Njéga̰g-Rəwtaje 1:4 - Maktub gə́ To gə Kəmee

⁴ Judaje d’ḭ d’aw ndá Njesigənea̰ ya̰ Kana̰je gə Peresje ji dee’g tɔ, deḛ tɔl dəwje tɔl-dɔg-loo-dɔg (10.000) mee ɓee’d gə́ Bejek ya.

Njéga̰g-Rəwtaje 1:4 ပူးပေါင်းရင်းမြစ်များ

1 Mbaije 22:15

Loo gə́ yeḛ ree rɔ mbai’g lé ndá mbai lé dəjee pana: Mise, see j’a kaw rɔje gə njé gə́ Ramot gə́ dɔ naŋg gə́ Galaad əsé j’a kawje el wa. Yeḛ tel ilá keneŋ pana: Aw ya! I a kun baŋga dɔ dee’g ya ndá Njesigənea̰ ila dee ji mbai’g mba̰.

1 Mbaije 22:6

Mbai gə́ Israɛl mbo̰ njéteggintaje ləa as tɔl-sɔ (400) jén bèe ndá yeḛ dəji dee pana: See m’a kaw rɔ gə njé gə́ Ramot gə́ dɔ naŋg gə́ Galaad lé əsé m’a kaw el wa. Deḛ d’ilá keneŋ pana: Aw ya ndá Mbaidɔmbaije a kya̰ dee meḛ ji mbai’g ya.

Pakɔsje 44:2

Ǝi Ala, jeḛ j’oo ta gə mbi sí ləm, Bɔ síje-je d’ɔr gée d’ar sí j’oo Kula raije gə́ i ra tɔl bém mee ndɔje’g lə dee Gə mee ndəaje gə́ ləw lé ləm tɔ.

Pakɔsje 78:55

Yeḛ tuba ginkoji dəwje gə raŋg no̰ dee’g Ya̰ ɓee lə dee kai dee gə́ nédɔji lə dee ləm, Yeḛ ar ginkoji Israɛlje lé d’isi mee kəi-kubuje’g lə dee ya ləm tɔ.

Tel tura Godndu 7:2

loo gə́ Ala lə sí gə́ Njesigənea̰ a kɔm dee ji sí’g kar sí tuji deeje lai lé ndá seḭ a tuji deeje mbad-mbad ya ɓó seḭ a manje rɔ sí gə mba kɔmje sə dee na̰’d el ləma, seḭ a raje sə dee meemaji el ləm tɔ.

Tel tura Godndu 9:3

Maji kar sí gərje gao, ɓogənè Ala lə sí gə́ Njesigənea̰ ya a njaa no̰ sí’g asəna gə pər gə́ roo loo bèe, yeḛ nja a gə tuji dee ləm, yeḛ a kar dee d’oso kul no̰ sí’g ləm tɔ, ndá seḭ a tuba deeje ləm, seḭ a kar deeje d’udu kalaŋ to gə́ Njesigənea̰ ula sí lé ləm tɔ.

Njéga̰g-Rəwtaje 1:3

Njé gə́ lə Juda d’ula njé gə́ lə Simeo̰ gə́ to ŋgako̰ deeje pana: Awje sə sí na̰’d mee ɓee’d gə́ jeḛ j’iŋgaje gə goo nékwɔji-lée gə́ to asəna gə téḛ bèe lé mba kar sí n’rɔje gə Kana̰je, ndá jeḛ kara j’a kaw sə sí na̰’d mee ka̰ sí gə́ seḭ iŋgaje gə goo nékwɔji-lée gə́ to asəna gə téḛ bèe lé ya tɔ. Togə́bè ɓa njé gə́ lə Simeo̰ lé d’ḭ d’aw sə dee ya.

Njéga̰g-Rəwtaje 1:5

Deḛ d’iŋga Adoni-Bejek mee ɓee gə́ Bejek, deḛ rɔ səa ndá deḛ dum dɔ Kana̰je gə Peresje tɔ.

Njéga̰g-Rəwtaje 11:32

Jepte ɔr rɔ aw iŋga Amo̰je rɔ sə dee ndá Njesigənea̰ ɔm dee jia’g ya tɔ.

Njéga̰g-Rəwtaje 3:5

Togə́bè ɓa Israɛlje d’isi ne mbuna Kana̰je gə Hetje’g, gə Amɔrje gə Peresje’g, gə Hebje gə Yebusje’g tɔ.

1 Samel 11:8

Sawul tura dee mee ɓee gə́ Bejek ndá dəwje gə́ Israɛl d’as tɔl-dɔg-loo-tɔl-munda (300.000) ləm, dəwje gə́ Juda kara d’as tɔl-dɔg-loo-rɔ-munda (30.000) ləm tɔ.

1 Samel 14:10

Nɛ ɓó lé d’ula sí pana: N’reeje rɔ neḛje’g wa tɔ ndá j’a tugaje loo kaw ya to mbata Njesigənea̰ ya̰ dee ji sí’g. Yee ɓa a to nétɔji kar sí ya.

1 Samel 14:6

Jonatan ula basa gə́ odo nérɔje ləa lé pana: Gə́ ree ar sí j’aw saar n’teḛje loo-si njé gə́ lal kinja tamɔd dee’g. Banelə Njesigənea̰ a ra né mbata lə sí mbata Njesigənea̰ lé ɓó lé njé gə́ ləa jebəre ba əsé deḛ bula kara né gə́ njekɔgee loo kaji dəwje lé godo.