Néra Njékaḭkulaje 8:21 - Maktub gə́ To gə Kəmee

²¹ Siŋgamoŋ neelé yeḛ gə́ tḛ́-tḛ́ bèe ya a kuba jii ndag el, mbata i nda məəi gə Ala el.

Néra Njékaḭkulaje 8:21 ပူးပေါင်းရင်းမြစ်များ

2 Sôrta Gḭka Israɛlje 25:2

Yeḛ ra né gə́ danasur kəm Njesigənea̰’g nɛ lé togə́bè kara yeḛ ra gə mée gə́ kára ba sur el.

Nehemi 2:20

Bèe ɓa m’tel gə ta nee m’ila dee keneŋ m’pana: Ala gə́ to Mbai dɔ dara lé a kar sí n’teḛje kɔr ya. Jeḛ gə́ n’toje kuraje ləa j’a kḭje gə mba kunda ndògo-bɔrɔ lé. Nɛ seḭ lé dəb loo ka̰ sí əsé né gə́ wɔji dɔ sí əsé nékolé-mee gə́ ka̰ sí godo mee ɓee gə́ Jerusalem lé tɔ.

Pakɔsje 36:1

Pa lə Dabid gə́ to kura lə Njesigənea̰ gə́ ar bao-pa mba karee ɔs sə dee lé.

Ejekel 14:3

Ma ŋgon-dəw lé dəwje neelé d’wa magəje lə dee meḛ dee’g ləm, d’orè kəm dee sḭ dɔ né gə́ ar dee d’oso dan néra gə́ kori-kori’g lé ləm tɔ. See n’a kya̰ loo kar dee dəji neḛ ta wa.

Ləbije 13:8

Njekinjanéməs lé a tən rəa. Ɓó lé ŋgwɔiee ḭ yoolé ndar rəa’g unda nje gə́ kédé ndá njekinjanéməs lé a pa njaŋg pana: Rea mina̰, to ba̰ji ya.

Habakuk 2:4

Aa ooje, dəw neelé ti rəa Ar ta néra gə́ danasur godo mée’g, Nɛ njemeekarabasur lé meekun ləa ɓa yeḛ a si ne kəmba.

Lugu 1:6

Deḛ neelé to njémeekarabasurje no̰ Ala’g lé ya ndá d’un godndu Mbaidɔmbaije gə ndukunje ləa gə́ wɔji-kwɔji kar dee ra lé lad-lad tɔ.

Tagə́maji gə́ Ja̰ ndang 21:17

Jeju tel dəjee tɔɓəi ɔm’g gɔl munda lé pana: Simo̰, ŋgon Junas, see i ndigim tɔgərɔ ya wa. Piɛrə lé mée ea̰ mbata dəji gə́ Jeju dəjee gɔl munda pana: See yeḛ undá dan kəmee’g wa. Ndá yeḛ tel ndigi təa’g pana: Mbaidɔmbaije, i gər néje lai, i gər gao to gə́ ma m’ndigii ya. Jeju ilá keneŋ pana: Bèe ndá maji kari ul badje ləm am.

Néra Njékaḭkulaje 8:37

Pilibə ilá keneŋ pana: Ɓó lé i ɔm məəi dɔ’g jəb-jəb ndá né gə́ njekɔgi godo. Njekuji tel ulá pana: Ma m’ɔm məəm dɔ’g jəb-jəb to gə́ Jeju Kristi to Ŋgon-Ala ya.

Njé gə́ Epesə 5:5

Maji kar sí gərje gao, dəw gə́ rara gə́ to njemɔdkaiya ləm, əsé njekəmnda ləma, əsé njekwəi-yoo-lar gə́ oo lar asəna gə magəpole ləm tɔ lé deḛje neelé d’askəm kila gɔl dee ɓeeko̰’g lə Kristi gə Ala el.

Tel tura Godndu 10:9

Gelee gə́ nee ɓa ginkoji Ləbije d’iŋga ne né gə́ wɔji dɔ dee gə́ nédɔji lə dee gə ŋgako̰ deeje el, Njesigənea̰ ɓa to gə́ nédɔji lə dee to gə́ Njesigənea̰ Ala lə dee ula dee ne lé tɔ.

Tel tura Godndu 12:12

Lée gə́ neelé ɓa seḭ a kalje rɔ sí keneŋ no̰ Njesigənea̰ Ala’g lə sí, seḭ ləm gə ŋgan síje gə́ diŋgam gə njé gə́ dené ləm, gə kuraje lə sí gə́ diŋgam gə njé gə́ dené ləma, gə Ləbije gə́ d’isi mbuna sí’g ləm tɔ, mbata deḛ lé d’a kiŋga néka̰ dee əsé nédɔji dee mbuna sí’g el.

Ǝbrəje 4:13

Nékunda ləa gə́ rara kara a kiya rəa nea̰’g el, nɛ néje lai to raga ndəgəsə kəm yeḛ gə́ j’a kaar nea̰’g mba tura goo néra sí karee.

Jujé 22:25

Njesigənea̰ ar baa gə́ Jurdɛ̰ to rəw-nim gə́ kai síjeḛ sə síje dana, seḭ Rubḛje gə Gadje, né lə sí kára kara to rɔ Njesigənea̰’g el. Gelee gə́ nee ɓa ŋgan síje d’a kar ŋgan síjeḛje d’əw ne rɔ dee ɓəl Njesigənea̰ lé.

Loo gə́ killa rea kəm Ja̰’g 2:23

M’a kar ŋganee d’wəi mburug, ndá Eglisəje lai d’a koo to gə́ ma m’to nje naa meekuru lə dəwje ləm, ma m’to njenaa takə̰ji gə́ meḛ dee’g ləm tɔ ndá ma nja m’a kuga sí kára-kára lai gə goo néra sí ya.

Loo gə́ killa rea kəm Ja̰’g 20:6

Deḛ gə́ d’a teḛ dɔkumbwa gə́ dɔtar lé rɔ dee a lel dee ləm, d’a to dəwje to gə́ gə kəmee ləm tɔ. Yoo gə́ joo a ɓar ri dee el ŋga, nɛ d’a to njékinjanéməsje lə Ala gə ka̰ Kristi tɔ ndá d’a ko̰ səa ɓee na̰’d as ləb dee tɔl-dɔg.

Loo gə́ killa rea kəm Ja̰’g 22:19

Ɓó lé nana ɓa tuji ta gə́ a gə teḛ gə goo ta gə́ to mee maktub’g neelé ndá Ala a kɔgee dɔ kandə kag kəmə’g neelé gə́ wɔji dəa ləm, a kɔgee loo-siée mee ɓee gə́ to gə kəmee gə́ d’ɔr goo taree mee maktub’g neelé ya ləm tɔ.