Njéga̰g-Rəwtaje 1:3 - Maktub gə́ To gə Kəmee

³ Njé gə́ lə Juda d’ula njé gə́ lə Simeo̰ gə́ to ŋgako̰ deeje pana: Awje sə sí na̰’d mee ɓee’d gə́ jeḛ j’iŋgaje gə goo nékwɔji-lée gə́ to asəna gə téḛ bèe lé mba kar sí n’rɔje gə Kana̰je, ndá jeḛ kara j’a kaw sə sí na̰’d mee ka̰ sí gə́ seḭ iŋgaje gə goo nékwɔji-lée gə́ to asəna gə téḛ bèe lé ya tɔ. Togə́bè ɓa njé gə́ lə Simeo̰ lé d’ḭ d’aw sə dee ya.

Njéga̰g-Rəwtaje 1:3 ပူးပေါင်းရင်းမြစ်များ

Gḭ-Néje 29:33

Yeḛ tel taa kèm gə́ raŋg tɔɓəi oji ŋgon gə́ diŋgam ndá yeḛ pa pana: Njesigənea̰ oo gao to gə́ yeḛ ndigim el ya ɓəi ndá yeḛ am ŋgon neelé ya ɓəi. Ndá yeḛ unda ria lə Simeo̰.

2 Samel 10:11

Yeḛ ula ŋgokea̰ lé pana: Ɓó lé siŋga Aramje ur dɔm-ma’g ndá i a ree la səm. Tɔɓəi ɓó lé siŋga Amo̰je ur dɔi-i’g ndá m’a kaw la səi tɔ.

Jujé 19:1

Nékwoji lé gə́ to asəna gə téḛ bèe gə́ njekɔm’g joo lé wɔji dɔ ginkoji lə Simeo̰je, gə goo gel-bɔje lə dee lə dee. Dɔ naŋg gə́ to ka̰ dee-deḛ lé to mbuna ɓeeje’g lə Judaje.

Loo gə́ killa rea kəm Ja̰’g 7:7

gin Simeo̰je lé d’aḭ tɔl-dɔg-loo 12, gin Lebije lé d’aḭ tɔl-dɔg-loo 12, gin Isakarje lé d’aḭ tɔl-dɔg-loo 12,

Njéga̰g-Rəwtaje 1:17

Judaje gə Simeo̰je gə́ to ŋgako̰ na̰je lé d’ḭ na̰’d d’aw dum dɔ Kana̰je gə́ d’isi Sepat, deḛ tuji ɓee-boo lé pugudu-pugudu ndá deḛ tel d’unda ria lə Ɔrma.

Njéga̰g-Rəwtaje 1:2

Njesigənea̰ ila dee keneŋ pana: Njé gə́ ginkoji’g lə Juda ɓa d’a kaw kédé mbata aa ooje, m’uba ɓee neelé m’ya̰ ji dee’g mba̰.

Njéga̰g-Rəwtaje 1:4

Judaje d’ḭ d’aw ndá Njesigənea̰ ya̰ Kana̰je gə Peresje ji dee’g tɔ, deḛ tɔl dəwje tɔl-dɔg-loo-dɔg (10.000) mee ɓee’d gə́ Bejek ya.