Néra Njékaḭkulaje 9:4 - Maktub gə́ To gə Kəmee

⁴ Yeḛ guru naŋg rug ndá yeḛ oo ndu dəw ɓar dəa’g wəl-wəl pana: Sool, Sool, see ban ɓa i ula kəm ndòo bèe wa.

Néra Njékaḭkulaje 9:4 ပူးပေါင်းရင်းမြစ်များ

Gḭ-Néje 16:8

Yeḛ dəjee pana: Agar, ɓər lə Sarai, see ḭ ra wa. See aw gə́ ra wa. Yeḛ tel ulá pana: Ma m’aḭ Sarai ɓémje lé ya.

Gḭ-Néje 22:11

Nɛ kura lə Njesigənea̰ gə́ si dara ɓaree pana: Abrakam! Abrakam! Ndá yeḛ ndigi təa’g pana: Yḛ̀ m’aar nee!

Gḭ-Néje 3:9

Nɛ Njesigənea̰ Ala ɓar dəw lé dəjee pana: See i aar ra wa.

Teḛ-Raga 3:4

Njesigənea̰ oo to gə́ yeḛ tel aw gə́ keneŋ mba koo ndá Ala nja ɓaree mee ŋgon kag’d neelé pana: Moyis, Moyis. Yeḛ ndigi təa’g pana: Yḛ̀ m’aar nee!

Esai 6:8

M’oo ndu Mbaidɔmbaije gə́ pana: See na̰ ɓa n’a kulá karee aw mbata lə neḛje wa. Ma m’ilá keneŋ m’pana: Yḛ̀ m’aar nee, ulam am m’aw.

Esai 63:9

Dan nékəmndooje’g lə deḛ lai lé D’isi lal njela sə dee el, Kura ləa gə́ dara gə́ aar nea̰’g lé To njekaji dee, Dan meenoji gə kookəmtondoo’g ləa lé Yeḛ nja uga ne dɔ dee. Ta-ta mee ndɔje gə́ ləw lé Yeḛ gəd dee ləm, Yeḛ odo dee ləm tɔ.

Jakari 2:8

Yeḛ ulá pana: Aḭ aw ula basa neelé pana: Jerusalem lé a to ɓee-boo gə́ to raga ndəgsə lal ndògo-bɔrɔ gə mbata dəwje gə́ bula digi-digi gə́ d’isi keneŋ ləm, gə nékulje gə́ dum tura gə́ d’a kaar keneŋ ləm tɔ.

Matiyo 25:40

Mbai lé a tel kila dee keneŋ pana: Ma m’ula sí təsərə, loo gə́ rara gə́ seḭ raje néje gə́ togə́bè keneŋ gə dəw kára gə́ nai gɔ mbuna ŋgakɔmje’g neelé ndá ma nja raje səm kən tɔ.

Lugu 10:41

Mbaidɔmbaije tel ilá keneŋ pana: Martə, Martə, i ar məəi pélé wəs-wəs ləm, jɔg rɔi yaa̰ ləm gə mba néje bula ya.

Tagə́maji gə́ Ja̰ ndang 18:6

Loo gə́ Jeju ula dee pana: To neḛ nja lé ndá deḛ d’ɔr kudu dee gə́ gogo d’unda naŋg mburug.

Tagə́maji gə́ Ja̰ ndang 20:16

Jeju ɓaree pana: Mari! Yeḛ tel kəmee wuri, ɓaree gə ta Ǝbrə pana: Rabuni, (tel ta koji sí ndá pana: Mbai ləm!)

Tagə́maji gə́ Ja̰ ndang 21:15

Loo gə́ d’o̰ né mba̰ ndá Jeju dəji Simo̰ Piɛrə pana: Simo̰, ŋgon Junas, see i undam dan kəmi’g unda deḛ gə́ d’aar nee wa. Simo̰ ndigi təa’g pana: Oiyo, Mbaidɔmbaije, i gər gao, ma lé m’ndigi ya. Jeju tel ilá keneŋ pana: Bèe ndá ul ŋgan badje ləm am.

Néra Njékaḭkulaje 5:10

Léegəneeya, yeḛ oso gɔl njékaḭkulaje’g naŋg vad wəi. Basaje lé d’andə mee kəi’g d’ɔs dɔ dee dɔ yée’g ndá d’unee d’aw dubee mbɔr ŋgabeeje’g.

Néra Njékaḭkulaje 9:5

Yeḛ tel ilá keneŋ pana: Mbaidɔmbaije, see i to gə́ na̰ wa. Mbaidɔmbaije tel ilá keneŋ pana: Ma m’to gə́ Jeju gə́ i ula kəm ndòo lé ya. Nékad gə́ d’ɔs ne kudi ɓèsèsè-ɓèsèsè lé ɓó gad kudi gə́ gogo ndá a koso rɔi’g pal ya.

Njé gə́ Rɔmə 11:22

Meemaji lə Ala ləm, gə néra gə́ kədərə gə́ dum maree gə́ yeḛ ra ləm tɔ lé maji kari la̰ji toree məəi’g: néra gə́ kədərə gə́ dum maree gə́ yeḛ a ra gə deḛ gə́ d’oso nɛ meemaji ləa gə́ yeḛ ra səi-i ɓó lé i aar dɔ gɔli’g njaŋg gin meemaji ləa’g ya. Ɓó lé i aar dɔ gɔli’g njaŋg keneŋ el ndá yeḛ a tugai tɔ.

1 Njé gə́ Kɔrḭtə 12:12

Tɔgərɔ ya, to gə́ darɔ dəw lé barkəmeeje bula nɛ barkəmreaje lé bula kara to gə́ darɔ gə́ kára ba ndá Kristi kara to togə́bè tɔ.

1 Njé gə́ Kɔrḭtə 4:7

See na̰ ɓa ooi ɓəd wa. See to né gə́ aḭ ḭgai naŋg gə́ kiŋga el wa. Ɓó lé to né gə́ aḭ ḭgai naŋg gə́ kiŋga ndá see ban ɓa i ti ne rɔi unda ne ɗəŋgərə wa.

Njé gə́ Epesə 5:30

mbata jeḛ lé n’to barkəmrea ya.