Néra Njékaḭkulaje 7:8 - Maktub gə́ To gə Kəmee

⁸ Tɔɓəi Ala ar Abrakam ta manrɔ gə́ wɔji dɔ kinja tamɔd ŋganje gə́ diŋgam. Bèe ɓa loo gə́ Abrakam oji Isaak ndá ndəa aḭ jinaijoo ɓa yeḛ inja tamɔdee ləm, Isaak oji Jakob ɓa inja tamɔdee ləma, Jakob oji ŋganee dɔg-gir-dee-joo gə́ to gə́ gin ka síjeḛ lé ɓa inja tamɔd dee ləm tɔ.

Néra Njékaḭkulaje 7:8 ပူးပေါင်းရင်းမြစ်များ

Gḭ-Néje 29:31

Njesigənea̰ oo to gə́ Jakob ndigi Lea el ndá yeḛ aree to ko̰ ŋganje nɛ Rasel ɓa aw kad.

Gḭ-Néje 30:5

Bila əskèm oji ŋgon gə́ diŋgam ar Jakob.

Gḭ-Néje 35:16

Deḛ d’uba naŋg Betel d’ḭ. Nɛ loo gə́ nai lam ɓa ya gə mba kar dee teḛ Eprata ɓəi ndá ndóo too Rasel. Ndóo lé kədərə səa yaa̰.

Gḭ-Néje 35:18

Nɛ loo gə́ kəmə ləa a gə godo mbata yeḛ a gə kwəi ndá yeḛ unda ria lə Ben-Oni, nɛ bɔbeeje ɓaree Bḛjami.

1 Sôrta Gḭka-Israɛlje 1:34

Abrakam oji Isaak. Ŋgalə Isaak ɓa ri dee to nee: Esawu gə Israɛl.

Matiyo 1:2

Abrakam to bɔ Isaak, Isaak to bɔ Jakob, Jakob to bɔ Juda deḛ gə ŋgakea̰je.

Tagə́maji gə́ Ja̰ ndang 7:22

Moyis wɔji sí loo kinja tamɔd sí nɛ ginee ḭ rɔ ka síje’g ɓó ḭ rəa-yeḛ’g el. Ndá seḭ injaje tamɔd dəw gə ndɔ-kwa-rɔ.

Néra Njékaḭkulaje 2:29

Ŋgakɔmje gə́ dəwje, maji kam m’ula sí woḭ, ta gə́ wɔji dɔ ka síjeḛ Dabid lé yeḛ wəi ləm, deḛ dubee ləma, ar dɔɓaree to mbuna sí’g nee ya saar teḛ ɓogənè ɓəi ləm tɔ.

Njé gə́ Rɔmə 4:10

See ndɔ gə́ ra ɓa Ala tura gə́ némeekarabasur ləa wa. See loo gə́ yeḛ to ne njekḭja tamɔdee lé əsé to ne njekḭja tamɔdee el ɓəi wa. To gə́ kédé par-par ɓa inja tamɔdee ɓəi.

Njé gə́ Galati 3:15

Ŋgakɔmje, (né gə́ ka̰ dəwje ɓa ma m’un m’wɔji ne lé bèe): ndukun lə dəw gə́ yeḛ unda mee maktub’g mba karee to njaŋg lé loo gə́ yeḛ ra gə goo rəbee ndá dəw kára kara askəm tuji ta gə́ to keneŋ el ləm, əsé a kila ta gə́ raŋg keneŋ el ləm tɔ.

Njé gə́ Galati 3:17

Aa ooje, ta gə́ ma m’pa ɓa nee: Ndukun gə́ Ala un kédé ɓa gée gə́ gogo aree to njaŋg ɓəi lé loo karee udu ɓa godo ŋga. Tɔɓəi godndu gə́ ḭ gogo as ləb tɔl-sɔ-dəa-rɔ-munda lé kara askəm kar ndukun gə́ to njaŋg kédé lé tel to né gə́ mḭdé el tɔ.

Ǝbrəje 7:4

Ǝ̰jije ooje to gə́ Melkisedek lé ur dɔ ka síjeḛ mbata Abrakam kai ta nébanrɔje loo dɔg ɓa un təa kára aree.