Néra Njékaḭkulaje 7:9 - Maktub gə́ To gə Kəmee

⁹ Deḛ gin ka síje lé kəm dee əḭ dɔ Jisəb’g ar dee d’wá ndogee gə mba kar dee d’aw səa Ejiptə,

Néra Njékaḭkulaje 7:9 ပူးပေါင်းရင်းမြစ်များ

Gḭ-Néje 39:2

Njesigənea̰ nai gə Jisəb ar teḛkɔr ləa dan gée. Yeḛ si kəi lə ɓéeje gə́ to dəw gə́ Ejiptə lé.

Gḭ-Néje 39:5

Un kudee mee ndəa gə́ Potipar undá gə́ njekaa dɔ kəi ləa ləm, ɔm néje ləa lai jia’g ləm tɔ lé ndá Njesigənea̰ tɔr ndia dɔ kəi’g lə dəw gə́ Ejiptə gə mbata lə Jisəb ya. Ndutɔr lə Njesigənea̰ lé to dɔ kəi’g ləm, gə dɔ loo-ndɔ’g ləm tɔ.

Gḭ-Néje 45:4

Jisəb ula ŋgakea̰je pana: M’ra ndòo rɔ sí’g, ŋgəsje gə́ rɔm’g nee. Ndá deḛ ŋgəs gə́ rəa’g tɔ. Yeḛ pana: Ma m’to Jisəb, ŋgoko̰ sí gə́ seḭ ar deeje ndogəm sə sí d’aw səm Ejiptə lé ya.

Pakɔsje 105:17

Yeḛ ula dəw kára no̰ dee’g, To Jisəb gə́ deḛ ndogee asəna gə ɓər bèe lé.

Esai 41:10

Ɓəlje el Mbata ma m’nai sə sí, Maji kar sí aaje loo gə kəm ɓəl el Mbata ma m’to Ala lə sí, M’a kar siŋga sí ḭ dɔ maree’g ləm, M’a ree la sə sí ləma, M’a gəd sí gə jikɔlm gə́ ɓar mèr-mèr ləm tɔ.

Esai 43:2

Ɓó lé seḭ aw gaŋgje mán ndá M’a nai sə sí Ndá baa-booje d’a tur dɔ sí el, Ɓó lé seḭ njaaje dan pər’g ndá A roo sí el ləm, Ndo̰ pər a kunda sí bilim el ləm tɔ.

Ajee 2:4

Njesigənea̰ pana: Ɓasinè, i Jorobabel, wa rɔi kɔgərɔ! I Juje, ŋgolə Josadak, ŋgɔ-njekinjanéməs lé wa rɔi kɔgərɔ! Seḭ koso-dəwje lai gə́ mee ɓee’g lé waje rɔ sí kɔgərɔ! Njesigənea̰ ɓa pa bèe. Tɔɓəi raje kula! Mbata neḛ nja nai sə sí ya. Njesigənea̰ gə́ njeboo-néje ɓa pa bèe.

Matiyo 27:18

Mbata yeḛ gər gao, kəmkəḭ ɓa d’ila ne Jeju jia’g.

1 Njé gə́ Kɔrḭtə 13:4

Meenoji lé ai mée sam-sam ləm, yee to bao-meemaji ləm tɔ. Meenoji lé kəmee əḭ el ləm, yee rab rəa kəm dəwje’g el ləma, yee ti rəa mugugu-mugugu el ləm tɔ.