Njéga̰g-Rəwtaje 10:4 - Maktub gə́ To gə Kəmee

⁴ Ŋganeeje gə́ diŋgam deḛ rɔ-munda, d’uba ŋgan mulayḛ̀je-je rɔ-munda ləm, ɓee-kogoje lə dee as rɔ-munda ləm tɔ, saar teḛ mee ndəa gən lé deḛ ɓar dee ɓee-booje lə Jayir gə́ to mee ɓee’d gə́ Galaad ya.

Njéga̰g-Rəwtaje 10:4 ပူးပေါင်းရင်းမြစ်များ

2 Samel 16:2

Mbai dəji Siba pana: See ɗi ɓa i ndigi ra gə néje neelé wa. Siba tel ilá keneŋ pana: Mulayḛ̀je lé to mbata njémeekəije lə mbai ləm, pil muru gə kandə kagje gə́ naḭkuli to mba kar basaje d’usɔ ləma, mán-nduú to mba tɔl ne kunda lə dee gə́ d’a gə dao dɔdilaloo’g ləm tɔ.

Jakari 9:9

Seḭ gə́ Sio̰ lé alje rɔ sí! Seḭ gə́ Jerusalem kara ɔsje pa rɔlel to! Aa ooje, mbai lə sí si aw gə́ dɔ sí’g nee, Yeḛ to njemeekarabasur ləm, Gə njedumdɔloo ləm tɔ, Yeḛ to dəw gə́ kul yururu gə́ uba dɔ mulayḛ̀je gao si’g, To ŋgon mulayḛ̀je gə́ aḭ goo kea̰je’g ɓa yeḛ ubá.

Bula lə Israɛlje 32:41

Jayir, ŋgolə Manasə ɔr rɔ aw rɔ taa ne ɓee-booje ndá yeḛ unda ri dee lə ɓee-kogoje lə Jayir.

Tel tura Godndu 3:14

Jayir, ŋgolə Manasə taa dɔ naŋg gə́ Argob lai saar teḛ ne rəw-nim-ɓee’g lə Geskurje, gə Maakatje ndá yeḛ unda ria-yeḛ ya dɔ ɓee-kogoje’d gə́ Basan, yee ɓa deḛ ɓar dee ne ɓee-kogoje lə Jayir ya saar teḛ ɓogənè ɓəi.

Njéga̰g-Rəwtaje 10:3

Goo kwəi’g ləa lé Jayir gə́ to dəw gə́ Galaad lé ḭ mba to njegaŋ-rəwta dɔ Israɛlje’g as ləb rɔ-joo-giree-joo.

Njéga̰g-Rəwtaje 10:5

Loo gə́ Jayir wəi ndá deḛ dubee Kamo̰ tɔ.

Njéga̰g-Rəwtaje 12:14

Yeḛ aw gə ŋganje gə́ diŋgam rɔ-sɔ ləm, gə ŋgakeaje rɔ-munda ləm tɔ, deḛ lé t’uba ŋgan mulayḛ̀je-je rɔ-siri. Abdon lé to njegaŋ-rəwta dɔ Israɛlje’g as ləbee jinaijoo.

Njéga̰g-Rəwtaje 5:10

Seḭ gə́ ubaje ko̰-mulayḛ̀je-je gə́ ndá ləm, Gə seḭ gə́ nésije lə sí to kubuje gə́ lab naŋg ləma, Gə seḭ gə́ njaaje dan rəw’g ləm tɔ lé Ɔsje pa.