Njéga̰g-Rəwtaje 10:9 - Maktub gə́ To gə Kəmee

⁹ Amo̰je lé gaŋg baa gə́ Jurdɛ̰ mba kaw rɔ gə Judaje ləm, gə Bḛjamije ləma, gə ŋgaka Eprayimje ləm tɔ. Bèe ɓa Israɛlje d’isi ne dan boo-néurti’g ya.

Njéga̰g-Rəwtaje 10:9 ပူးပေါင်းရင်းမြစ်များ

2 Sôrta Gḭka Israɛlje 14:9

Asa teḛ aw iŋgá ndá deḛ d’wa dɔ gɔl rɔ dee kel wəl-loo gə́ Sepata mbɔr Maresa’g.

2 Sôrta Gḭka Israɛlje 15:5

Mee ndəaje’g neelé meekulɔm godo mbata lə deḛ gə́ d’aw raga gə tel kəi mbata néɓəlje gə́ to mbuna dəw-mee-ɓeeje’g lai lé,

Tel tura Godndu 28:65

Mbuna ginkoji dəwje gə raŋg’g neelé seḭ a kiŋgaje loo-kwa-rɔ gə́ kəm kila dabla gɔl sí keneŋ godo. Njesigənea̰ a kar dɔɓəŋgərə sí unda bala ləm, kəm sí a to ndòo ləma, rɔ sí a si dan meeko̰’g ləm tɔ.

Njéga̰g-Rəwtaje 10:10

Israɛlje no̰ rɔ Njesigənea̰’g pana: Jeḛ n’raje kaiya mbata j’ubaje Ala lə sí j’yá̰ m’poleje magə-Baalje ya.

Njéga̰g-Rəwtaje 10:8

Deḛ neelé d’ula kəm Israɛlje ndòo rəd dee ne naŋg mee ləb’g neelé, kula kəm loo ndòo neelé wɔi dɔ Israɛlje lai’d gə́ d’isi kel tura-baa gə́ Jurdɛ̰’g, dɔ naŋg ɓee lə Amɔrje gə́ to mee ɓee gə́ Galaad lé as ləb dɔg-giree-jinaijoo.

Njéga̰g-Rəwtaje 11:4

Gée gə́ gogo gə kuree lam ndá Amo̰je ree d’ila rɔ dɔ Israɛlje’g.

Njéga̰g-Rəwtaje 2:15

Looje lai gə́ d’aw keneŋ lé Njesigənea̰ ula jia ndiŋ gə́ dɔ dee’g gə mba ra ne sə dee majel, to gə́ Njesigənea̰ ula dee ne kédé ləm, to gə́ Njesigənea̰ man ne rəa kédé ar dee ləm tɔ. Togə́bè ɓa deḛ d’isi ne dan boo-néurti’g ya.

Njéga̰g-Rəwtaje 6:2

Ji Madianje wɔi dɔ Israɛlje’g ndiŋ-ndiŋ. Gə mba kunda rɔ dee ji Madianje’g gaŋg ndá Israɛlje d’aḭ d’aw d’iya rɔ dee loo gə́ mbalje ta̰ keneŋ ləm, mee bolè mbalje’g ləma, gə mbuna kɔr mbalje gə́ ka̰ ŋgəm loo ləm tɔ.

1 Samel 13:6

Njérɔje gə́ Israɛl d’oo to gə́ d’un kəi dee lad mbata ɓeb dee ɓeb ndá deḛ d’aw d’iya rɔ dee mee bolè mbalje’g ləm, gə mee bèmèje’g ləm, gə mbuna mbalje’g ləm, gə mee kəi-gadje’g ləma, gə mee godə-bwa-manje’g ləm tɔ.

1 Samel 28:15

Samel dəji Sawul pana: See gelee ban ɓa i jɔgm am m’unda loo m’teḛ wa. Sawul ilá keneŋ pana: M’isi dan boo-néurti’g. Pilistije ree rɔ səm ndá Ala ɔr rəa rɔm’g. Yeḛ ilam ta gə́ gə ndu njéteggintaje el ləm, gə nije el ləm tɔ. Yee gə́ bèe ɓa m’ɓari ne mba kari am m’gər ne né gə́ kəm ra ya.