Njéga̰g-Rəwtaje 13:1 - Maktub gə́ To gə Kəmee

¹ Israɛlje tel ra né gə́ taa kəm Njesigənea̰ el ya tɔɓəi, ar Njesigənea̰ uba dee ya̰ dee ji Pilistije’g as ləb rɔ-sɔ.

Njéga̰g-Rəwtaje 13:1 ပူးပေါင်းရင်းမြစ်များ

Jeremi 13:23

See dəw gə́ Etiopi askəm tel ndar rəa ɓəd, Esé kàg a tel ndaŋg ləa ɓəd wa. Seḭ gə́ néra gə́ majel ɓa gə́ né gel sí, See seḭ asjekəm tel raje né gə́ maji Gə dɔ rɔ sí wa.

Njé gə́ Rɔmə 2:6

Mee ndəa’g neelé Ala a kuga nana kara gə goo kula rəa-rəa ya.

Ǝbrəje 11:32

See ta ɗi ɓa m’a pa tɔɓəi wa, Gedeo̰ ləm, gə Barak ləm, gə Samso̰ ləm, gə Jepte ləm, gə Dabid ləm gə Samel ləma, gə njéteggintaje ləm tɔ lé m’oo loo pata kwɔji ne dɔ dee el.

Njéga̰g-Rəwtaje 10:6

Israɛlje tel ra né gə́ taa kəm Njesigənea̰ el ya tɔɓəi, deḛ pole magə-Baalje ləm, gə magə-Astartéje ləm, gə magəje gə́ Siri ləm, gə magəje gə́ Sido̰ ləm, gə magəje gə́ Moab ləm, gə magəje lə Amo̰je ləma, gə magəje lə Pilistije ləm tɔ ndá d’uba ne Njesigənea̰ d’yá̰ lal kwá meḛ dee’g.

Njéga̰g-Rəwtaje 10:7

Oŋg lə Njesigənea̰ ḭ səa pu dɔ Israɛlje’g ndá yeḛ uba dee ya̰ dee ji Pilistije’g ləm, gə ji Amo̰je ləm tɔ.

Njéga̰g-Rəwtaje 12:15

Gée’g gogo Abdon, ŋgolə Ilel dəw gə́ Pirato̰ lé wəi ndá dubee Pirato̰, mee ɓee gə́ Eprayim gə́ to dɔ mbal’g lə Amalekje.

Njéga̰g-Rəwtaje 14:4

Bɔbeeje gə kea̰je gər to gə́ né neelé ḭ rɔ Njesigənea̰’g el: mbata Samso̰ saŋg loo mba ra ta gə Pilistije gə́ ra ya. Mbata mee ndəaje gən lé Pilistije ɓa d’o̰ ɓee dɔ Israɛlje’g.

Njéga̰g-Rəwtaje 15:11

Yen ŋga dəwje gə́ Juda tɔl-dɔg-loo-munda (3.000) ree bolè mbal gə́ Etam ree dəji Samso̰ pana: See i gər to gə́ Pilistije ɓa gə́ njéko̰ síje el wa. See ɗi ɓa i ra sə sí togə́bè wa. Yeḛ ila dee keneŋ pana: Ma m’ra sə dee to gə́ deḛ ra ne səm-ma bèe ya tɔ.

Njéga̰g-Rəwtaje 15:20

Samso̰ to njegaŋ-rəwta Israɛlje gə́ mee ndəa’g lə Pilistije as ləbee rɔ-joo.

Njéga̰g-Rəwtaje 2:11

Israɛlje ra né gə́ majel kəm Njesigənea̰’g ndá deḛ pole magə-Baalje.

Njéga̰g-Rəwtaje 3:7

Israɛlje ra né gə́ taa kəm Njesigənea̰ el, d’ar meḛ dee wəi dɔ Njesigənea̰, Ala’g lé lə dee ndá deḛ pole magə-Baalje gə magəje gə́ raŋg tɔ.

Njéga̰g-Rəwtaje 4:1

Loo gə́ Ehud wəi mba̰ ndá Israɛlje ra né gə́ taa kəm Njesigənea̰ el ya tɔɓəi.

Njéga̰g-Rəwtaje 6:1

Israɛlje ra né gə́ taa kəm Njesigənea̰ el ndá Njesigənea̰ uba dee ya̰ dee ji Madianje’g as ləb siri.

1 Samel 12:9

Nɛ deḛ d’ar meḛ dee wəi dɔ Njesigənea̰ Ala’g lə dee ndá Njesigənea̰ ya̰ dee ji Sisera’g, mbai dɔ njérɔje gə́ Asɔr ləm, gə ji Pilistije’g ləma, gə ji mbai’d gə́ Moab ləm tɔ ar dee rɔ sə dee.

1 Samel 4:9

Seḭ Pilistije lé waje rɔ sí kɔgərɔ gə́ diŋgamje mba kar sí toje ɓərje lə Ǝbrəje to gə́ deḛ to ne ɓərje lə sí kédé lé bèe el. Waje rɔ sí gə́ diŋgamje ya rɔ deeje.

1 Samel 7:13

Togə́bè ɓa Pilistije d’ula dɔ dee ndá deḛ tel ree dɔ naŋg’d lə Israɛlje gogo el nja saar tɔ. Ndɔje lai gə́ Samel si kəmba lé ji Njesigənea̰ rɔ gə Pilistije ya.