndá koso-dəwje lai d’a kila dee keneŋ pana: A to togə́bè ya!

Njéga̰g-Rəwtaje 17:13

Mika pana: Ɓasinè lé ma m’gər gao, Njesigənea̰ a ra səm némeemaji mbata m’iŋga Ləbi neelé gə́ njekinjanéməs ləm.

Njéga̰g-Rəwtaje 17:2

Yeḛ ula kea̰je pana: Larnda ləi gə́ tɔl-dɔg gə dəa tɔl (1.100) gə́ dəw ɓogo gə́ i ila ndɔl dəa’g ar taree oso lé aa oo, larnda neelé to jim-ma’g ya, to ma nja ɓa m’un. Ndá kea̰je ulá pana: Maji kar Njesigənea̰ ar dɔ ŋgonəm ai səgərə.

Njéga̰g-Rəwtaje 17:4

Yeḛ tel gə larnda lé ar kea̰je. Kea̰je taa larnda gə́ tɔl-joo (200) lé aw ar njelḛ̀ né aree ra ne néndaji gə́ tɔl gə́ tɔl ləm, gə néndaji gə́ léḛ gə́ léḛ ləm tɔ. Deḛ d’unda dee mee kəi’g lə Mika.

Njéga̰g-Rəwtaje 18:30

Néndaji gə́ tɔl gə́ tɔl lé deḛ d’un d’unda tar mbata lə dee, ndá Jonatan, ŋgolə Gersɔm, gə́ to ŋgolə Manasə, yeḛ gə ŋganeeje lé tel to njékinjanéməsje mbata ginkoji Danje saar teḛ ne mee ndəa gə́ d’wa dee d’aw sə dee ɓee ɓər’g lé.

Njéga̰g-Rəwtaje 18:5

Deḛ d’ulá pana: Maji kari dəji Ala mba kar sí j’oo see mbá kaw lə sí lé a kwa sí maji ya wa.