Néra Njékaḭkulaje 8:22 - Maktub gə́ To gə Kəmee

²² Wa ndòo rɔi dɔ némeeyèr’g ləi, ra ndòo rɔ Mbaidɔmbaije’g ɓa dɔmaji-nà mée a ti mbidi dɔ takə̰ji’g ləi ɓəi,

Néra Njékaḭkulaje 8:22 ပူးပေါင်းရင်းမြစ်များ

Gosota-Kəmkàrje 24:9

Takə̰ji lə mbə lé wɔji dɔ kaiya ya goo kára ba, Yeḛ gə́ njekula sul dɔ loo’g lé to né gə́ mina̰ mbuna dəwje’g tɔ.

Loo gə́ killa rea kəm Daniel’g 4:27

ndá mbai lé un ta pa pana: Babilɔn gə́ boo gə́ to neelé see to ma nja gə́ m’unda gelee mba karee to ɓee-si mbai gə goo boo-siŋgamoŋ ləm-ma ləm, gə goo boo-ronduba lə dɔmoŋ ləm-ma ləm tɔ el wa.

Amɔs 5:15

Maji kar sí ə̰jije néra gə́ majel bəḭ-bəḭ, Nɛ undaje néra gə́ maji ɓa dan kəm sí’g, Maji kar sí gaŋgje rəwta gə́ gə dɔ najee tarəwkɔg’d lé ɓa, Banelə Njesigənea̰, Ala gə́ njeboo-néje lé A koo kəmtondoo lə ges ŋgaka Jisəb gə́ nai lé ɓəi.

Amɔs 5:6

Saŋje Njesigənea̰ ndá Seḭ a síje ne kəmba ya. Ɓəlje nà banelə yeḛ a roo ŋgaka Jisəb to gə́ pər bèe, To gə́ pər gə́ roo ar dəw nai Betel Kára kara gə mba tɔlee el.

Junas 1:6

Njekwa-ŋgao bato lé ree pər gə́ rəa’g dəjee pana: See ban ɓa i toɓi bèe wa. Uba naŋg ḭ tar ɓar magə ləi oo ɓa banelə yeḛ ə̰ji dɔ sí’g ndá j’a kudu ne el.

Junas 3:9

See na̰ ɓa gər wa. Banelə Ala a tel gə ndia kar goo takə̰ji ləa yɔr ləm, a kuba oŋg ləa kya̰ lal kar sí n’tujije ne ləm tɔ.

Néra Njékaḭkulaje 17:30

Ndɔ gə́ dəwje d’isi dɔ mbə’g lé Ala un kəmee dɔ’g rəw. Nɛ ɓasinè yeḛ ila mber ar dəwje lai-lai gə́ d’isi gə loo gə́ rara kara mba kar dee d’wa ndòo rɔ dee dɔ kaiya’g,

Néra Njékaḭkulaje 2:38

Piɛrə ila dee keneŋ pana: Waje ndòo rɔ sí dɔ kaiya’g lə sí ləm, ar deeje ra sí batɛm gə ri Jeju Kristi ləm tɔ mba kar mée ti mbidi dɔ kaiyaje’g lə sí. Bèe ɓa seḭ a kiŋgaje ne Ndilmeenda gə́ d’wɔji-kwɔji kar sí gə́ kar lé ya.

Néra Njékaḭkulaje 3:19

Bèe ndá waje ndòo rɔ sí dɔ kaiya’g lə sí ɔsje badm telje mba kar kaiya lə sí ɔr ndɔs-ndɔs ləm,

Néra Njékaḭkulaje 8:20

Nɛ Piɛrə ilá keneŋ pana: Udu gə lar ləi bura ya, mbata i ə̰ji məəi’g pana: Nénoji lə Ala lé to gə́ né gə́ ka̰ ndogo gə lar.

Néra Njékaḭkulaje 9:11

Mbaidɔmbaije tel ulá pana: Uba naŋg ḭta aw gə mban-rəw gə́ deḛ ɓaree Rəw gə́ danasur, saŋg dəw kára gə́ ḭ Tarsə gə́ ria lə Sool gə́ si kəi lə Judas.

Njé gə́ Rɔmə 2:4

See bao-noji lə Ala ləm, gə meekila ləa ləma, gə meekai sam-sam ləa ləm tɔ lé i ə̰ji bəḭ-bəḭ wa. See meemaji lə Ala gə́ ɔsi ɓɔḭ-ɓɔḭ gə mba kari wa ndòo rɔi dɔ kaiya’g ləi lé see i gər el wa.

Ǝbrəje 4:12

Mbata ta lə Ala lé to ta gə́ kəmba gə́ ɓar mḭ yaa̰, adə yaa̰ unda kiambas gə́ rara gə́ ŋgaŋgee joo ndá yee ta̰ mbuna kankəmrɔ gə ndil ləm, mbuna siŋga gə ubee mée’g ləm tɔ, yee teg takə̰ji lə dəw gə́ mée’g tɔ.

Loo gə́ killa rea kəm Ja̰’g 2:21

M’ila məəm dəa’g mba karee wa ndòo rəa dɔ kaiya’g ləa nɛ yeḛ ndigi kya̰ goo mɔdkaiya ləa el.