Njéga̰g-Rəwtaje 13:3 - Maktub gə́ To gə Kəmee

³ Kura lə Njesigənea̰ teḛ dɔ dené’g neelé ulá pana: Aa oo, i to kawkad, oji ŋgon el nɛ ɓasinè i a taa kèm ndá i a koji ŋgon gə́ diŋgam.

Njéga̰g-Rəwtaje 13:3 ပူးပေါင်းရင်းမြစ်များ

Gḭ-Néje 17:16

M’a tɔr ndum dəa’g ləm, mbɔl dəa ɓa m’a kari ne ŋgon ləm tɔ. M’a tɔr ndum dəa’g karee to ne ko̰ ginkoji dəwje gə raŋg bula, mbaije lə koso-dəwje kara d’a kḭ mée’g tɔ.

Gḭ-Néje 18:10

Yeḛ gə́ kára mbuna dee’g pa pana: M’a tel ree rɔi’g gogo mee naḭ gə́ togə́bè’g, ndá aa oo, Sara gə́ dené ləi a kiŋga ŋgon gə́ diŋgam. Nɛ Sara lé si ta kəi-kubu gə́ to gir Abrakam’g lé si tuga mbia oo ne tɔ.

Gḭ-Néje 18:14

Njesigənea̰ lé see né gə́ njedumee to keneŋ ya wa. Mee ndəa gə́ m’wɔji, mee naḭ gə́ togə́bè lé m’a tel ree rɔi’g ndá Sara a koji ŋgon gə́ diŋgam ya.

2 Mbaije 4:16

Ndá Elije ulá pana: Ləb gə́ a gə ree mee naḭ gə́ togə́bè ndá i a kwa ŋgon gə́ diŋgam jii’g. Yeḛ ilá keneŋ pana: Wah! mbai ləm, i dəw lə Ala, maji kari su kəm kura ləi gə́ dené lé el!

Lugu 1:11

Yen ŋga kura lə Mbaidɔmbaije gə́ dara teḛ dɔ Jakari’g wai ndá aar tar gə ŋgalee gə́ kel dɔ kum loo tuu né gə́ ə̰də sululu’g lé par gə́ dɔkɔl.

Lugu 1:13

Nɛ kura gə́ dara lé ulá pana: Jakari, ɓəl el ɓó, mbata tamaji ləi gə́ i ra lé oso mbi Ala’g pad ya. Elijabed, dené ləi lé a koji səi ŋgon gə́ diŋgam ndá i a kunda ria lə Ja̰.

Njéga̰g-Rəwtaje 13:10

Léegəneeya yeḛ aḭ kalaŋ aw ɔr sor ta neelé ar ŋgabeeje pana: Aa oo, dəw gə́ ree rɔm’g ndɔ gə́ kédé’g lé teḛ dɔm’g ya tɔɓəi.

Njéga̰g-Rəwtaje 13:15

Manoa ula kura lə Njesigənea̰ gə́ dara lé pana: Jeḛ n’ra ndòo rɔi’g mba kari ŋgina lam ar sí n’saŋgje ŋgon bya̰ j’ari ɓa.

Njéga̰g-Rəwtaje 13:6

Dené lé aw ula ŋgabeeje pana: Dəw lə Ala ree rɔm’g ndá kəmee to tana gə kura lə Ala gə́ dara ləm, rɔndɔḭ ləa to ɓəl kədm-kədm ləm tɔ. Ma m’oo loo dəjee pana: See i ḭ ra wa kara bèe el ləm, yeḛ kara ulam ria am m’gər el ləm tɔ.

Njéga̰g-Rəwtaje 13:8

Yen ŋga Manoa ra tamaji ta Njesigənea̰’g pana: Ǝi Mbaidɔmbaije, maji kar dəw lə Ala gə́ i ulá lé tel ree rɔ sí’g ya ɓəi mba karee ndoo sí né gə́ kəm ra mbata lə ŋgon gə́ j’a gə kojee lé.

Njéga̰g-Rəwtaje 2:1

Kura lə Njesigənea̰ gə́ dara ḭ Gilgal aw Bokim ndá yeḛ pana: Ma m’ar sí undaje loo mee ɓee gə́ Ejiptə teḛje, tɔɓəi m’aw sə sí mee ɓee gə́ ma man rɔm m’ar bɔ síje-je mba kar sí. Ma m’pana: M’a gaŋg kúla manrɔ ləm gə́ ma man ne rɔm m’ar sí lé pai godo.

Njéga̰g-Rəwtaje 6:14

Njesigənea̰ tel kəmee eaa gərərə ndá ulá pana: Maji kari aw gə siŋgai gə́ i aar ne nee, aw ɔr ne Israɛlje ji Madianje’g. See to ma nja ɓa m’ulai nee el wa.

1 Samel 1:20

Mee ləbee gən lé An taa kèm ndá yeḛ oji ŋgon gə́ diŋgam gə́ yeḛ unda ria lə Samel mbata yeḛ pana: M’dəjee Njesigənea̰.