Néra Njékaḭkulaje 8:26 - Maktub gə́ To gə Kəmee

²⁶ Kura lə Mbaidɔmbaije gə́ dara teḛ dɔ Pilibə’g wai ulá pana: Uba naŋg ḭta ɔd aw par gə́ dɔkɔl, taa rəw gə́ ḭ Jerusalem aw Gaja gə́ to dɔdilaloo lé.

Néra Njékaḭkulaje 8:26 ပူးပေါင်းရင်းမြစ်များ

Gḭ-Néje 10:19

Rəw-nim-ɓee lə Kana̰je lé un kudee Sido̰ par gə́ Gerar aw saar teḛ Gaja ləm, tɔɓəi par gə́ Sɔdɔm gə Gɔmɔr, gə Adma, gə Seboyim aw njal teḛ Lesa ləm tɔ.

2 Mbaije 1:3

Nɛ kura lə Njesigənea̰ ree ula Eli dəw gə́ Tisbe pana: Uba naŋg ḭta aw iŋga njékulaje lə mbai gə́ Samari lé dəji dee pana: See Ala lə Israɛlje godo ŋga ɓa seḭ aw dəjije Baal-Jebub, magə gə́ Ekro̰ ɓa ta wa.

1 Sôrta Gḭka-Israɛlje 22:16

Larlɔr, gə larnda, gə larkas, gə larndul dum tura to keneŋ. Uba naŋg ḭta ra né ndá maji kar Njesigənea̰ nai səi ya.

Jakari 9:5

Njé gə́ Askalo̰ d’a kée ndá d’a si dan ɓəl’g, Njé gə́ Gaja kara d’a ɓəl kunda bala tigi-tigi ləma, Njé gə́ Ekro̰ kara d’a ɓəl ləm tɔ, Mbata meekundayel lə dee tel to nérɔkul. Mbai gə́ Gaja a sané pá ləm, Ɓee gə́ Askalo̰ kara dəwje d’a godo keneŋ ləm tɔ.

Néra Njékaḭkulaje 10:22

Deḛ d’ilá keneŋ pana: Kɔrnəi, ɓée boo-njérɔje gə́ tɔl lé yeḛ to gə́ njemeekarabasur ləm, yeḛ tədkag Ala lé ləm tɔ, ar Jibje lai gə gel dee gel dee d’ɔr goo ta ləa maji. Ala ar kura ləa gə́ dara gə́ undá gə kəmee lé teḛ dəa’g ulá gə mba karee ula-kula ɓari kəi ləa gə mba koo taje tai’g.

Néra Njékaḭkulaje 10:7

Loo gə́ kura gə́ dara gə́ njepa səa ta lé ɔd aw ndá Kɔrnəi ɓar kuraje ləa joo gə njerɔ kára gə́ njetədkag Ala lé mbuna mareeje’g gə́ d’aar d’aa dəa lé.

Néra Njékaḭkulaje 12:23

Léegəneeya kura lə Mbaidɔmbaije gə́ dara daree bus mbata yeḛ ula rɔnduba dɔ Ala’g el. Ndá kuruje d’o̰ ne mée aree oso ne gə̰gərə wəi.

Néra Njékaḭkulaje 27:23

Kura lə Ala gə́ dara gə́ ma m’to gə́ kea̰ ləm, m’wá məəm’g ləm tɔ lé teḛ dɔm’g təsərə loondul gə́ nee

Néra Njékaḭkulaje 5:19

Nɛ kura lə Mbaidɔmbaije gə́ dara ɔr tarəwkəi loondul’g, ar dee d’unda loo teḛ raga ndá ula dee pana:

Néra Njékaḭkulaje 8:29

Ndilmeenda lé ula Pilibə pana: Aw kəmi gə́ kédé pər gə́ rɔ pusu’g neelé.

Néra Njékaḭkulaje 8:5

Pilibə aw ɓee-boo kára gə́ to dɔ naŋg gə́ Samari ula dee ta lə Kristi keneŋ.

Ǝbrəje 1:14

See kuraje lə Ala gə́ dara lé to ndilje gə́ njéra né kar Ala gə́ yeḛ ula dee mba kar dee ra kula la ne gə deḛ gə́ d’a gə kiŋga kaji lé el wa.

Jujé 13:3

un kudee baa gə́ sihor gə́ tel kəmee ar ɓee gə́ Ejiptə saar teḛ ne rəw-nim-ɓee gə́ Ekro̰ par gə́ dɔgel, dɔ naŋg gə́ kəm tura gə ka̰ Kana̰je na̰’d ar mbaije gə́ boo lə Pilistije mi d’isi keneŋ lé. Mbai gə́ si Gaja ləm, yeḛ gə́ Asdod ləm, yeḛ gə́ Askalo̰ ləm, yeḛ gə́ Gat ləma, gə yeḛ gə́ Ekro̰ ləm tɔ, tɔɓəi Abije kara d’isi keneŋ tɔ,

Jujé 15:47

gə Asdod gə ɓee-booje gə́ to boa təa’g gə ɓee-kogoje ləa tɔ, gə Gaja gə ɓee-booje gə́ to boa təa’g gə ɓee-kogoje ləa ləm tɔ saar teḛ baa gə́ Ejiptə ləm gə baa-boo-kad gə́ boi gə́ to gə́ rəw-nimee lé tɔ.