Néra Njékaḭkulaje 9:20 - Maktub gə́ To gə Kəmee

²⁰ Yen ŋga waga ndá yeḛ un kudu kɔr gin ta mee kəi-kiŋga-na̰je’g pana: Jeju to gə́ Ŋgon-Ala gə́ gəd lé ya.

Néra Njékaḭkulaje 9:20 ပူးပေါင်းရင်းမြစ်များ

Pakɔsje 2:12

Maji kar sí ilaje koji dɔ ŋgon’g Nà banelə a ra oŋg Kar sí uduje ne bo̰ rəw-kaw sí’g. Mbata oŋg ləa nduba kalaŋ ya. Deḛ gə́ d’ɔm meḛ dee dəa’g lé D’isi gə rɔlel ya.

Pakɔsje 2:7

Godndu lé m’a kila mberee, Njesigənea̰ ulam pana: Ma m’to ŋgon neḛ! Ɓogənè ɓa n’ojim ya.

Matiyo 27:43

Yeḛ unda mée yel dɔ Ala’g lé, ɓó lé Ala ndigee ndá maji karee wá ɔree ɓasinè. Mbata yeḛ pana: Neḛ n’to Ŋgon-Ala ya.

Matiyo 27:54

Ɓé-njérɔje gə deḛ gə́ d’aar səa mba ŋgəm ta Jeju lé loo gə́ deḛ d’oo naŋg gə́ yə ləm, gə néje lai gə́ teḛ togə́bè ləm tɔ ndá ɓəl unda dee badə gaŋg dee ar dee d’ula na̰ pana: Tɔgərɔ, dəw neelé to Ŋgon-Ala lé ya.

Matiyo 4:3

Léegəneeya, njekər dəwje ree pər gə́ rəa’g ulá pana: Ɓó lé i to Ŋgon-Ala gə́ gəd ya ndá un ndui ar kɔr mbalje neelé tel muru ko̰ lé.

Tagə́maji gə́ Ja̰ ndang 1:49

Natanaɛl tel ilá keneŋ pana: Rabi, i lé to Ŋgon-Ala nja, i to mbai lə Israɛlje nja tɔ.

Tagə́maji gə́ Ja̰ ndang 19:7

Jibje tel d’ilá keneŋ pana: Godndu lə sí kára to gən, godndu neelé wɔji dəa gə mba karee wəi ya, mbata yeḛ nja wa rəa gə Ŋgon-Ala ya.

Tagə́maji gə́ Ja̰ ndang 20:28

Tomas ilá keneŋ pana: Mbaidɔmbaije ləm! Ala ləm!

Tagə́maji gə́ Ja̰ ndang 20:31

Nɛ ta néje neelé deḛ ndaŋg keneŋ gə mba kar sí ɔmje ne meḛ sí dɔ Jeju’g to gə́ yeḛ to Kristi, Ŋgon-Ala lé tɔ. Ɓó lé seḭ ɔmje meḛ sí dəa’g ndá mbɔl dɔ ria ɓa seḭ a sije ne gə kəmə lé tɔ.

Néra Njékaḭkulaje 13:14

D’ḭ Perjə d’aw kəm dee gə́ kédé saar teḛ Antiɔs dɔ naŋg gə́ Pisidi. D’andə d’aw mee kəi-kwa-dɔ-na̰’g gə ndɔ-kwa-rɔ d’isi keneŋ.

Néra Njékaḭkulaje 13:33

yeḛ tɔl təa bém ar síjeḛ gə́ to ŋgan deeje loo gə́ yeḛ ar Jeju lé unda ne loo teḛ dan njé gə́ d’wəi’g gə goo ta gə́ deḛ ndaŋg mee maktub Pakɔs’g gə́ joo’g pana: I to Ŋgonəm, Ɓogənè ɓa m’ojii.

Néra Njékaḭkulaje 13:46

Yen ŋga Pool gə Barnabas d’ula dee ta gə kəm ŋgon diŋgam pana: Ala wɔji mée’g gə mba kar sí-seḭ nja ooje ta ləa kédé par-par, nɛ to gə́ seḭ ɔseeje rəw, ooje ne rɔ sí gə́ dəwje gə́ d’askəm kisi gə kəmə gə́ gə no̰ lé el ndá aa ooje, jeḛ j’ɔs n’tel gə́ ɓee lə njépole-magəje.

Néra Njékaḭkulaje 13:5

Loo gə́ deḛ teḛ Salaminə ndá d’ila mber ta lə Ala mee kəi-kwa-dɔ-na̰je’g lə Jibje. Ja̰ nai sə dee gə́ njela sə dee tɔ.

Néra Njékaḭkulaje 14:1

Mee ɓee gə́ Ikɔnə lé Pool gə Barnabas d’ɔd na̰’d d’aw kəi-kwa-dɔ-na̰’g lə Jibje ndá deḛ d’ɔr ta lə dee d’aree ɓar mḭ yaa̰, bèe ɓa Jibje gə Grekje bula yaa̰ d’un ne meḛ dee.

Néra Njékaḭkulaje 16:13

Ndɔ-kwa-rɔ lé j’aw ŋgaŋloo’g raga par gə́ ta nia̰’g, to loo gə́ jeḛ j’ə̰ji meḛ sí’g m’pana: To loo ra tamaji keneŋ. J’isi naŋg j’ɔr sor gə denéje gə́ d’wa dɔ na̰ lé.

Néra Njékaḭkulaje 17:10

Léegəneeya ŋgako̰ na̰je d’ar Pool gə Silas d’ḭ loondul’g mba kaw Bere. Loo gə́ deḛ teḛ keneŋ mba̰ ndá d’aw mee kəi-kwa-dɔ-na̰’g lə Jibje.

Néra Njékaḭkulaje 17:17

Yen ɓa yeḛ aw gə Jibje na̰’d mee kəi-kwa-dɔ-na̰’g lə dee wɔji sə dee ta ləm, yeḛ wɔji ta gə deḛ gə́ ɓəl Ala lé ləm tɔ. Ndəa-ndəa yeḛ aw loo-nada wɔji ta gə dəwje gə́ yeḛ iŋga dee keneŋ tɔ.

Néra Njékaḭkulaje 17:2

Pool andə aw keneŋ mbata to nérea. Yeḛ wɔji sə dee ta as ndɔ-kwa-rɔ munda, ɔr ne goo ta gə́ to mee maktub’g gə́ to gə kəmee.

Néra Njékaḭkulaje 18:19

Loo gə́ deḛ teḛ Epesə mba̰ ndá Pool uba njéboalookawje ləa ya̰ dee keneŋ. Yeḛ andə aw mee kəi-kwa-dɔ-na̰’g wɔji ta gə Jibje.

Néra Njékaḭkulaje 18:4

Gə ndɔ-kwa-rɔ kára-kára lai lé Pool ɔr ginta kəi-kwa-dɔ-na̰’g lə dee oma̰ ne gə Jibje gə Grekje.

Néra Njékaḭkulaje 19:8

Gée gə́ gogo Pool andə aw mee kəi-kwa-dɔ-na̰’g ndá yeḛ aar keneŋ pata yororo-yororo. As naḭ munda yeḛ ɔr goo ta néje gə́ wɔji dɔ ɓeeko̰ lə Ala ula ne rəa ndubu gə mba kar deḛ gə́ d’oo ta ləa lé taa ta gə́ yeḛ ula dee lé rəgm.

Néra Njékaḭkulaje 8:36

To gə́ d’isi d’aw rəbee bèe-bèe ndá deḛ teḛ dɔ mán’g təsərə ar njekuji dəjee pana: Aa oo mán ya to nee, ŋga see ɗi ɓa a kɔgi ram batɛm ɓəi wa.

Néra Njékaḭkulaje 8:37

Pilibə ilá keneŋ pana: Ɓó lé i ɔm məəi dɔ’g jəb-jəb ndá né gə́ njekɔgi godo. Njekuji tel ulá pana: Ma m’ɔm məəm dɔ’g jəb-jəb to gə́ Jeju Kristi to Ŋgon-Ala ya.

Néra Njékaḭkulaje 9:22

Nɛ siŋga Sool ḭ dɔ maree’g gə́ kédé-kédé ar ta kɔr ləa gə́ ɔr ar dee d’oo to gə́ Jeju to Kristi lé dum dɔ Jibje gə́ d’isi Damas’g lé təs.

Njé gə́ Rɔmə 1:4

nɛ teḛ gə́ yeḛ teḛ dɔkumbwa’g lé yee ɓa riba dəa to gə́ yeḛ to Ŋgon-Ala gə́ njesiŋgamoŋ gə goo Ndilmeenda.

Njé gə́ Galati 1:16

gə mba riba ne dɔ Ŋgonee gə darɔm-ma ya gə mba kam m’aw m’ɔr taree mbuna njépole-magəje’g ndá léegəneeya, ma m’ḭ m’aw ɓó m’dəji ne gin dakasrɔ dəw əsé məs ɓa el ləm,

Njé gə́ Galati 2:20

Ma m’ɗar rɔm gə Kristi na̰’d, ɓó lé m’isi kəmba ndá kara to ma el ŋga, nɛ Kristi ɓa si kəmba məəm’g, ɓó lé m’isi kəmba gə darɔm ɓasinè ndá kara meekun gə́ m’un m’ar Ŋgon-Ala lé ɓa m’isi ne kəmba. Yeḛ nja ɓa undam dan kəmee’g, ya̰ rəa ar yoo mbata ləm tɔ.

Loo gə́ killa rea kəm Ja̰’g 2:18

Maji kam m’ndaŋg maktub nee m’ar kura lə Ala gə́ wɔji dɔ Eglisə gə́ to Tiatirə pana: Aa oo, ta gə́ Ŋgon-Ala pa lé yeḛ gə́ kəmee ndɔḭ asəna gə ndo̰ pər ləm, gɔlee to asəna gə larkas ləm tɔ lé yeḛ nja pana: