Néra Njékaḭkulaje 9:15 - Maktub gə́ To gə Kəmee

¹⁵ Nɛ Mbaidɔmbaije ilá keneŋ pana: Maji kari ɔd aw ya mbata ma nja m’ɔree kəm’g gə mba karee un rim as ne loo no̰ ginkoji dəwje gə raŋg’g ləm, gə no̰ mbaije’g ləma, gə no̰ Israɛlje’g ləm tɔ.

Néra Njékaḭkulaje 9:15 ပူးပေါင်းရင်းမြစ်များ

Jeremi 1:5

Loo gə́ i nai dan məs’g mee kɔinje’g ya ɓəi lé Ma m’gəri, Kédé ɓa gə mba kar dee d’oji ɓəi lé Ma m’undai gə kəmee ləm, Ma m’undai gə́ njetegginta lə ginkoji dəwje gə raŋg ləm tɔ.

Jeremi 1:7

Ndá Njesigənea̰ ilam keneŋ pana: Maji kari pana: M’nai ŋgon bèe lé el, Mbata a kaw rɔ deḛ lai Gə́ m’a kulai rɔ dee’g ləm, A pata néje lai gə́ m’un ndum dɔ’g m’ari lé ləm tɔ.

Matiyo 10:18

D’a ndɔr sí kɔm sí ji njéguburuɓeeje’g ləm, gə ji mbaije ləm tɔ gə mba kar sí ɔrje ginta ləm kəm dee’g ləm, gə kəm njépole-magəje’g ləm tɔ.

Tagə́maji gə́ Ja̰ ndang 15:16

To seḭ ɓa kɔdmje el, nɛ ma nja m’kɔd sí m’unda sí gə kəmee doi mba kar loo gə́ seḭ a kawje keneŋ ndá seḭ a ka̰dje gə kandə sí njim-njim ləm, kó sí kara a nai keneŋ ya ɓó a kudu el ləm tɔ, togə́bè ɓa né gə́ rara gə́ seḭ a kwɔije Bɔ-dəwje lé gə rim ndá yeḛ a kar sí née ya.

Néra Njékaḭkulaje 13:2

Loo gə́ d’wa dɔ na̰ gə mba kwa Mbaidɔmbaije meḛ dee’g, d’ɔg ne meḛ dee ɓoo keneŋ ndá Ndilmeenda ula dee pana: Maji kar sí ɔrje Barnabas gə Sool unda deeje gə kəmee loo kula gə́ m’ɓar dee keneŋ lé.

Néra Njékaḭkulaje 21:19

Yeḛ ra dee lapia mba̰ ɓa yeḛ ɔr sor néje lai-lai gə́ Ala ra mbuna njétareeje’g gə goo kula’g ləa lé.

Néra Njékaḭkulaje 22:14

Yeḛ ulam pana: Ala lə ka síjeḛ ɔri undai gə kəmee gə mba kari gər torndia ləm, gə mba kari oo Njemeekarabasur lé ləma, gə mba kari oo ta gə́ təa’g ləm tɔ.

Néra Njékaḭkulaje 22:21

Yen ŋga Mbaidɔmbaije ulam pana: Maji kam m’ɔd m’aw ndá neḛ nja n’a gə kulam kam m’aw əw par gə́ rɔ ginkoji dəwje gə raŋg gə́ to njépole-magəje ya.

Néra Njékaḭkulaje 25:22

Agripa ula Pestus pana: Ma kara ma m’ndigi koo ta lə dəw neelé tɔ. Pestus ilá keneŋ pana: Bèlè ɓa i a koo ta ləa ɓəi.

Néra Njékaḭkulaje 26:1

Agripa ula Pool pana: M’ya̰ loo m’ari gə mba kari ɔr ta ləi gə mba taa ne dɔi ŋga. Yen ɓa Pool ula jia paar un kudu kula dee ta gə mba taa ne rəa pana:

Néra Njékaḭkulaje 26:32

Agripa ula Pestus pana: Dəw neelé ɓó lé ɓar ri Sesar el ndá to kəm kila tar ya.

Néra Njékaḭkulaje 27:24

ndá yeḛ ulam pana: Pool, maji kam m’ɓəl el, lé riri kara m’a gə kaar no̰ Sesar’g ya tɔɓəi aa oo, deḛ lai gə́ d’aw səm mee bato’g lé kara Ala ɔm dee jim’g yəg ya.

Néra Njékaḭkulaje 28:17

Ndɔ gə́ njekɔm’g munda lé Pool ɓar ŋgatɔgje lə Jibje lé rəa’g. Loo gə́ d’wa dɔ na̰ ndá yeḛ ula dee pana: Ŋgakɔmje gə́ dəwje, ma lé m’ila ndɔl dɔ dəwje’g el ləm, gə dɔ néjiɓee’g lə ka síjeḛ el ləm tɔ nɛ deḛ d’wam d’ilam daŋgai ɓee gə́ Jerusalem ləm, d’ulam ne ji njé gə́ Rɔm’g ləm tɔ.

Néra Njékaḭkulaje 28:28

Bèe ndá maji kar sí ooje to gə́ ta kaji lə Ala lé d’ula njétareeje ndá deḛ d’a taa ya.

Njé gə́ Rɔmə 1:1

Ma Pool, kura lə Jeju Kristi, gə́ Ala ɓarm undam gə́ njekaḭkula ləm, yeḛ ɔrm undam gə kəmee mba karm m’aw m’ila mber Tagə́maji lə Ala lé ləm tɔ.

Njé gə́ Rɔmə 1:5

Yee ɓa gə́ Jeju Kristi Mbaidɔmbaije lə síjeḛ. Mbɔl dəa-yeḛ nja ɓa j’isi ne dan noji’g ləm, j’iŋga ne kula ra njékaḭkulaje lé ləm tɔ mba kɔr ne ginkoji dəwje gə raŋg gə́ njépole-magəje ree ne sə dee kar dee d’un ne meḛ dee d’ila ne ŋgonkoji dəa’g mba kar ria ɓar ne.

Njé gə́ Rɔmə 11:13

Seḭ njépole-magəje lé ma m’ula sí ta nee ya, ma gə́ m’to gə́ njekaḭkula gə́ rɔ njépole-magəje’g lé ma m’ti rɔm dɔ kula’g ləm ya.

1 Njé gə́ Kɔrḭtə 15:10

Nɛ noji lə Ala ɓa m’to ne dəw gə́ togə́bè, noji gə́ yeḛ wa səm lé tel to né gə́ gə mḭdé rɔm’g el. Ta gə́ kɔl ɓa nee: Ma m’ra kula m’unda deḛ lai ya, nɛ noji lə Ala gə́ to məəm’g ɓó to ma ɓa gə dɔrɔm el.

1 Njé gə́ Kɔrḭtə 9:16

Tagə́maji gə́ m’ila mberee lé ma m’oo loo ti ne rɔm el. Tɔgərɔ ya, to né gə́ unm lad ilam keneŋ ya. Ɓó lé m’ila mber Tagə́maji lé el ndá némeeko̰ a nai dɔm’g.

Njé gə́ Galati 1:1

Ma Pool, njekaḭkula gə́ ḭ rɔ dəwje’g el ləm, dəw kára kara ɔrm undam el ləm tɔ nɛ Jeju Kristi ləm, gə Ala, Bɔ-dəwje gə́ njekaree unda loo teḛ dan njé gə́ d’wəi’g ləm tɔ lé deḛ nja ɓa d’ɔrm d’undam gə́ njekaḭkula ya.

Njé gə́ Epesə 3:1

Gelee gə́ nee ɓa, ma Pool m’to ne daŋgai lə Kristi mbata lə sí-seḭ njépole-magəje lé ...

1 Timote 2:7

d’ɔrm d’undam gə́ njekilamber taree ləm, gə njekaḭkula ləma, gə njendoo njépole-magəje ta gə́ wɔji dɔ meekun gə kankəmta lé ləm tɔ. Kankəmta ɓa ma m’pa, ɓó m’pa taŋgɔm el.

2 Timote 1:11

Tagə́maji neelé ɓa d’undam ne gə́ njeriba sə dee dəa ləm, gə njekaḭkula ləma, gə njendoo njépole-magəje ginee ləm tɔ.

2 Timote 2:4

Ɓó lé dəw aw gə́ loo rɔ’g ndá yeḛ a jɔg rəa gə mba néje gə́ yeḛ ya̰ gogo el ŋga, yen ɓa yeḛ a taa kəm yeḛ gə́ njekila gée’g ɓəi.

Loo gə́ killa rea kəm Ja̰’g 17:14

D’a rɔ gə Ŋgonbad lé nɛ Ŋgonbad lé a dum dee mbata yeḛ to Mbaidɔmbaije ləm, yeḛ to Mbai gə́ ur dɔ mbai mareeje’g ləm tɔ ndá deḛ gə́ yeḛ ɓar dee ləm, yeḛ ɔr dee unda dee gə kəmee ləma, deḛ to ŋgankojije gə́ nai səa ləm tɔ lé deḛ nja d’a dum dee ya tɔ.