Néra Njékaḭkulaje 9:10 - Maktub gə́ To gə Kəmee

¹⁰ Njekwakila kára bèe si Damas ria lə Ananias. Mbaidɔmbaije teḛ dəa’g gə́ némḭdi ɓaree pana: Ananias. Yeḛ ndigi təa’g pana: Mbaidɔmbaije, yḛ̀ m’aar nee.

Néra Njékaḭkulaje 9:10 ပူးပေါင်းရင်းမြစ်များ

Gḭ-Néje 14:15

Yeḛ gə njérɔje ləa lé deḛ kai na̰ gə kudu dee kudu dee gə mba rɔ gə njéba̰je lə dee lé loondul’g. Ndá yeḛ dum dee ləm, yeḛ kor dee saar teḛ Soba gə́ to par gə́ dɔgel lə ɓee gə́ Damas ləm tɔ.

Gḭ-Néje 22:1

Gée gə́ gogo Ala naa mee Abrakam ndá yeḛ baree pana: Abrakam! Yeḛ ndigi təa’g pana: Yḛ̀ m’aar nee.

Gḭ-Néje 31:11

Yen ŋga kura lə Ala gə́ dara uru dɔm’g gə ni ɓarm pana: Jakob! Ma m’ndigi təa’g m’pana: Yḛ̀ m’aar nee.

2 Samel 15:26

Nɛ ɓó lé yeḛ pana: Yeḛ ndá mée dɔm’g el ndá aa oo, m’aar nee, maji karee ra səm to gə́ mée ndigi ya.

Teḛ-Raga 3:4

Njesigənea̰ oo to gə́ yeḛ tel aw gə́ keneŋ mba koo ndá Ala nja ɓaree mee ŋgon kag’d neelé pana: Moyis, Moyis. Yeḛ ndigi təa’g pana: Yḛ̀ m’aar nee!

Esai 6:8

M’oo ndu Mbaidɔmbaije gə́ pana: See na̰ ɓa n’a kulá karee aw mbata lə neḛje wa. Ma m’ilá keneŋ m’pana: Yḛ̀ m’aar nee, ulam am m’aw.

Loo gə́ killa rea kəm Daniel’g 2:19

Yen ŋga mee til’g lé né gə́ mḭdi ɓa ar kəm Daniel inja ne dɔ né gə́ to loo-kiya’g ndá Daniel pidi Ala gə́ njesi mee dara’g.

Bula lə Israɛlje 12:6

Yeḛ pana: Ooje ta ləm maji, loo gə́ njetegginta a si mbuna sí’g ndá némḭdi ɓa ma Njesigənea̰ m’a riba ne səa dɔ rɔm ləm, ni ɓa m’a kwɔji ne səa ta ləm tɔ.

Néra Njékaḭkulaje 10:3

Ndɔ kára bèe loo gə́ kàr tel rəa gə mbɔree ndá né rəa gə́ mḭdi aree oo kura lə Ala gə́ dara pai-pai gə́ andə kəi ləa ɓaree pana: Kɔrnəi!

Néra Njékaḭkulaje 11:5

Yeḛ ula dee pana: Ma m’isi mee ɓee gə́ Jope ndá loo gə́ m’isi m’ra tamaji lé ndá m’oso naŋg rəb, né teḛ dɔm’g gə́ némḭdi bèe, to né gə́ to asəna gə kubu gə́ tad bərərə gə́ tɔ kúla dɔ kumeeje’g sɔ gə́ ḭ dara ree jururu njal teḛ rɔm’g.

Néra Njékaḭkulaje 12:9

Yen ŋga Piɛrə unda loo teḛ un rəw gée’g tɔ. Né gə́ kura gə́ dara ra səa lé yeḛ oo gə́ némḭdi ɓó inja kəmee’g aree oo gə́ né gə́ gəd el.

Néra Njékaḭkulaje 16:10

Gée gə́ gogo gə́ Pool oo némḭdi neelé ndá léegəneeya jeḛ n’saŋg rəw gə mba kaw Masedoinə mbata jeḛ n’la̰ji meḛ sí’g to gə́ Mbaidɔmbaije ɓar sí mba kar sí j’aw j’ila mber tagə́maji keneŋ.

Néra Njékaḭkulaje 16:9

Mee tilee’g neelé némḭdi teḛ dɔ Pool’g aree oo dəw gə́ Masedoinə gə́ teḛ dəa’g təsərə ra ndòo rəa’g togə́bè pana: Maji kari ɔd gə́ Masedoinə’g nee la sə sí.

Néra Njékaḭkulaje 18:9

Mee tilee gə́ kára lé Mbaidɔmbaije teḛ dɔ Pool’g gə némḭdi ulá pana: Maji kari ɓəl pai godo, nɛ pata kəmi gə́ kédé-kédé ɓó ar tai wəi el

Néra Njékaḭkulaje 2:17

Ala pana: ndɔ gə́ rudu ndəa a gə kun ɗiao lé M’a kɔm Ndilm dɔ dəwje’g lai gə loo-loo. Ndá ŋgan síje gə́ diŋgam gə njé gə́ dené d’a tegginta ləm, Basaje lə sí d’a koo né gə némḭdije lé ləma, Ɓugaje lə sí d’a koo né gə nije ləm tɔ.

Néra Njékaḭkulaje 22:12

Dəw kára si Damas ria lə Ananias, yeḛ to njemeenda gə́ un godndu lad ləm, Jibje lai gə́ d’isi Damas lé d’ɔr goo ta ləa maji ləm tɔ.

Néra Njékaḭkulaje 9:12

Mbata yeḛ si ra tamaji lé ndá yeḛ oo né teḛ dəa’g gə némḭdi aree oo dəw gə́ ria lə Ananias gə́ andə kəi ila jia dəa’g ɓó gə mba kar kəmee inja bərəŋ aree oo ne loo.

Néra Njékaḭkulaje 9:9

Yeḛ si keneŋ ndəa munda oo loo bèe el ləm, sɔ né el ləma, ai mán el ləm tɔ.

2 Njé gə́ Kɔrḭtə 11:32

Mee ɓee gə́ Damas lé njeguburuɓee gə́ ta tor mbai Aretas lé ar dee ŋgəm tarəw ɓee-boo gə́ Damas mba kwam.

Njé gə́ Galati 1:17

ma m’ḭ m’aw Jerusalem rɔ deḛ gə́ to njékaḭkulaje gə́ kédé nɔm’g el ləm tɔ nɛ m’ḭ m’aw ɓeeko̰ gə́ Arabi. Tɔɓəi m’tel gogo m’ree ɓee gə́ Damas tɔ.

1 Samel 3:4

Yen ŋga Njesigənea̰ ɓar Samel ndá yeḛ ndigi təa’g pana: Oiyo yḛ̀ m’aar nee!