Néra Njékaḭkulaje 8:33 - Maktub gə́ To gə Kəmee

³³ Dəa gə́ yeḛ ula lé d’ila ne ta dəa’g lal kɔr kəmee. Nɛ see na̰ ɓa a kɔr sor njéboakojije ləa wa. Mbata d’aar dəa udu dɔ naŋg nee.

Néra Njékaḭkulaje 8:33 ပူးပေါင်းရင်းမြစ်များ

Maktub gə́ wɔji dɔ Jɔb 27:2

Ala gə́ mbad kɔr kəm ta ləm lé to Njesikəmba. Bao-siŋgamoŋ gə́ ar meekad mbag-mbag taa məəm pəl-pəl lé to Njesikəmba tɔ.

Maktub gə́ wɔji dɔ Jɔb 34:5

Jɔb pana: Neḛ n’to njera nédanasur, Ala ɓa ɔs ta ləa gə́ gə dɔ najee lé rəw.

Pakɔsje 22:15

Ma m’yəb yəb-yəb ləm, Siŋgarɔmje lai tɔr to tar yɔg-yɔg ləma, Ɓə̰gərəm léḛ məəm’g to gə́ ya̰-tə̰ji gə́ léḛ sələlə-sələlə bèe ləm tɔ.

Pakɔsje 22:30

Njésiŋgamoŋje lai gə́ dɔ naŋg nee D’a sɔ né ləm, d’a kunda barmba dəb kəm dee naŋg nea̰’g ləm tɔ, Dəwje lai gə́ d’a gə tel nduji naŋg lé D’a rəm gə no̰ kəji dee yèm gə́ nea̰’g, Deḛ gə́ d’askəm kisi kəmba saar-saar el lé.

Esai 10:2

Yee ɓa deḛ mbad gaŋg ne rəwta Le njéndooje gə goo rəbee ləm, Né gə́ kəm kar deḛ gə́ kəm dee to ndòo Mbuna dəwje’g ləm d’iŋga lé Deḛ nar sə dee ləm, Deḛ taa nékiŋgaje lə njékəisiŋgaje ləma, D’unda ŋganalje gə́ néɓogo lə dee ləm tɔ.

Esai 5:23

Dɔ deḛ gə́ d’ɔr ta dɔ yeḛ gə́ ta wa dəa’g Gə mbata lə néndogo-gel ləma, Gə deḛ gə́ ta wa dɔ dee el kara D’ɔg dee né gə́ wɔji dɔ dee ləm tɔ.

Esai 53:10

Mee Njesigənea̰ ndigi Mba kar dee d’ula kəmee ndòo, Loo gə́ yeḛ a kya̰ rəa Gə́ nékinjaməs gə mbata lə kaiya Ndá yeḛ a koo ŋgakeaje ləm, Ləbje ləa d’a kḭ dɔ maree’d gə́ kédé-kédé ləm tɔ, Né gə́ mee Njesigənea̰ ndigi lé Yeḛ a karee aw lée’g béréré ya.

Esai 53:12

Gelee gə́ nee ɓa m’a karee ne né gə́ wɔji dəa Gə dəwje gə́ boo-boo na̰’d, Yeḛ lé a kai nébanrɔ kar njésiŋgamoŋje Mbata yeḛ ḭ gə mée ya̰ rəa ar yoo ləm, Deḛ turá na̰’d gə njéramajelje ləm, Mbata yeḛ odo kaiya lə dəwje bula ɔm dəa’g ləma, Yeḛ ra tamaji mbata lə dəwje gə́ ta wa dɔ dee ləm tɔ.

Esai 53:7

Deḛ ra səa majel d’ula ne kəmee ndòo Nɛ yeḛ teḛ təa ja̰ el, Asəna gə ŋgon badə gə́ d’ɔree D’aw səa gə́ loo-tɔlee’g ləm, Asəna gə ko̰ badə gə́ təa to gə́ loo ndèmee No̰ deḛ gə́ d’inja bḭyee’g bèe ləm tɔ lé Yeḛ teḛ təa ja̰ el .

Esai 53:8

Néɓəŋgərəti gə koo ko̰ né ɓa Deḛ d’ɔree ne gə mbəa, Mbuna njéboakojije’g ləa lé See na̰ ɓa oo gə́ né wa. Mbata deḛ d’aree udu dɔ naŋg’d lə njésikəmbaje ləm, Kaiya ra koso-dəwje ləm-ma lé ɓa Deḛ tɔlee ne gə mbəa ləm tɔ.

Loo gə́ killa rea kəm Daniel’g 9:26

Loo gə́ mee ndəaje gə́ siri-siri gɔl rɔ-misa̰-giree-joo godo mba̰ ndá yeḛ gə́ deḛ tər ubu dəa’g lé d’a tɔlee, tɔɓəi njetaa toree a godo. Dəwje lə mbai gə́ kára d’a ree mba tuji ɓee-boo ləm, gə loo gə́ to gə kəmee ləm tɔ. Rudu tuji a to kasəna gə ma̰-bélm bèe, tɔɓəi tujije d’a to keneŋ saar d’a təd ne rɔ.

Habakuk 1:4

Bèe ɓa godndu lé siŋgá godo ne ləm, Rəwta-gaŋg kara kul ne kwɔji-kwɔji ləm tɔ, Mbata njemeeyèr lé dum dɔ njera nédana ləm, Njégaŋ-rəwtaje gaŋg ne ta gə goo rəbee el ləm tɔ.

Jakari 13:7

Njesigənea̰ gə́ njeboo-néje ɓa pa togə́bè pana: Kiambas, maji kari ḭta rɔ gə njekulbadje ləm ləm Gə yeḛ gə́ to njeboalookaw ləm ləm tɔ. Maji kari tɔl njekulbadje ar badje d’aḭ sané na̰ kad-kad. Bèe ɓa n’a tel gə ji neḛ par gə́ rɔ dee gə́ siŋga dee godo’g lé.

Néra Njékaḭkulaje 8:34

Njekuji lé dəji Pilibə pana: M’ra ndòo rɔi’g gə mba kari ulam see njetegginta lé pata nee wɔji ne dɔ nawa. See yeḛ pa wɔji ne dɔ rəa-yeḛ əsé dɔ dəw gə́ raŋg wa.