Néra Njékaḭkulaje 8:15 - Maktub gə́ To gə Kəmee

¹⁵ Deḛje neelé loo gə́ deḛ teḛ ɓee lə njé gə́ Samari mba̰ ndá deḛ ra tamaji gə mba kar Ndilmeenda taa meḛ njétaamee-Kristije gə́ sigi neelé.

Néra Njékaḭkulaje 8:15 ပူးပေါင်းရင်းမြစ်များ

Matiyo 18:19

Ma m’ula sí tɔɓəi, ɓó lé dəwje joo mbuna sí’g d’ɔm meḛ dee na̰’d sad mba dəji Ala né gə́ ban-ban kara Bɔm gə́ si dara a kar dee ya.

Néra Njékaḭkulaje 19:2

Loo gə́ seḭ unje meḛ sí lé see seḭ taaje Ndilmeenda gə meḛ sí ya wa. Deḛ tel d’ilá keneŋ pana: Ta lə Ndilmeenda ya kara oso mbi sí’g to gə́ yeḛ si loo gə́ bèe’g el ya ɓəi.

Néra Njékaḭkulaje 2:38

Piɛrə ila dee keneŋ pana: Waje ndòo rɔ sí dɔ kaiya’g lə sí ləm, ar deeje ra sí batɛm gə ri Jeju Kristi ləm tɔ mba kar mée ti mbidi dɔ kaiyaje’g lə sí. Bèe ɓa seḭ a kiŋgaje ne Ndilmeenda gə́ d’wɔji-kwɔji kar sí gə́ kar lé ya.

1 Njé gə́ Kɔrḭtə 14:13

Togə́bè ɓa, yeḛ gə́ pa takɔji dəwje-dəwje ubu pur-pur lé maji karee ra tamaji ta Ala’g mba kiŋga nénoji gə́ ka̰ kɔr ne ginee kar dee.

Njé gə́ Pilibə 1:19

Mbata ma m’gər gao mbɔl dɔ tamaji gə́ seḭ raje ləm, gə dɔ Ndil lə Jeju Kristi gə́ la səm lé ləm tɔ lé ɓa né neelé a tel ne kajim ya.