Néra Njékaḭkulaje 9:6 - Maktub gə́ To gə Kəmee

⁶ Sool unda bala tigi-tigi ɓəl undá badə gaŋgee, aree pana: Mbaidɔmbaije, see ɗi ɓa i ndigi kam m’ra wa. Tɔɓəi Mbaidɔmbaije ulá pana: Uba naŋg ḭta aw uru mee ɓee’g ndá d’a kulai né gə́ kəm kari ra ɓəi.

Néra Njékaḭkulaje 9:6 ပူးပေါင်းရင်းမြစ်များ

Pakɔsje 25:12

See dəw gə́ ra ɓa ɓəl Njesigənea̰ wa. Njesigənea̰ a tɔjee rəw gə́ kəm karee njaa keneŋ.

Pakɔsje 94:12

Ǝi Njesigənea̰, rɔlel nai gə dəw gə́ i wɔjee kəmkàr lé ləm, Gə yeḛ gə́ i nja ndée godndui lé ləm tɔ.

Esai 57:18

Ma m’oo rəw-kabeeje Ndá m’a kajee tɔ, M’a to njekɔrnea̰ ləm, M’a to njegɔl mée-yeḛ Gə ka̰ dee-deḛ gə́ no̰ səa lé ləm tɔ.

Esai 66:2

Néje lai neelé jim-ma nja ɓa ra dee ləm, Mbɔl dɔm-ma ɓa d’isi ne kəmba ləm tɔ. Aa ooje, dəw gə́ m’orè kəm ndəŋ dəa’g ɓa nee: Dəw gə́ si dan némeeko̰’g Esé yeḛ gə́ unda bala ləm, Yeḛ gə́ ɓəl ta ləm ləm tɔ.

Ejekel 2:1

Yeḛ ulam pana: Ma ŋgon-dəw lé maji kam m’aar tar dɔ gɔlm’g ndá n’a gə kulam ta.

Ejekel 3:22

Lée neelé Njesigənea̰ wam gə jia ya ɓəi ndá yeḛ ulam pana: Maji kam m’uba naŋg m’ḭta m’aw mee wəl-loo’g ndá lé gə́ neelé n’a kulam ta keneŋ.

Habakuk 3:16

Ma m’oo bèe ... ndá kaarm ɓar ɗigi-ɗigi. Gə goo ndu gə́ ɓar neelé tam ɓar ɓəg-ɓəg ləm, M’unda ndolè ləma, Ar no̰ kəjimje kara d’unda ne bala ləm tɔ: M’isi mundu m’ŋgina ne ndɔ néurti, Ndɔ gə́ njekula kəm loo ndòo a njaa kaw rɔ gə koso-dəwje.

Matiyo 19:30

Njé gə́ na̰je gə́ goo loo gə́ gogo d’a kaw gə́ ŋgaw ta dee kédé, nɛ njé gə́ na̰je gə́ d’aw gə́ ŋgaw ta dee kédé lé d’a tel to njé gə́ goo loo gə́ gogo tɔ.

Lugu 3:10

Boo-dəwje neelé dəjee pana: Bèe ŋga, see j’a ra ba̰ ŋga gə rɔ sí wa.

Néra Njékaḭkulaje 10:22

Deḛ d’ilá keneŋ pana: Kɔrnəi, ɓée boo-njérɔje gə́ tɔl lé yeḛ to gə́ njemeekarabasur ləm, yeḛ tədkag Ala lé ləm tɔ, ar Jibje lai gə gel dee gel dee d’ɔr goo ta ləa maji. Ala ar kura ləa gə́ dara gə́ undá gə kəmee lé teḛ dəa’g ulá gə mba karee ula-kula ɓari kəi ləa gə mba koo taje tai’g.

Néra Njékaḭkulaje 10:32

Maji kam m’ula kula Jope m’ɓar Simo̰ gə́ d’unda ria lə Piɛrə ar dee ree səa, yeḛ si kəi lə Simo̰ gə́ to njekɔr-girŋgira gə́ to ta baa’g tebdé lé.

Néra Njékaḭkulaje 10:6

Yeḛ si kəi lə dəw kára bèe gə́ ria lə Simo̰ gə́ njekɔr-girŋgira lé, kəi ləa to ta baa-boo-kad’g tebdé lé tɔ.

Néra Njékaḭkulaje 2:37

Loo gə́ deḛ d’oo ta neelé ndá ɓəŋgərə dee ti dus ar dee dəji Piɛrə gə njékaḭkulaje gə́ raŋg pana: Ŋgako̰ síjeḛ gə́ dəwje see j’a ra banwa.

Néra Njékaḭkulaje 22:10

Yen ŋga m’dəjee m’pana: Mbaidɔmbaije, see m’a ra ban ŋga nee wa. Ndá Mbaidɔmbaije ilam keneŋ pana: Uba naŋg ḭta aw Damas ndá d’a kulai né gə́ kəm kari ra lé ɓəi.

Néra Njékaḭkulaje 26:16

Nɛ uba naŋg ḭ aar tar paar mbata ma m’teḛ dɔi’g, mbata ma m’teḛ dɔi’g m’ɔri gə mba kundai gə́ njekula ləm ləm, gə njekɔrgoota néje gə́ i oo mba̰ ləma, gə néje gə́ m’a teḛ ne dɔi’g ɓəi ləm tɔ.

Néra Njékaḭkulaje 9:5

Yeḛ tel ilá keneŋ pana: Mbaidɔmbaije, see i to gə́ na̰ wa. Mbaidɔmbaije tel ilá keneŋ pana: Ma m’to gə́ Jeju gə́ i ula kəm ndòo lé ya. Nékad gə́ d’ɔs ne kudi ɓèsèsè-ɓèsèsè lé ɓó gad kudi gə́ gogo ndá a koso rɔi’g pal ya.

Njé gə́ Rɔmə 10:20

Esai kara dəa to̰ keneŋ kəw el aree pana: Deḛ gə́ saŋg neḛ el nɛ deḛ d’iŋga neḛ ləm, Deḛ gə́ dəji neḛ el lé neḛ n’ɔr gin rɔ neḛ n’ar dee ləm tɔ.

Njé gə́ Rɔmə 10:3

Deḛ gər meekarabasur lə Ala el ndá deḛ saŋg meekarabasur gə́ ka̰ dee-deḛ ya gə dɔrɔ dee ɓó deḛ ndəd ka̰ Ala lé el.

Njé gə́ Rɔmə 5:20

Godndu Moyis lé ree gə mba kila kalta gə́ raga kɔd, nɛ loo gə́ kaiya kila rəa keneŋ ndá noji ɓa turu dəa pubug

Njé gə́ Rɔmə 7:9

Ma nja ləw lé m’isi m’lal godndu lé kara m’isi kəmba ya tɔ. Nɛ loo gə́ godndu lé teḛ mba̰ ndá kaiya lé tel si kəmba ŋga, ma lé ɓa m’tel m’wəi ne tɔ.

Njé gə́ Pilibə 2:12

Togə́bè ɓa, seḭ gə́ m’unda sí dan kəm’g lé to gə́ seḭ raje torndum ta-ta ndá raje kula gə́ wɔji dɔ kaji lə sí gə kaar gəd ləm, ndəbje ndəbee mba karee to lée’g ləm tɔ, raje mbata kəm-ma ɓa el, nɛ ɓasinè loo gə́ ma m’godo mbuna sí’g kara raje maji unda nje gə́ kédé tɔ.

Maktub gə́ Jak ula ne ar ngan-Allaje 4:6

Nɛ Ala lé wa sə sí noji gə́ maji unda nje gə́ kédé, gelee gə́ nee ɓa maktub gə́ to gə kəmee lé pa ya tɔɓəi pana: Ala ɔs njébeeleje rəw nɛ yeḛ wa noji gə njékula dɔ deeje.

1 Samel 16:3

I a ɓar Isai loo-nékinjaməs’g lé ndá m’a kari gər né gə́ kəm kari ra tɔɓəi yeḛ gə́ m’a kulai lé i a kwa dəa gə ubu kam ya.

1 Samel 28:5

Loo gə́ Sawul oo loo-si Pilistije ndá ɓəl undá badə gaŋgee ar ɓəŋgəree ɓar ɗigi-ɗigi tɔ.