Néra Njékaḭkulaje 8:6 - Maktub gə́ To gə Kəmee

⁶ Dəw-bulaje lai neelé loo gə́ deḛ d’oo ta gə́ Pilibə pa ləm, gə némɔrije gə́ yeḛ ra ləma, gə ta gə́ yeḛ ula dee lé ləm tɔ ndá d’uru mbi dee gèŋ gə́ dəa’g tɔ.

Néra Njékaḭkulaje 8:6 ပူးပေါင်းရင်းမြစ်များ

2 Sôrta Gḭka Israɛlje 30:12

Mee ɓee gə́ Juda kara Ala ra kula meḛ dee’g ar meḛ dee asəna kára ba mba kar dee ra né gə goo ndukun lə mbai gə ka̰ ŋgan-mbaije karee aw lée’g béréré gə goo tapa Njesigənea̰ lé.

Néra Njékaḭkulaje 13:44

Ndɔ-kwa-rɔ gə́ gogo koso-dəwje d’ḭ mee ɓee-boo’g mbo̰ dɔ na̰ gə mba koo ta lə Ala lé, lé nai ɓəi kara d’a nai jebəre ba bèe.

Néra Njékaḭkulaje 8:13

Simo̰ lé kara ɔm mée dɔ’g tɔ ndá loo gə́ deḛ rəa batɛm mba̰ ndá yeḛ reḛ́ goo Pilibə’g rḛ́-rḛ́. Néje gə́ dumkoo gə boo-némɔrije gə́ Pilibə ra lé yeḛ oo ar kaaree wá ne paḭ.

Néra Njékaḭkulaje 8:5

Pilibə aw ɓee-boo kára gə́ to dɔ naŋg gə́ Samari ula dee ta lə Kristi keneŋ.

Néra Njékaḭkulaje 8:7

Mbata ndilje gə́ yèr teḛ meḛ dəwje gə́ na̰je’g bula gə ro̰daŋ lə dee ləm, deḛ bula gə́ dəb rɔ dee wəi wɔ-wɔ gə deḛ gə́ to gə́ njémədje lé rɔ dee tel to kari péd-péd ləm tɔ.