Néra Njékaḭkulaje 8:39 - Maktub gə́ To gə Kəmee

³⁹ Loo gə́ d’unda loo mán teḛ mba̰ ndá Ndil Mbaidɔmbaije un Pilibə sèn, igi səa kág ar njekuji ée gogo el nja saar. Nɛ njekuji lé un rəw ləa gə rɔlel mée’g.

Néra Njékaḭkulaje 8:39 ပူးပေါင်းရင်းမြစ်များ

1 Mbaije 18:12

Tɔɓəi loo gə́ m’a kubai kya̰’i ndá Ndil Njesigənea̰ a kuni kaw səi loo gə́ ma m’gər’g el, ndá m’a kaw kula Akab ɓa ɓó yeḛ ḭgai el ndá a tɔlm. Nɛ ma kura ləi m’to njeɓel Njesigənea̰ gə basm ba.

2 Mbaije 2:16

Deḛ d’ulá pana: Aa oo, mbuna kuraje’g ləi lé dəwje gə́ njésiŋgamoŋje d’as rɔ-mi d’isi keneŋ nee. See i ndigi kar dee d’aw saŋg ɓéije lé wa. Banelə Ndil Njesigənea̰ unee aw səa ila dɔ mbal’g əsé kəm wəl-loo’g. Nɛ yeḛ tel ila dee keneŋ pana: Ulaje dəw kára kara el.

Pakɔsje 119:111

Tornduije lé to gə́ nénduba ləm gə́ to saar gə no̰, Mbata deḛ to né gə́ m’ndá məəm kaḭ dɔ’g.

Pakɔsje 119:14

M’ndá məəm kaḭ m’aa ne dɔ tornduije kər-kər Asəna gə nébaoje lai gə́ m’iŋga gə́ kama ya.

Esai 61:10

Ma m’ra rɔlel gə mbata lə Njesigənea̰ ləm, M’al rɔm gə boo-rɔkal gə mbata lə Ala ləm ləm tɔ, Mbata yeḛ ula kubu-kaji rɔm’g ləm, Yeḛ ila kubu gə́ boi yul gə́ ka̰ néra gə́ gə dɔ najee dɔm’g ləm tɔ, Asəna gə njeɓar mɔr gə́ ula dɔgugu dəa’g ləm, Asəna gə njemɔr gə́ ɔm néma̰dje rəa’g bèe ləm tɔ.

Ejekel 11:1

Ndil lé unm aw səm tarəwkəi’g lə Njesigənea̰ gə́ to bər gə́ tel təa par gə́ bər. Ndá aa oo, dəwje rɔ-joo-gir-dee-mi d’isi tarəw gə́ loo-kandə-kəi’g, tɔɓəi ma m’oo Jaasania, ŋgolə Ajur gə Pelatia, ŋgolə Benaja deḛ gə́ to mbaije lə koso-dəwje lé mbuna dee’g lé.

Ejekel 11:24

Ndil lé unm aw səm Kalde rɔ deḛ gə́ d’isi ɓee-ɓər’g lé, ndil Ala ɓa unm asəna gə némḭdi bèe aw səm ndá némḭdi gə́ m’oo lé sané kad dɔm’g.

Ejekel 37:1

Ji Njesigənea̰ to dɔm’g ndá Njesigənea̰ ar ndilee unm aw səm ilam mee wəl-loo’g loo gə́ siŋga dəwje to keneŋ njɔg-njɔg.

Ejekel 43:5

Yen ŋga ndil unm aw səm mee gadloo gə́ mee kəi’g kɔrɔg. Ndá aa oo, nérɔnduba lə Njesigənea̰ taa mee kəi pəl-pəl.

Ejekel 8:3

Yeḛ ula né gə́ tana gə ji dəw bèe naŋg wa ne yiŋga dɔm. Ndil lé unm naŋg aw səm mbuna naŋg gə dara’g ndá yeḛ unm dan némḭdije gə́ ḭ rɔ Ala’g lé aw səm Jerusalem, tarəw gə́ mee kəi gə́ to par gə́ kel dɔgel, loo gə́ magə-kəmkəḭ gə́ ɔs gel kəmkəḭ lə Njesigənea̰ lé to keneŋ.

Matiyo 13:44

Ɓeeko̰ gə́ dara lé to asəna gə nébao gə́ to loo-kiya’g mee ndɔ’g. Dəw teḛ keneŋ un iya kág gə́ lée’g ya. Rea lelee yaa̰ aree aw ndogo néje ləa mba kya̰ laree ndogo ne ndɔ neelé.

Matiyo 3:16

Loo gə́ Ja̰ rəa batɛm mba̰ ndá Jeju ḭ mán unda loo teḛ. Aa oo, kəm dara teḛ ndá yeḛ oo Ndil Ala ḭ keneŋ nar asəna gə dərnda ree si dəa’g.

Mark 1:10

Loo gə́ Jeju ḭ mán unda loo teḛ raga ndá léegəneeya yeḛ oo kəm dara teḛ yərərə, ndá Ndilmeenda ḭ dara nar asəna gə dərnda ree sí dəa’g.

Néra Njékaḭkulaje 13:52

Nɛ njékwakiláje gə́ Antiɔs lé deḛ ra rɔlel ləm, Ndilmeenda taa meḛ dee yal-yal ləm tɔ.

Néra Njékaḭkulaje 16:34

Yen ɓa yeḛ ɔr no̰ dee aw sə dee kəi ləa ndá yeḛ ar dee nésɔ d’usɔ ləm, yeḛ ra rɔlel gə njémeekəije ləa lai dɔ kɔm gə́ d’ɔm meḛ dee dɔ Ala’g lé ləm tɔ.

Néra Njékaḭkulaje 8:29

Ndilmeenda lé ula Pilibə pana: Aw kəmi gə́ kédé pər gə́ rɔ pusu’g neelé.

Néra Njékaḭkulaje 8:38

Njekuji un ndia ar dee d’ɔs pusu naŋg, Pilibə deḛ gə njekuji lé d’al d’uru naŋg d’aw mán joo bɔr, ar Pilibə ra njekuji lé batɛm.

Néra Njékaḭkulaje 8:8

Boo-rɔlel taa loo mee ɓee-boo’g neelé pəl-pəl ya.

Njé gə́ Rɔmə 5:2

Jeju lé ɓa gə́ njekar sí noji neelé gə́ jeḛ nai danee’g njaŋg gə goo meekun lə sí. J’isi keneŋ gə meendakaḭ j’unda meḛ sí yel gə mba koo ne rɔnduba lə Ala lé ya.

Njé gə́ Pilibə 3:3

Mbata jeḛ nja jeḛ n’to kankəm njékḭja tamɔd deeje lé jeḛ gə́ j’wa Ala meḛ sí’g gə goo Ndil Ala lé, j’ula ne rɔnduba dɔ Jeju Kristi’g ɓó j’ɔm meḛ sí dɔ dakasrɔ sí’g el.

Njé gə́ Pilibə 4:4

Alje rɔ sí ta-ta gin Mbaidɔmbaije’g. Ma m’tel gə mba pa ya tɔɓəi, alje rɔ sí ya.

Maktub gə́ Jak ula ne ar ngan-Allaje 4:16

Nɛ ɓasinè lé seḭ tije ne rɔ sí əsje ne ta. Kesta gə́ togə́bè ɓa majel.