Néra Njékaḭkulaje 9:38 - Maktub gə́ To gə Kəmee

³⁸ To gə́ Lidə to mbɔr Jope’g dəb lé ndá njékwakiláje d’oo sor Piɛrə gə́ si keneŋ ndá d’ula dəwje joo rəa’g mba kar dee ra ndòo rəa’g gə mba karee ḭ sə dee ree sə dee ɓó a tila gə́ tila el.

Néra Njékaḭkulaje 9:38 ပူးပေါင်းရင်းမြစ်များ

2 Sôrta Gḭka Israɛlje 2:16

Salomo̰ tura dəw-dɔ-ɓeeje lai gə́ d’isi mee ɓee gə́ Israɛl gə goo bula lə deḛ gə́ bɔbeeje Dabid tura dee ne kédé lé ya. Deḛ d’iŋga dee as tɔl-dɔg-loo-tɔl gə dəa rɔ-mi-giree-munda gə dɔ dee tɔl-misa̰ (100.053.600).

Esdras 3:7

Deḛ d’uga njétɔl-mbalje gə njéra kula kagje. Tɔɓəi d’ar dəwje gə́ Sido̰ gə dəwje gə́ Tir nésɔje gə nékaije gə ubu to mba kar dee d’odo ne kag-sɛdrəje gə́ Liba̰ ree ne gə rəw gə́ baa-boo-kad’g saar teḛ Japo gə goo torndu Sirus, mbai gə́ Persə lé.

Junas 1:3

Nɛ Junas lé uba naŋg ḭ gə mba kaḭ kaw Tarsis gə mba kisi əw kar kəm Njesigənea̰ oso dəa’g el. Yeḛ aw Japo ndá yeḛ iŋga bato gə́ aw gə́ Tarsis. Yeḛ uga bato neelé gə lar ɓa uru mée’g gə mba kaw gə deḛ gə́ d’odo dee d’aw sə dee gə́ Tarsis gə mba kisi ne əw kar kəm Njesigənea̰ oso dəa’g el tɔ.

Néra Njékaḭkulaje 10:5

Ɓasinè maji kari ula dəwje ar dee d’aw Jope d’aw ree gə Simo̰ gə́ d’unda ria lə Piɛrə.

Néra Njékaḭkulaje 10:8

Loo gə́ yeḛ ɔr soree ar dee d’oo lai mba̰ ndá yeḛ ula dee ar dee d’aw Jope.

Néra Njékaḭkulaje 11:13

Dəw neelé teggin né gə́ yeḛ oo mee kəi’g ləa ar sí, to gə́ dəw gə́ dara teḛ dəa’g təsərə ulá pana: Maji karee ula kula Jope ɓar Simo̰ gə́ deḛ d’unda ria lə Piɛrə ar dee ree səa.

Néra Njékaḭkulaje 11:26

Loo gə́ yeḛ iŋgá mba̰ ndá yeḛ ɔree ree səa Antiɔs. As ləb kára doŋgɔ lé deḛ d’wa dɔ na̰ gə Eglisəje loo-kwa-dɔ-na̰je’g lə dee ndá deḛ ndoo dəwje bula né keneŋ. Ɓee gə́ Antiɔs lé to loo gə́ dɔtar gə́ deḛ d’unda ri njékwakiláje ɓar dee ne njétaamee-Kristije.

Néra Njékaḭkulaje 11:5

Yeḛ ula dee pana: Ma m’isi mee ɓee gə́ Jope ndá loo gə́ m’isi m’ra tamaji lé ndá m’oso naŋg rəb, né teḛ dɔm’g gə́ némḭdi bèe, to né gə́ to asəna gə kubu gə́ tad bərərə gə́ tɔ kúla dɔ kumeeje’g sɔ gə́ ḭ dara ree jururu njal teḛ rɔm’g.

Néra Njékaḭkulaje 9:19

Loo gə́ yeḛ lam nésɔ sɔ ndá siŋgá uru na̰’d sigi. Sool nai gə njékwakiláje gə́ d’isi Damas’g lé ndəa aḭ bula bəl ya.

Néra Njékaḭkulaje 9:32

To gə́ Piɛrə aw gə mba koo deḛ gə́ to gə kəmee lai lé ndá yeḛ teḛ rɔ deḛ gə́ d’isi Lidə tɔ.

Néra Njékaḭkulaje 9:36

Dené kára bèe mbuna njékwakilaje gə́ d’isi Jope lé ria lə Tabida nɛ gin ria lə Dɔrkas, yeḛ to gə́ dəw-noji gə́ wa noji gə njéndooje yaa̰.

Néra Njékaḭkulaje 9:42

Ta neelé oso mbi dəwje lai gə́ d’isi Jope, ar dəwje bula d’un ne meḛ dee d’ar Mbaidɔmbaije.

Néra Njékaḭkulaje 9:43

Piɛrə nai Jope kəi lə Simo̰ gə́ njekɔr-girŋgira lé ndəa aḭ bula bəl ya.

Jujé 19:46

gə Me-Jarkon, gə Rakon, gə dɔ naŋg gə́ to wɔji dɔ Japo njoroŋ.