Néra Njékaḭkulaje 8:32 - Maktub gə́ To gə Kəmee

³² Ta gə́ yeḛ tura mee maktub gə́ to gə kəmee lé ɓa to nee: Deḛ ndɔree asəna gə ko̰ badə gə́ d’isi d’aw səa gə́ loo tɔlee’g bèe, Asəna gə ŋgon badə gə́ təa to gə loo ndèmee no̰ deḛ gə́ d’inja bḭyee lé Yeḛ teḛ təa ja̰ el.

Néra Njékaḭkulaje 8:32 ပူးပေါင်းရင်းမြစ်များ

Pakɔsje 39:2

Ma m’pana: M’a kunda kəmkàr dɔ tapam’g Nà banelə ta kaiya a teḛ tam’g ya ləm, M’a kila tam maree’g ndag Loo gə́ njemeeyèr a ree kaar nɔm’g ləm tɔ.

Pakɔsje 39:9

Maji kari ɔrm dan nékaltaje’g ləm lai ya Ɓó ar rɔkul-boo lə mbə-dəw oso dɔm’g el.

Jeremi 11:19

Ma m’to asəna gə ŋgon badə gə́ kul gə́ d’aw səa gə́ loo-tɔlee’g bèe, ndá ma m’gər rəw né gə́ majel gə́ deḛ la̰ji meḛ dee’g gə mba ra səm lé el. Deḛ pana: Ar sí n’tujije kag gə ka̰dee na̰’d! Ar sí j’oreeje dɔ naŋg’d lə njésikəmbaje mba kar dəw ə̰ji dɔ ria’g gogo el ŋga.

Jeremi 12:3

Nɛ Njesigənea̰, i gərm gao ləm, I oom ləma, i naa meekuru ləm Gə́ m’ɔm dɔi’g ləm tɔ. Maji kari ɔr dee asəna gə badje Gə́ d’aw sə dee gə́ loo-tɔl dee’g ləm, Maji kari gɔl dee Ŋgina ne ndɔ ndum dee mburug-mburug ləm tɔ.

Jeremi 51:40

M’a kar dee d’aw To gə́ ŋgan badje bèe loo-tɔl dee’g ləm, To gə́ bàl badje gə bàl bya̰je bèe ləm tɔ.

Bula lə Israɛlje 7:39

Bɔ maŋg kára ləm, bàl badə kára ləma, ŋgon badə gə́ ra ləb kára ba ləm tɔ gə mbata nékinjaməs gə́ ka̰ roo,

Bula lə Israɛlje 7:57

Bɔ maŋg kára ləm, bàl badə kára ləma, ŋgon badə gə́ ra ləb kára ba ləm tɔ, gə mbata nékinjaməs gə́ ka̰ roo,

Lugu 23:34

Jeju pana: Bɔm, ar məəi oso lemsé dɔ dee’g mbata né gə́ deḛ ra lé deḛ gər rəbee el. Tɔɓəi deḛ kai na̰ kubuje ləa d’ɔs ne mbarè.

Tagə́maji gə́ Ja̰ ndang 1:29

Bèlè lookàree Ja̰ oo Jeju si aw gə́ rəa’g ndá yeḛ pana: Aa ooje, Ŋgon badə lə Ala gə́ a gə kɔr kaiya naŋg neelé.

Néra Njékaḭkulaje 8:31

Yeḛ tel ilá keneŋ pana: Ɓó lé dəw tɔjim el ndá see m’a gər ginee to gə́ banwa. Ndá yeḛ tel ula Pilibə aree al si səa na̰’d mee pusu’g lé.

Njé gə́ Rɔmə 8:36

To gə́ deḛ ndaŋg mee maktub’g pana: To mbata ləi-i nja ɓa deḛ goré gwɔb sí dɔɓee’g saar kàr ur naŋg jig ləm, D’oo sí asəna gə badje gə́ twa dee d’aw sə dee gə́ loo-kinja-gwɔs dee’g bèe ləm tɔ.

1 Njé gə́ Kɔrḭtə 15:3

Aa ooje, ta gə́ ma m’ndoo sí lé m’aree ur dɔ taje’g lai, ma nja kara m’taa gə məəm tɔ. Taree ɓa to nee: Kristi lé wəi mbata kaiya lə sí gə goo ta gə́ mee maktub gə́ to gə kəmee pa ləm,

1 Piɛrə 1:19

Nɛ məs Kristi gə́ gadee dum ndogo ɓa yeḛ uga sí ne. Kristi lé to asəna gə ŋgon badə gə́ rəa mina̰ el ləm, rəa ila ɓal el ləm tɔ,