Njéga̰g-Rəwtaje 17:2 - Maktub gə́ To gə Kəmee

² Yeḛ ula kea̰je pana: Larnda ləi gə́ tɔl-dɔg gə dəa tɔl (1.100) gə́ dəw ɓogo gə́ i ila ndɔl dəa’g ar taree oso lé aa oo, larnda neelé to jim-ma’g ya, to ma nja ɓa m’un. Ndá kea̰je ulá pana: Maji kar Njesigənea̰ ar dɔ ŋgonəm ai səgərə.

Njéga̰g-Rəwtaje 17:2 ပူးပေါင်းရင်းမြစ်များ

Gḭ-Néje 14:19

Yeḛ tɔr ndia dɔ Abram’g pana: Maji kar Ala gə́ Njekurdɔloo, yeḛ gə́ to mbai dɔ dara gə naŋg nee lé tɔr ndia dɔ Abram’g!

Nehemi 13:25

Ma m’ndaŋg dee ləm, m’ila ndɔl dɔ dee’g ləm, m’kunda njé gə́ na̰je bula mbuna dee’g ləma, m’tɔr yiŋga dɔ dee ləm tɔ ndá m’ar dee manrɔ dee gə ri Ala m’pana: Seḭ a karje ŋgan síje gə́ dené taa ŋgan deeje gə́ diŋgam el ləm, seḭ a taaje ŋgan deeje gə́ dené karje ŋgan síje gə́ diŋgam el ləma, seḭ kara a taa deeje el ləm tɔ.

Pakɔsje 10:3

Njemeeyèr lé ti rəa dɔ mal né gə́ rəa’g, Njekəmkəḭ ila ndɔl dɔ Njesigənea̰’g ləm, Ǝ̰jee bəḭ-bəḭ ləm tɔ.

Teḛ-Raga 20:7

Ala ləi gə́ Njesigənea̰ lé maji kari ɓar ria pəd-pəd as ne loo el, mbata dəw gə́ ɓar ri Njesigənea̰ pəd-pəd as né loo lé yeḛ a lal kar bo̰ nérea ɔs təa’g el.

Gosota-Kəmkàrje 28:24

Dəw gə́ ɓogo bɔbeeje gə kea̰je ɓa pana: To kaiya el lé To njeboalookaw lə njetujiloo.

Jeremi 48:10

Ndɔl wa dɔ yeḛ gə́ ra kula Le Njesigənea̰ orè gə ndam ləm, Ndɔl wa dɔ yeḛ gə́ ɔg kiambas ləa Ndum dəwje mburug-mburug ləm tɔ.

Matiyo 26:74

Yen ŋga Piɛrə ndo̰ naji ubu ne rəa pana: Dəw neelé kəm nja kara m’ila dəa’g bèe el ɓəi.

Njé gə́ Rɔmə 9:3

Ma m’ndigi kar dɔm udu ləm, ma m’ndigi kar Kristi ya̰’m gə no̰ ləm tɔ gə mba ŋgakɔmje gə njénojije ləm gə́ gin darɔ’g,

1 Njé gə́ Kɔrḭtə 16:22

Nana ɓa gə́ ndigi Mbaidɔmbaije gə meekɔr jol-jol el ndá maji kar ndɔl nai dəa’g ya. Mbaidɔmbaije si ree!

Tel tura Godndu 27:16

Meeko̰ a koso dɔ dəw gə́ ila ndɔl dɔ bɔbeeje’g əsé kea̰je’g! Ndá koso-dəwje lai d’a kila dee keneŋ pana: A to togə́bè ya!

2 Ja̰ 1:11

Nana ɓa gə́ rəa lapia wɔji ne kag noji ndá yeḛ oso gelee’g dɔ néreaje’g gə́ majel lé tɔ.

Njéga̰g-Rəwtaje 17:1

Dəw kára si dɔ mbal’d gə́ Eprayim ria lə Mika.

Njéga̰g-Rəwtaje 17:3

Yeḛ tel gə larnda gə́ tɔl-dɔg gə dəa tɔl (1.100) lé ar kea̰je ndá kea̰je pana: Ma m’unda larnda gə́ to jim’g lé gə kəmee m’ar Njesigənea̰ mba kar dee ra ne néndaji gə́ tɔl gə́ tɔl ləm, gə yee gə́ léḛ ləm tɔ d’ar ŋgonəm, bèe ndá ma m’tel gə lar neelé m’ari-i ya.

Njéga̰g-Rəwtaje 5:23

Kura lə Njesigənea̰ gə́ dara pana: Ilaje ndɔl dɔ ɓee gə́ Meroj’g, Ilaje ndɔl ya, ilaje ndɔl dɔ dəwje’g ləa, Mbata deḛ ree la gə Njesigənea̰ el ləm, Deḛ la gə Njesigənea̰ mbuna bao-rɔje’g el ləm tɔ.

Rudu 3:10

Boaj ilá keneŋ pana: Némbaaje, maji kar Njesigənea̰ tɔr ndia dɔi’g ya. Gelgodo ləi gə́ gogo neelé ɔr gin néraije gə́ kédé lé njai ya, mbata i aḭ goo ŋgan basaje’d gə́ to gə́ njéndooje əsé gə goo dee-deḛ gə́ njénékiŋgaje’g el.

1 Samel 14:24

Mee ndəa’g neelé loo moŋg Israɛlje kaŋ. Sawul ar dəwje manrɔ dee pana: Dəw gə́ sɔ né kédé ɓa kàrkemetag teḛ ɓəi əsé ra bèe ɓad ɓa ma m’dal ba̰ gə njéba̰je ləm ɓəi ndá maji kar ndɔl wa dəa ya. Togə́bè ɓa dəw kára kara sɔ né el ya tɔ.

1 Samel 14:28

Yen ŋga dəw kára gə́ mbuna njérɔje’g un ta ulá pana: Bɔbije ar njérɔje manrɔ dee pana: Dəw gə́ rara ɓa gə́ sɔ né ɓogənè ndá maji kar ndɔl wa dəa ya! Gelee nee ɓa dəwje dao ne yaa̰ ya.

1 Samel 15:13

Samel aw rɔ Sawul’g ndá Sawul ulá pana: Maji kar Njesigənea̰ tɔr ndia dɔi’g! Ma m’aa dɔ ta lə Njesigənea̰ kər-kər ya.

1 Samel 23:21

Sawul pana: Maji kar Njesigənea̰ tɔr ndia dɔ sí’g mbata seḭ ooje kəmtondoo ləm.

1 Samel 26:19

Ɓasinè maji kar mbai gə́ to mbai ləm ur mbia oo ne ta lə kura ləa. Ɓó lé to Njesigənea̰ ya ɓa ɔsi ɓɔḭ-ɓɔḭ gə mba kari oma̰ səm ndá maji karee taa nékar gə́ baḭyee ə̰də lel lé ɓa. Nɛ ɓó lé to dəwje ndá maji kar ndɔl wa dɔ dee no̰ Njesigənea̰’g ya tɔ, mbata deḛ tubam ɓogənè mba kɔrm dan nédɔji’g lə Njesigənea̰ ləm, deḛ d’ulam pana: Maji kam m’aw m’pole magəje gə́ dɔɓee’g ləm tɔ.