Njéga̰g-Rəwtaje 11:3 - Maktub gə́ To gə Kəmee

³ Bèe ɓa Jepte aḭ ŋgakea̰je aw əw aw si ɓee gə́ Tɔb. Gaim-dəwje mbo̰ dɔ na̰ rɔ Jepte’g ndá d’aw təd wai səa na̰’d.

Njéga̰g-Rəwtaje 11:3 ပူးပေါင်းရင်းမြစ်များ

2 Samel 10:6

Amo̰je lé d’oo to gə́ deḛ tel to kḛji kəm Dabid’g ndá deḛ tuga goŋ-rɔje gə́ Aram gə́ Bet-Reob gə njé gə́ Aram gə́ Soba as tɔl-dɔg-loo-rɔ-joo (20.000) ləm, gə deḛ gə́ njérɔje lə mbai gə́ Maaka d’as tɔl-dɔg (1.000) ləma, gə njérɔje gə́ Tɔb d’as tɔl-dɔg-loo dɔg giree joo (12.000) gə́ yeḛ wɔji mba kar dee lar ləm tɔ.

2 Samel 10:8

Amo̰je lé teḛ tɔs rɔ dee d’aar tarəwkɔg’d. Njé gə́ Aram gə́ Soba gə Reob ləm, gə njé gə́ Tɔb ləma, gə njé gə́ Maaka ləm tɔ d’aar gə kəm dee ɓəd loo-rɔ’g tɔ.

Néra Njékaḭkulaje 17:5

Nɛ Jibje lé kəmkəḭ rusu meḛ dee njḭ-njḭ ar dee d’ɔr njémeeyèrje gə́ na̰je mbuna dalm-dəwje’g d’ɔm dee goo dee’g gə mba kar dee pələ meḛ dəwje d’ar dee d’aw dɔ na̰’d pum-pum ɓó gə kar ɓee ləŋg ne. Deḛ saŋg Pool gə Silas saar d’aw ɓee lə Jaso̰ mba kɔr dee kaw sə dee no̰ koso-dəwje’g.

Njéga̰g-Rəwtaje 11:2

Dené lə Galaad lé oji səa ŋganje gə́ diŋgam ar loo gə́ deḛ tɔg mba̰ ndá deḛ tuba Jepte d’ulá pana: I a kiŋga nénduba mee kəi’g lə bɔ síjeḛje el mbata i to ŋgon mee dené gə́ raŋg.

Njéga̰g-Rəwtaje 9:4

Deḛ d’aree larnda rɔ-siri gə́ d’ɔr mee kəi’g lə magə-Baal-Berit. Abimelek odo larnda neelé ndogo ne dəwje gə́ gə mḭdé ba ləm, gə njéndɔjitaje ləm tɔ ɔm dee ne gée’g.

1 Samel 22:2

Deḛ lai gə́ to njénékəmndooje ləm, gə deḛ lai gə́ ɓaŋg to dɔ dee’g ləma, gə deḛ lai gə́ meḛ dee lel dee el ləm tɔ lé mbo̰ dɔ na̰ rəa’g ndá yeḛ tel to mbai dɔ dee. Togə́bè deḛ lai gə́ d’ɔm gelee’g lé d’as dəwje tɔl-sɔ (400).

1 Samel 27:2

Yen ŋga Dabid ḭ gə dəwje gə́ tɔl-misa̰ (600) gə́ d’aw səa lé ndá deḛ d’aw ɓee lə Akis, ŋgolə Maok, mbai gə́ Gat.