Njéga̰g-Rəwtaje 1:2 - Maktub gə́ To gə Kəmee

² Njesigənea̰ ila dee keneŋ pana: Njé gə́ ginkoji’g lə Juda ɓa d’a kaw kédé mbata aa ooje, m’uba ɓee neelé m’ya̰ ji dee’g mba̰.

Njéga̰g-Rəwtaje 1:2 ပူးပေါင်းရင်းမြစ်များ

Bula lə Israɛlje 2:3

Par gə́ bər lé ginkoji Judaje gə nékɔr gin dee ləm, gə kudu njérɔje lə dee ləm tɔ ɓa d’a si keneŋ. Lée neelé ɓa to loo si Nason, ŋgolə Aminadab gə́ to mbai dɔ ŋgalə Juda lé,

Bula lə Israɛlje 7:12

Yeḛ gə́ ree gə nékar ləa mee ndɔ gə́ dɔtar lé to Nason, ŋgolə Aminadab gə́ ginkoji’g lə Juda.

Ǝbrəje 7:14

Jeḛ n’gər gao, Mbaidɔmbaije lə sí lé ḭ ginkoji Juda’g, ginkoji dəwje neelé Moyis pata lə njekinjanéməs gə́ a kḭ keneŋ ree lé bèe el.

Jujé 2:24

Deḛ d’ula Juje pana: Tɔgərɔ, Njesigənea̰ ila ɓee neelé lai ji sí’g ləm, ar njéɓeeje lai kara d’unda bala tigi-tigi no̰ sí’g ləm tɔ.

Loo gə́ killa rea kəm Ja̰’g 5:5

Dəw kára gə́ si mbuna ŋgatɔgje’g ulam pana: Ǝw rɔi no̰. Aa oo, toboḭ gə́ ḭ ginka Juda, gə́ to barkəm Dabid lé yeḛ ɓa dum dɔ loo as kɔr nérḛdə ta maktub gə́ siri neelé ya.

Njéga̰g-Rəwtaje 1:3

Njé gə́ lə Juda d’ula njé gə́ lə Simeo̰ gə́ to ŋgako̰ deeje pana: Awje sə sí na̰’d mee ɓee’d gə́ jeḛ j’iŋgaje gə goo nékwɔji-lée gə́ to asəna gə téḛ bèe lé mba kar sí n’rɔje gə Kana̰je, ndá jeḛ kara j’a kaw sə sí na̰’d mee ka̰ sí gə́ seḭ iŋgaje gə goo nékwɔji-lée gə́ to asəna gə téḛ bèe lé ya tɔ. Togə́bè ɓa njé gə́ lə Simeo̰ lé d’ḭ d’aw sə dee ya.

Njéga̰g-Rəwtaje 20:18

Togə́bè ɓa Israɛlje d’ḭ d’aw Betel dəji ne Ala pana: See na̰ ɓa mbuna sí’g a kaw kédé no̰ sí’g mba kaw rɔ gə Bḛjamije lé wa. Njesigənea̰ ila dee keneŋ pana: Judaje ɓa d’a kaw kédé.

Njéga̰g-Rəwtaje 20:28

ndá mee ndəa’g neelé Pines, ŋgolə Eləajar, gə́ to ŋgoka Aaro̰ ɓa to njekaar no̰ Ala’g lé. Deḛ dəjee pana: See j’a kɔr rɔ kaw rɔ gə Bḛjamije gə́ to ŋgako̰ síje lé əsé j’a kaw el wa. Njesigənea̰ ila dee keneŋ pana: Awje ya mbata bèlè m’a kuba dee kya̰ dee ji sí’g ŋga.