Néra Njékaḭkulaje 9:19 - Maktub gə́ To gə Kəmee

¹⁹ Loo gə́ yeḛ lam nésɔ sɔ ndá siŋgá uru na̰’d sigi. Sool nai gə njékwakiláje gə́ d’isi Damas’g lé ndəa aḭ bula bəl ya.

Néra Njékaḭkulaje 9:19 ပူးပေါင်းရင်းမြစ်များ

Njekillamber 9:7

Ɔd aw o̰ muru ləi gə rɔlel ləm, Gə ai mán-nduú ləi gə meelel ləm tɔ Mbata néraije lé taa kəm Ala mba̰ ya.

Néra Njékaḭkulaje 11:26

Loo gə́ yeḛ iŋgá mba̰ ndá yeḛ ɔree ree səa Antiɔs. As ləb kára doŋgɔ lé deḛ d’wa dɔ na̰ gə Eglisəje loo-kwa-dɔ-na̰je’g lə dee ndá deḛ ndoo dəwje bula né keneŋ. Ɓee gə́ Antiɔs lé to loo gə́ dɔtar gə́ deḛ d’unda ri njékwakiláje ɓar dee ne njétaamee-Kristije.

Néra Njékaḭkulaje 11:29

Njékwakiláje d’unda kudu dee na̰’d mba kula gə néje lə dee gə goo nékiŋgaje lə dee lə dee mba la ne gə ŋgako̰ deeje gə́ d’isi Jude lé.

Néra Njékaḭkulaje 26:20

M’aw Damas kédé ɓa m’aw Jerusalem ləm, gə ɓeeje lai gə́ to ɓeeko̰ gə́ Jude ləma, gə goo ɓeeje lə njépole-magəje lé ləm tɔ lé m’ula dee ta kwa ndòo rɔ dɔ kaiya’g lə dee ləm, gə kɔs badm tel gə́ rɔ Ala’g ləma, gə néra gə́ a kwa bua kwa ndòo rɔ dɔ kaiya’g ləm tɔ.

Néra Njékaḭkulaje 9:18

Léegəneeya né teḛ kəmee’g to gə́ ŋgwɔi né bèe, tɔr pərəŋ-pərəŋ ɔm naŋg, aree oo loo njai-njai. Yeḛ uba naŋg ḭta ar dee rəa batɛm.

Néra Njékaḭkulaje 9:26

Loo gə́ Sool teḛ Jerusalem mba̰ ndá yeḛ naa loo gə mba nam sə dee, nɛ deḛ lai ɓəl giree d’ə̰ji pana: Yeḛ to gə́ njekwakila el ɓəi.

Néra Njékaḭkulaje 9:38

To gə́ Lidə to mbɔr Jope’g dəb lé ndá njékwakiláje d’oo sor Piɛrə gə́ si keneŋ ndá d’ula dəwje joo rəa’g mba kar dee ra ndòo rəa’g gə mba karee ḭ sə dee ree sə dee ɓó a tila gə́ tila el.

Njé gə́ Galati 1:17

ma m’ḭ m’aw Jerusalem rɔ deḛ gə́ to njékaḭkulaje gə́ kédé nɔm’g el ləm tɔ nɛ m’ḭ m’aw ɓeeko̰ gə́ Arabi. Tɔɓəi m’tel gogo m’ree ɓee gə́ Damas tɔ.

1 Samel 30:12

ndá deḛ d’aree mbə gə́ kila gə kandə kodé gə́ tudu ləm, gə kul-nduú gə́ tudu joo ləm tɔ. Loo gə́ yeḛ sɔ mba̰ ndá kəmee tuga sib mbata yeḛ sɔ né gə aḭ mán el dan kàr munda ləm, gə loondul munda ləm tɔ.