Néra Njékaḭkulaje 9:31 - Maktub gə́ To gə Kəmee

³¹ Togə́bè ɓa Eglisə si ne gə loo kulee lɔm dɔ naŋg gə́ Jude ləm, gə Galile ləma, gə Samari ləm tɔ. Deḛ d’ula diŋgam meḛ na̰’d ləm, deḛ njaa na̰’d ɓəl ne Ndil Mbaidɔmbaije ləm tɔ ndá deḛ ra tɔg gə́ kédé-kédé mbata Ndilmeenda to gə́ dərgel dee tɔ.

Néra Njékaḭkulaje 9:31 ပူးပေါင်းရင်းမြစ်များ

1 Sôrta Gḭka-Israɛlje 22:18

Njesigənea̰ gə́ to Ala lə sí lé see yeḛ nai sə sí ar sí waje rɔ sí gə looje lai el wa. Mbata yeḛ ya̰ koso-dəwje gə́ mee ɓee’g neelé jim’g ndá njé gə́ dɔ naŋg nee lé d’ula dɔ dee no̰ Njesigənea̰’g ləm, gə no̰ koso-dəwje’g ləa ləm tɔ.

1 Sôrta Gḭka-Israɛlje 22:9

Yeḛ ulam tɔɓəi pana: I a koji ŋgon gə́ diŋgam ndá yeḛ a to dəw gə́ njesi lɔm, yeḛ ɓa m’a karee loo-kwa-rɔ loo gə́ m’a kɔree ne ji njéba̰je’g ləa gə́ gugu dəa sub lé, mbata Salomo̰ ɓa a to ria ndá m’a kar Israɛlje d’isi ne dan maji’g ləm, loo a to lɔm ləm tɔ ləb si kəmba’g ləa lé.

Nehemi 5:15

Njéguburuɓeje gə́ nɔm’g kédé lé d’unda nékodo gə́ wɔi dɔ koso-dəwje’g taa ne muru lə dee ləm, gə taa ne mán-nduú lə dee ləma, gə ŋgan larnda rɔ-sɔ-sɔ ləm tɔ. Kuraje lə dee ya kara d’ula kəm koso-dəwje ndòo tɔ. Nɛ ma m’ɓəl Ala ɓó m’ra togə́bè el.

Nehemi 5:9

Tɔɓəi m’pana: Né gə́ seḭ raje lé to lée’g el. See kəm kar sí ɓəlje Ala lə sí loo-kaw sí’g el wa. Bèe ɓa ginkoji dəwje gə́ to njéba̰je lə sí d’a koo loo kula ne sul dɔ sí’g el.

Maktub gə́ wɔji dɔ Jɔb 28:28

Tɔɓəi yeḛ ula dəw pana: Aa oo, ɓəl Mbaidɔmbaije ɓa to kəmkàr, Kunda rɔi ɓad dɔ néra gə́ majel’g ɓa gə́ gosonégər tɔ.

Pakɔsje 111:10

Ɓəl Njesigənea̰ ɓa to gin kəmkàr gə́ dɔtar, Deḛ lai gə́ d’aa dəa kər-kər lé takə̰ji lə dee inja paw. Rɔnduba ləa to saar-saar gə no̰ tɔ.

Pakɔsje 86:11

Ǝi Njesigənea̰, maji kari tɔjim rəwje ləi Ndá m’a njaa dan kankəmta’g ləi lé ya ləm, Maji kari gɔl məəm aree to kára ba Gə mba kam m’ɓəl ne rii ləm tɔ.

Pakɔsje 94:13

Gə mba gɔl ne mee ndɔ nékəmndooje’g Saar kar bwa gə́ d’a gə kuru mbata lə njemeeyèr lé d’uru mba̰ ɓa.

Gosota-Kəmkàrje 1:7

Ɓəl Njesigənea̰ ɓa To gin gosonégər gə́ dɔtar, Mbəje lé d’ə̰ji takəmkàr Gə tandoo lé bəḭ-bəḭ.

Gosota-Kəmkàrje 23:17

Maji kari ra kəmkəḭ dɔ njékaiyaje’g el, Nɛ maji kari ɓəl Njesigənea̰ ya ta-ta,

Gosota-Kəmkàrje 8:13

Ɓəl Njesigənea̰ lé To gə́ kḛji néra gə́ majel bəḭ-bəḭ. Kesta gə beelé gə rəw néra gə́ majel, Gə ta gə́ pata gə́ kori-kori lé Néje neelé ma m’ə̰ji dee bəḭ-bəḭ ya.

Esai 11:10

Mee ndəa’g neelé barkəmrɔ Isai A kaar keneŋ asəna gə nétɔji mbata lə koso-dəwje, Ginkoji dəwje gə raŋg d’a tel kəm dee gə́ rəa’g Ndá rɔnduba ɓa a taa loo-siée pəl-pəl ya.

Esai 33:6

Ndɔje lə sí lai lé Seḭ a síje ne gə́ majee, Kəmkàr gə gosonégər lé To gin si dan maji’g, Ɓəl Njesigənea̰ lé To nébao lə Sio̰.

Jakari 8:20

Njesigənea̰ gə́ njeboo-néje ɓa pa togə́bè pana: Koso-dəwje ɓəd-ɓəd ləm, Gə dəwje gə́ d’isi mee ɓee-boo’g ləm tɔ, d’a ree ya ɓəi.

Néra Njékaḭkulaje 12:24

Lé bèe kara ta lə Ala taa ne loo yal-yal ar bula lə njétaamee-Kristije ḭ dɔ maree’g gə́ kédé-kédé.

Néra Njékaḭkulaje 16:5

Togə́bè Eglisəje ra tɔg dɔ meekun’g lə dee gə́ kédé-kédé, d’ɔs ne goo na̰ gə ndɔ dee ndɔ dee.

Néra Njékaḭkulaje 2:47

Deḛ pidi ne Ala ləm, deḛ taa kəm dəwje rəgm ləm tɔ. Ndá deḛ gə́ d’aji lé Mbaidɔmbaije orè ne mareeje gə́ Eglisə’g gə ndəa-ndəa.

Néra Njékaḭkulaje 20:32

Ɓasinè lé m’ɔm sí ji Ala’g ləm, gə m’ɔm sí ta noji ləa gə́ askəm rɔd sí mba kar sí iŋgaje nénoji lə sí gə njémeendaje na̰’d lai.

Néra Njékaḭkulaje 5:11

Deḛ lai gə́ mbo̰ dɔ na̰ keneŋ ləm, gə deḛ gə́ d’oo taree ləm tɔ lé ɓəl unda dee badə gaŋg dee.

Néra Njékaḭkulaje 6:7

Ta lə Ala lé oso gə loo mbidi-mbidi ar bula lə njétaamee-Kristije ḭ dɔ maree’g gə́ kédé-kédé mee ɓee gə́ Jerusalem ləm, boo-njékinjanéməsje kara d’ila ne koji dɔ meekun’g lé ləm tɔ.

Néra Njékaḭkulaje 8:1

Sool ndigi sə dee rəgm gə mba kar dee tɔl Etien. Mee ndəa’g neelé nja d’ḭ d’ɔm na̰ dɔ Eglisə gə́ Jerusalem’g. Deḛ lai sanéna̰ dɔ ɓeeje gə́ Jude gə Samari ləm tɔ, nɛ njékaḭkulaje ɓa nai.

Njé gə́ Rɔmə 14:17

Mbata ɓeeko̰ lə Ala lé wɔji dɔ nésɔ əsé nékai ba el, nɛ wɔji dɔ meekarabasur gə meelɔm gə rɔlel gə́ Ndilmeenda ar sí.

Njé gə́ Rɔmə 14:19

Yen ŋga ar sí n’saŋgje loo gə mba kɔm na̰’d ləm, gə mba kar rɔ sí ɔs na̰’d ləm tɔ.

Njé gə́ Rɔmə 15:13

Maji kar Ala gə́ njemeekṵdayel lé ar nérɔlel’g gə ria-ria ləm, gə némeelɔm’g gə ria-ria ləm tɔ lé taa meḛ sí pəl-pəl gə goo meekun’g lə sí, gə mba kar mbɔl dɔ siŋgamoŋ lə Ndilmeenda ɓa meekundayel lə sí a kɔs ne dɔ maree’g gə́ kédé-kédé.

Njé gə́ Rɔmə 5:5

Meekundayel lé a kɔd sí rɔm el mbata mbɔl dɔ Ndilmeenda gə́ Ala ar sí lé meenoji lə Ala rusu meḛ sí njḭ-njḭ.

1 Njé gə́ Kɔrḭtə 14:12

To gə́ seḭ narje rɔ sí gə mba kiŋga ne nénoji gə́ wɔji dɔ ndil sí lé ndá narje rɔ sí gə mba kiŋga ne yeḛ gə́ a kunda siŋga Eglisə dɔ maree’g tɔ.

1 Njé gə́ Kɔrḭtə 14:26

Ŋgakɔmje, see ta ɗi tɔɓəi ɓa j’a pa wa. Loo gə́ seḭ waje dɔ na̰, ɓó lé dəw kára mbuna sí’g un pa gə mba kɔs ləm, əsé dəwje gə́ raŋg d’un ta gə mba ndoo sí ləm, əsé gə mba riba dɔ ta gə́ kəm dee inja dɔ’g ləm, əsé gə mba pa takɔji dəwje-dəwje kubu pur-pur ləma, əsé gə mba kɔr ginee kar sí ləm tɔ ndá maji kar dee ra néje lai neelé mba kar siŋga Eglisə ḭ ne dɔ maree’g ya.

2 Njé gə́ Kɔrḭtə 10:8

Ɓó lé m’ti rɔm bəl dɔ ndu gə́ Mbaidɔmbaije un am mba kar rɔ sí ɔs ne ar sí undaje ne siŋga sí dɔ maree’g ɓó mba tuji sí ne el ndá m’a ra né kəmkul el.

2 Njé gə́ Kɔrḭtə 12:19

Ləw ba saar ɓasinè, seḭ ə̰jije meḛ sí’g pajena: Jeḛ lé n’saŋg loo gə mba taa rɔ sí ɓa ji sí-seḭ’g. Jeḛ lé j’ɔm na̰’d gə Kristi ɓa jeḛ m’pata nee no̰ Ala’g ɓa. Seḭ gə́ m’unda sí dan kəm’g lé jeḛ m’pata néje neelé mba kunda ne siŋga sí dɔ maree’g.

2 Njé gə́ Kɔrḭtə 13:10

Gelee gə́ nee ɓa, ma gə́ m’godo mbuna sí’g ɓasinè lé ma m’ndaŋg maktub nee m’ar sí mba kar loo gə́ m’a teḛ mbuna sí’g ndá m’a koo loo mba ra sə sí kədərə el, ndukun gə́ Mbaidɔmbaije un am lé to gə mba rɔd sí ne ɓó gə mba tuji sí ne el.

2 Njé gə́ Kɔrḭtə 7:1

Seḭ gə́ m’unda sí dan kəm’g lé to gə́ ndukunje nee gə́ yeḛ un ar sí to togə́bè ndá ar sí n’togoje néje gə́ mina̰ gə́ gə ria-ria gə́ tia̰ darɔ sí’g gə ndil sí’g ləm, ar sí m’ɓəlje Ala mba kar meenda lə sí maji ɔr njoroŋ ləm tɔ.

Njé gə́ Epesə 4:12

gə mba kar deḛ gə́ to gə kəmee lé maji d’ɔr ne njoroŋ mba ra ne kulaje lé ləm, mba kar siŋga darɔ Kristi ḭ ne dɔ maree’g gə́ kédé-kédé ləm tɔ

Njé gə́ Epesə 4:16

Mbɔl dəa-yeḛ nja ɓa kagrɔ sí unda ne gə kəmee-kəmee, tɔ ne barkəmrɔ sí na̰’d nəji-nəji, ar barkəmrɔ sí gə́ kára-kára lai ra ne kula gə́ wɔji dəa-dəa. Yee ɓa kagrɔ sí tɔg ne dan meenoji’g.

Njé gə́ Epesə 4:29

Maji kar ta gə́ ərm teḛ ta sí’g kára kara el, ta gə́ maji gə́ kəm pa gə́ a rɔd mari kar mée nda ne kaḭ ɓa maji karee teḛ ta sí’g ar deḛ gə́ d’oo lé ya tɔ.

Njé gə́ Epesə 5:21

Tədjekag na̰ ɓəlje ne Kristi.

Tel tura Godndu 12:10

Nɛ seḭ a gaŋgje baa gə́ Jurdɛ̰ ndá seḭ a síje mee ɓee gə́ Ala lə sí gə́ Njesigənea̰ a kar sí gə́ né ka̰ sí lé, yeḛ a kar sí loo gə́ yeḛ a kɔr sí ji njéba̰je’g lə sí gə́ gugu dɔ sí lé ndá seḭ a síje keneŋ gə meekulɔm ya.

Njé gə́ Pilibə 2:1

Ɓó lé kɔm gə́ jeḛ j’ɔm na̰’d gə Kristi askəm gɔl sí ləm, əsé kunda gə́ jeḛ j’unda sí dan kəm sí’g ar meḛ sí to ne lɔm ləma, əsé Ndil gə́ ɔm dɔ sí’g to gə́ kankəm né ləm tɔ, ɓó lé koo kəmtondoo gə meekɔrjol to ɓee lə sí

Njé gə́ Kolosə 1:10

Togə́bè ɓa, seḭ a njaaje mba kar néra sí wa bua ka̰ Mbaidɔmbaije taa ne kəmee rəgm ləm, mba kar néra maji lə sí gə́ gə ria-ria oji maree gə́ kédé-kédé ləma, mba kar négər gə́ wɔji dɔ ndaa Ala kara a kɔs dɔ maree’g gə́ kédé-kédé meḛ sí’g ləm tɔ.

1 Njé gə́ Tesalonikə 5:11

Gelee gə́ nee ɓa maji kar sí ndəjije na̰ gə meendakaḭ ləm, undaje siŋga sí na̰’d ləm tɔ, to gə́ seḭ raje mba̰ ya.

1 Timote 1:4

mba kar dee reḛ́ dɔ suta’g gə mḭdé ba əsé dɔ ri ka dəwje gə́ gin dee tɔ dèm-dèm el ləm tɔ, mbata taje neelé ar tamaḭ oso mbuna dee’g ɓó ar kula lə Ala gə́ wɔji dɔ meekun lé ra tɔg gə́ kédé-kédé el.

Ǝbrəje 4:9

Bèe ndá kankəm loo-kwa-rɔ lə dəwje lə Ala gə́ gəd gə́ as ndɔ gə́ njekɔm’g siri lé to gən ya.

Jujé 21:44

Njesigənea̰ ar dee d’isi lɔm mee looje lai gə́ gugu dɔ dee lé to gə́ yeḛ man ne rəa ar ka deeje lé, dəw kára kara mbuna njéba̰je’g lə dee askəm kaar naŋg gəs no̰ dee’g el ndá Njesigənea̰ ɔm deḛ lai ji dee’g ya.

Jude 1:20

Seḭ gə́ m’unda sí dan kəm’g lé undaje siŋga sí dɔ maree’g dɔ meekun’g lə sí gə́ to né gə́ to gə kəmee doi ləm, raje ne tamaji gə goo Ndilmeenda gə́ taa meḛ sí lé ləma,

Njéga̰g-Rəwtaje 3:30

Mee ndəa’g neelé Moabje d’ula dɔ dee no̰ Israɛlje’g. Bèe ɓa ɓee to ne lɔm as ləb rɔ-jinaijoo tɔ.